കുട്ടികള്‍ തമ്മിലുള്ള വഴക്ക് പരിഹരിക്കാം

നിസാര വഴക്കാണ് കുട്ടികള്‍ക്കിടയിലെങ്കില്‍ അതില്‍ ഇടപെടാതിരിക്കുകയാണ് ഏറ്റവും നല്ലത്. മുതിര്‍ന്നവര്‍ ഇടപെട്ടാല്‍ ചിലപ്പോല്‍ കാര്യങ്ങള്‍ കൂടുതല്‍ വഷളാകും. അല്ലെങ്കില്‍ മിക്കവാറും അവര്‍ തനിയെ ഇത് പരിഹരിച്ചോളും.

വഴക്കില്‍ ഇടപെടുകയാണെങ്കില്‍ കാര്യം ചോദിച്ചു മനസിലാക്കി ന്യായമുള്ളിടത്ത് നില്‍ക്കണം. തെറ്റായ ഭാഗം ചേരുന്നത് തെറ്റുകള്‍ ആവര്‍ത്തിക്കാന്‍ കുട്ടിക്ക് പ്രചോദനമാകും. ചെയ്തത് തെറ്റാണെന്ന് മനസിലാകുകയുമില്ല. ആദ്യമെ കുട്ടികളെ വഴക്കു പറയാനും തല്ലാനും പാടില്ലതാനും.

വഴക്കുണ്ടാക്കാന്‍ ഇടയുള്ള സാഹചര്യങ്ങള്‍ മാതാപിതാക്കളായി ഉണ്ടാക്കാതിരിക്കുക. ഉദാഹരണത്തിന് ഒരു കുട്ടിക്ക് ഇഷ്ടവും മറ്റേ കുട്ടിക്ക് ഇഷ്ടമില്ലാത്തതുമായ ഭക്ഷണം ഉണ്ടാക്കാതിരിക്കുക. പകരം രണ്ടുപേര്‍ക്കും ഇഷ്ടമുള്ളതോ അല്ലാത്തതോ ആയ ഒന്നു തെരഞ്ഞെടുക്കാം.

വെറുതെയിരിക്കുമ്പോഴാണ് മിക്കവാറും വഴക്കിനുള്ള അവസരങ്ങള്‍ ഉണ്ടാകുന്നത്. കഴിവതും ഇരുവരേയും എന്തെങ്കിലും പ്രവൃത്തികളില്‍ വ്യാപൃതരാക്കുക.