കുട്ടികളുടെ തൂക്കം വര്‍ദ്ധിപ്പിക്കാം

Kids

oi-Saritha

By Veena

Published: Friday, March 9, 2012, 12:47 [IST]

കുട്ടികളെക്കുറിച്ച് മിക്കവാറും അമ്മമാര്‍ക്കുള്ള പരാതിയാണ്, ഭക്ഷണം കഴിയ്ക്കുന്നില്ല, ക്ഷീണിച്ചിരിക്കുന്നു എന്നൊക്കെ. ഇതൊക്കെ പതിവാണെങ്കിലും പ്രായത്തിനൊത്ത് തൂക്കമില്ലാത്ത കുട്ടികളുടെ കാര്യത്തില്‍ അല്‍പം കൂടുതല്‍ ശ്രദ്ധ ആവശ്യമാണ്. കുട്ടികളുടെ ശാരീരിക, മാനസിക വളര്‍ച്ചയെ ബാധിക്കുന്ന ഒരു ഘടകം കൂടിയാണിത്.

വിശപ്പില്ലായ്മയാണ് മിക്കവാറും കുട്ടികളുടെ ഭക്ഷണവിരോധത്തിന് പിന്നില്‍. സിങ്ക് കലര്‍ന്ന ഭക്ഷണസാധനങ്ങള്‍ നല്‍കിയാല്‍ കുട്ടികളില്‍ വിശപ്പുണ്ടാകും. ആട്ടിറച്ചി, എള്ള്, തണ്ണിമത്തന്‍ കുരു, നിലക്കടല, ബീന്‍സ്, പാലക്, ചീര, കൂണ്‍, പാല് എന്നിവ കുട്ടികളുടെ ഭക്ഷണക്രമത്തില്‍ ഉള്‍പ്പെടുത്തുക.

ഡ്രൈ നട്‌സ്, ഡ്രൈ ഫ്രൂട്‌സ് എന്നിവ തൂക്കം വര്‍ദ്ധിപ്പിക്കാന്‍ കുട്ടികള്‍ക്ക് നല്‍കാം. ബദാം, പിസ്ത, നിലക്കടല, ഉണക്കമുന്തിരി എന്നിവ നല്ലതാണ്.

പച്ചക്കറികളും പഴവര്‍ഗങ്ങളും കുട്ടികളുടെ ഭക്ഷണക്രമത്തില്‍ ഉള്‍പ്പെടുത്തണം. വീട്ടിലുണ്ടാക്കുന്ന പച്ചക്കറി സൂപ്പും കുട്ടികളുടെ തൂക്കം വര്‍ദ്ധിപ്പിക്കും. ചോളം വേവിച്ച് അതില്‍ ബട്ടര്‍ ചേര്‍ത്ത് കൊടുക്കുന്നത് നല്ലതാണ്.

പാലും പാലുല്‍പ്പന്നങ്ങളും കുട്ടികളിലെ ശരിയായ വളര്‍ച്ചയ്ക്ക് അത്യാവശ്യം. വെണ്ണ, നെയ്യ് തുടങ്ങിയവ കുട്ടികള്‍ക്ക് നല്‍കാം. ദിവസവും രണ്ടുനേരമെങ്കിലും പാല്‍ കൊടുക്കുകയും വേണം. പാലിനോട് താല്‍പര്യക്കുറവുള്ള കുട്ടിയാണെങ്കില്‍ തൈരാക്കിയും നല്‍കാം.

നേന്ത്രപ്പഴം, മുട്ട തുടങ്ങിയ കുട്ടികള്‍ക്ക് നല്‍കുന്നത് ശരീരത്തിന്റെ തൂക്കം വര്‍ദ്ധിപ്പിക്കാന്‍ സഹായിക്കും.