കൊതുകുകടിക്ക് പരിഹാരം നനഞ്ഞ മണ്ണ്

കൊതുകു കടിച്ച ഭാഗത്ത് കലാമൈന്‍ ലോഷന്‍ പുരട്ടുന്നത് ചൊറിച്ചിലും ചുവന്നുതടിക്കുന്നതും ഒഴിവാക്കും. ഇത് രണ്ടോ മൂന്നോ തവണ പുരട്ടിയാല്‍ ചൊറിച്ചിലിന് കാര്യമായ ശമനമുണ്ടാകും.

നനഞ്ഞ മണ്ണ് കൊതുകു കടിച്ചിടത്ത് ഉരയ്ക്കുന്നത് ചൊറിച്ചിലകറ്റാന്‍ നല്ലതാണ്.

ഐസോ തണുത്തവെള്ളമോ ചൊറിച്ചിലുള്ള ഭാഗത്ത് വയ്ക്കുന്നത് നല്ലതാണ്. കൊതുകുകടിയേറ്റ ഭാഗത്ത് ഐസ് കൊണ്ട് അല്‍പനേരം ഉരസുന്നത് നല്ലതാണ്.

ബേക്കിംഗ് സോഡ തണുത്തവെള്ളത്തില്‍ കലക്കി കൊതുകുകടിയേറ്റ ഭാഗത്ത് കഴുകുന്നത് നല്ലതാണ്. എന്നാല്‍ ബേക്കിംഗ് സോഡയുടെ അളവിന്റെ കാര്യത്തില്‍ പ്രത്യേകം ശ്രദ്ധിക്കണം. അരസ്പൂണ്‍ ബേക്കിംഗ് സോഡ അര ബക്കറ്റ് വെള്ളതിലാണ് കലക്കേണ്ടത്.

ആന്റി ബാക്ടീരിയല്‍ സോപ്പ് ഉപയോഗിച്ച് കൊതുകു കടിച്ച ഭാഗത്ത് കഴുകുന്നതും നല്ലതാണ്.

കൊതുകുകടിയേറ്റ് കുറച്ചു ദിവസങ്ങള്‍ക്കുള്ളില്‍ കുട്ടിക്ക് പനിയോ മറ്റെന്തെങ്കിലും അസ്വസ്ഥതകളോ ഉണ്ടാകുകയാണെങ്കില്‍ ഡോക്ടറെ കാണാന്‍ വൈകരുത്.