ഇറച്ചിയും മീനും ഒരു തവണ മാത്രം കൊടുക്കുക

കുട്ടികള്‍ക്ക് പലപ്പോഴായി ചെറിയ അളവില്‍ ഭക്ഷണം കൊടുക്കുന്നതാണ് നല്ലത്. കൂടുതല്‍ ഭക്ഷണം ഉള്‍ക്കൊള്ളാനുള്ള കഴിവ് ഇവര്‍ക്കില്ല. കുത്തിനിറച്ച് ഭക്ഷണം കൊടുക്കുന്നത് പലപ്പോഴും ഇവരില്‍ ഭക്ഷണത്തോടുള്ള വിരക്തിയുണ്ടാക്കും.

കുട്ടികള്‍ക്കുള്ള ഭക്ഷണത്തില്‍ ഓട്‌സ്, അരി, ഗോതമ്പ് തുടങ്ങിയ ധാന്യങ്ങള്‍ ഉള്‍പ്പെടുത്തണം. ഇതു കൂടാതെ പയറുവര്‍ഗങ്ങളും കുട്ടികളുടെ വളര്‍ച്ചക്ക് പ്രധാനമാണ്. ചെറുപയര്‍ തുടങ്ങിയ ധാന്യങ്ങള്‍ മുളപ്പിച്ചു നല്‍കുന്നത് വളരെ നല്ലതാണ്്.

മുഴുങ്ങിയ മുട്ട, പാല്‍ തുടങ്ങിയവ കുട്ടികള്‍ക്ക് പ്രഭാതഭക്ഷണമായി നല്‍കാം. പാല്‍ കുടിക്കാന്‍ മടിയുള്ള കുട്ടിയാണെങ്കില്‍ തൈര് നല്‍കിയാലും മതി. ഇവയിലൊന്ന് നിര്‍ബന്ധമാക്കണം. കാരണം ഇതില്‍ നിന്ന് ലഭിക്കുന്ന കാല്‍സ്യം കുഞ്ഞിന് വളരെ പ്രധാനമാണ്.

ചില ഭക്ഷണങ്ങള്‍ അടുപ്പിച്ച് നല്‍കുന്നത് കുട്ടികള്‍ക്ക് മടുപ്പുണ്ടാക്കും. ഭക്ഷണം മാറി മാറി നല്‍കണം. വേണ്ടെന്ന് പറയുന്ന ഭക്ഷണങ്ങള്‍ ഒരാഴ്ചയെങ്കിലും കഴിഞ്ഞേ പിന്നീട് നല്‍കാവൂ.

മീനും ഇറച്ചിയുമെല്ലാം നല്‍കുമ്പോള്‍ നന്നായി കഴുകി നല്ലപോലെ വേവിച്ചേ നല്‍കാവൂ. ഇതില്‍ നിന്നും രോഗം വരാനുള്ള സാധ്യത കൂടുതലാണ്. ദിവസം ഒരു നേരം മാത്രം ഇത്തരം സാധനങ്ങള്‍ നല്‍കുന്നതാണ് ദഹനത്തിന് നല്ലത്.

മധുരം മിക്കവാറും കുട്ടികള്‍ക്ക് ഇഷ്മാണ്. ഇഷ്ടമില്ലാത്ത ഭക്ഷണസാധനങ്ങള്‍ ഇത്തരത്തില്‍ കഴിപ്പിക്കാം. ഉദാഹരണത്തിന് പാല്‍ ഇഷ്ടമില്ലാത്ത കുട്ടിക്ക് അതില്‍ ചോക്കലേറ്റ് ക്രീം ചേര്‍ത്ത് നല്‍കാം. പഴവര്‍ഗങ്ങള്‍ കഴിയ്ക്കുവാന്‍ മടി കാണിക്കുകയാണെങ്കില്‍ ഫ്രൂട്ട് സാലഡായി നല്‍കാം.

മുതിര്‍ന്നവര്‍ കഴിയ്ക്കുമ്പോള്‍ കൂടെയിരുത്തി ഭക്ഷണം കഴിയ്ക്കാന്‍ കുട്ടികളെ ശീലിപ്പിക്കുന്നത് നന്നായിരിക്കും.

കുട്ടി, ഭക്ഷണം, മടി, പാല്‍, ധാന്യം, ഗോതമ്പ്, അരി, മുട്ട, പ്രഭാതഭക്ഷണം, പഴവര്‍ഗങ്ങള്‍, മധുരം, ഫ്രൂട്ട് സാലഡ്, ദഹനം

കുട്ടി, ഭക്ഷണം