ദീപാവലി അപകടങ്ങള്‍ കൈകാര്യം ചെയ്യാം

കുട്ടികള്‍ക്ക് പൊള്ളലുണ്ടാകുമ്പോള്‍ അത് നിങ്ങള്‍ക്ക് തന്നെ കൈകാര്യം ചെയ്യുവാന്‍ പറ്റുമോയെന്ന് ആദ്യം തീരുമാനിക്കണം. സന്ദര്‍ഭം ശാന്തമായി കൈകാര്യം ചെയ്യുകയെന്നത് പ്രധാനമാണ്. തീരെ കൈകാര്യം ചെയ്യാനാവാത്ത് മുറിവാണെങ്കില്‍ ആശുപത്രിയിലെത്തിക്കുന്നതായിരിക്കും നല്ലത്.

ആദ്യം തന്നെ കുട്ടിക്ക് പ്രഥമശുശ്രൂഷ നല്‍കണം. പൊള്ളലുള്ള ഭാഗത്ത് തണുത്ത വെള്ളം ഒഴിക്കുന്നത് നല്ലതാണ്. ഇത് ചെയ്യുമ്പോള്‍ വളരെ ശ്രദ്ധ വേണം. കൂടുതലായി പൊള്ളലുണ്ടെങ്കില്‍ വെള്ളമൊഴിച്ചാല്‍ ആ ഭാഗം വീര്‍ത്തുവരാന്‍ സാധ്യതയുണ്ട്. ചെറിയ പൊള്ളലിന് ഐസ് വയ്ക്കുന്നത് നല്ലതാണ്. പൊള്ളിയ ഭാഗം വെളളത്തില്‍ താഴ്ത്തിപ്പിടിക്കരുത്. േ

മഞ്ഞള്‍ മുറിവുകള്‍ക്കും പൊളളലുകള്‍ക്കും പറ്റിയ മരുന്നാണ്. ഇത്തരം സന്ദര്‍ഭങ്ങളില്‍ മഞ്ഞള്‍പ്പൊടി കൈവശം വച്ചാല്‍ പെട്ടെന്നു തന്നെ പ്രഥമശുശ്രൂഷ നല്‍കാം. അണുബാധ ഉണ്ടാകുന്നത് തടയുമെന്നതും ഇതിന്റെ ഗുണമാണ്. ഉള്ളി മുറിച്ച് മുറിവിനു മുകളില്‍ വയ്ക്കുന്നതും അണുബാധ ഒഴിവാക്കും.

ഇത്തരം മാര്‍ഗങ്ങളോട് താല്‍പര്യമില്ലെങ്കില്‍ ഡെറ്റോള്‍, സാവ്‌ലോണ്‍ തുടങ്ങിയവ ഉപയോഗിക്കാം. പൊളളലുള്ള ഭാഗത്ത് ആല്‍ക്കഹോള്‍ ഒഴിക്കുന്നത് നല്ലൊരു ചികിത്സാരീതിയാണ്. വല്ലാതെ നീറ്റലുണ്ടാകുമെങ്കിലും മുറിവു കരിയാന്‍ ഇത് സഹായിക്കും.

കുട്ടിയുടെ വസ്ത്രത്തിന് തീ പിടിച്ചാല്‍ ഒരിക്കലും വെള്ളമൊഴിക്കരുത്. വെള്ളമൊഴിച്ചാല്‍ വസ്ത്രം ദേഹത്തോട് പറ്റിച്ചേര്‍ന്ന് ശരീരം കൂടുതല്‍ പൊള്ളുവാന്‍ ഇട വരുത്തും. കമ്പിളിപ്പുതപ്പ് കൊണ്ട് കുട്ടിയെ പൊതിയുകയായിരിക്കും ഉത്തമമാര്‍ഗം. അതല്ലെങ്കില്‍ തീ പിടിച്ച വസ്ത്രം കുട്ടിയുടെ ശരീരത്തില്‍ നിന്ന് മാറ്റുവാന്‍ ശ്രമിക്കണം.

ഗുരുതരമായ പൊള്ളലാണെങ്കില്‍ കുട്ടിയെ ആശുപത്രിയിലെത്തിക്കാന്‍ വൈകരുത്.