കുട്ടിയ്ക്ക് ചുമയുണ്ടെങ്കില്‍ പാല്‍ വേണ്ട

തണുപ്പടിച്ചാല്‍ ചുമ കൂടും. ചുമയുള്ളപ്പോള്‍ കുട്ടികളെ ചൂടുള്ള വസ്ത്രങ്ങള്‍ ധരിപ്പിക്കണം. തണുപ്പുള്ള കാലാവസ്ഥയാണെങ്കില്‍ ചൂടുള്ള മുറിയില്‍ കുട്ടിയെ ഇരുത്തുന്നത് നന്നായിരിക്കും.

ചൂടുവെള്ളം കുടിക്കാന്‍ കൊടുക്കുന്നത് ചുമ കുറയാന്‍ നല്ലതാണ്. ഡോക്ടറോട് ചോദിച്ച ശേഷം അനുവദിക്കുകയാണെങ്കില്‍ വളരെക്കുറച്ചു മാത്രം ഹെര്‍ബല്‍ ടീ കൊടുക്കുന്ന് ചുമയ്ക്ക് ആശ്വാസമേകും. ചുമയുള്ളപ്പോള്‍ ചൂടുള്ള വെജിറ്റബിള്‍ സൂപ്പ് കൊടുക്കുന്നത് നല്ലതാണ്. അസുഖം കാരണമുള്ള ക്ഷീണം മാറാനും ഇത് സഹായിക്കും.

വല്ലാതെ ചുമയ്ക്കുമ്പോള്‍ പാല്‍ കൊടുക്കാതിരിക്കുകയാണ് നല്ലത്. പാല്‍ കഫം കൂട്ടുവാനും കുട്ടികള്‍ ഛര്‍ദിക്കുവാനും ഇടയാക്കും. പാലില്‍ ചൂടുവെള്ളം ചേര്‍ത്ത് കൊടുക്കാം. അല്‍പം മഞ്ഞള്‍പ്പൊടിയിടുന്നതും നല്ലതാണ്.

തേനും തുളസി നീരും ചുമയ്ക്ക് പറ്റിയ നാടന്‍ മരുന്നാണ്. ഇവ രണ്ടും കൂട്ടിക്കലര്‍ത്തി കൊടുക്കാം. ആയുര്‍വേദ മരുന്നുകള്‍ക്കുപയോഗിക്കുന്ന മുയല്‍ച്ചെവി, പനീര്‍ക്കൂര്‍ക്ക എന്നിവയുടെ ഇല വാട്ടിപ്പിഴിഞ്ഞ് നീര് കൊടുക്കുന്നതും നല്ലതാണ്.

കുട്ടി ഉറങ്ങുന്നതിന് മുന്‍പ് യൂക്കാലി തൈലം കുഞ്ഞിന്റെ നെഞ്ചില്‍ തടവിക്കൊടുക്കും. ഒരു ടവലില്‍ തൈലം പുരട്ടി കുട്ടി കിടക്കുന്നിന്റെ സമീപം വച്ചാല്‍ മൂക്കടപ്പ് കുറയും.