കുട്ടിക്ക് വയറുവേദനയോ, ലിസ്റ്റീരിയയാകാനും സാധ്യത

കുട്ടികളില്‍ ഭക്ഷണത്തിലൂടെ വരുന്ന രോഗമാണ് ലിസ്റ്റീരിയ. ലിസ്റ്റീരിയ മോണോസൈറ്റോജിനസ് എന്ന ബാക്ടീരിയയാണ് ഈ രോഗമുണ്ടാക്കുന്നത്. ഭക്ഷണത്തിലൂടെയും വെളളത്തിലൂടെയുമാണ് ഈ ബാക്ടീരിയ ശരീരത്തിനുള്ളില്‍ പ്രവേശിക്കുന്നത്. അടിക്കടി വരുന്ന വയറുവേദനയാണ് ഈ രോഗത്തിലന്റെ ലക്ഷണം.

നല്ലപോലെ വേവിച്ച ഭക്ഷണം കഴിച്ചാല്‍ ലിസ്റ്റീരിയ വരില്ല. നല്ലവണ്ണം തിളപ്പിക്കാത്ത പാല്‍, പാകത്തിന് വേവിക്കാത്ത ഇറച്ചി എന്നിവയിലൂടെ ഈ രോഗമുണ്ടാക്കുന്ന ബാക്ടീരിയ ഉള്ളില്‍ പ്രവേശിക്കും. നല്ലപോലെ പാചകം ചെയ്യാത്ത കാബേജ്, കോളിഫഌര്‍, ബ്രൊക്കോളി എന്നിവയിലും ഈ ബാക്ടീരിയ ഉണ്ടാകും. മണ്ണിനടിയില്‍ വളരുന്ന കിഴങ്ങുവര്‍ഗങ്ങളിലും ചിലപ്പോള്‍ ഇവ കാണാറുണ്ട്. തിളച്ച വെള്ളത്തില്‍ കഴുകി വേണം ഇത്തരം ഭക്ഷ്യസാധനങ്ങള്‍ ഉപയോഗിക്കാന്‍.

ലിസ്റ്റീരിയ ബാധിച്ച കുട്ടികള്‍ക്ക് പനിയും ശ്വസനപ്രശ്‌നങ്ങളും ഉണ്ടാകും.

ഛര്‍ദി, വയറിളക്കം എന്നിവയും ഈ രോഗത്തിന്റെ ലക്ഷണങ്ങളാണ്.

കുട്ടിക്ക് വിശപ്പുകുറവും തളര്‍ച്ചയും അനുഭവപ്പെടും. ന്യൂമോണിയ, മെനിഞ്ചൈറ്റിസ് തുടങ്ങിയവയിലേക്കും ലിസ്‌ററീരിയ വഴിവയ്ക്കും.

ഗര്‍ഭിണികളില്‍ ഈ രോഗം ഗര്‍ഭമലസുന്നതിനും കാരണമായേക്കും.

ശുദ്ധമായ വെള്ളവും നല്ലപോലെ പാകം ചെയ്ത ഭക്ഷണവും കഴിക്കുകയെന്നതാണ് ഈ രോഗം വരാതിരിക്കാനുള്ള മാര്‍ഗം.