കുട്ടികള്‍ക്ക് പാല്‍ കൊടുക്കാനുള്ള വഴികള്‍

പാല് തനിയെ കുടിക്കുമ്പോഴുള്ള അരുചി പലര്‍ക്കും ഇഷ്ടപ്പെടില്ല. പാലില്‍ കലക്കാനുള്ള പൊടികള്‍ വിപണിയില്‍ സജീവമാണ്. ഇത് കലക്കി കൊടുക്കുന്നത് സ്വാദു മാറുവാനും കുട്ടികളെ ഇത് കുടിക്കുവാനും പ്രേരിപ്പിക്കും.

പാലില്‍ ആപ്പിള്‍, സ്‌ട്രോബെറി, പഴം തുടങ്ങിയവ അടിച്ചുചേര്‍ത്ത് കൊടുക്കുന്നത് വ്യത്യസ്ത സാദും പോഷകവും നല്‍കും.

അരി, നുറുങ്ങുഗോതമ്പ്, ഓട്‌സ് എന്നിവ വേവിച്ച് അതില്‍ പാലുചേര്‍ത്ത് അല്‍പം മധുരവുമിട്ടു നല്‍കുന്നത് കുട്ടികള്‍ക്ക് ഇഷ്ടമാകും.

സാധാരണ പാല്‍ കുടിയ്ക്കുവാന്‍ മടി കാണിക്കുന്ന കുട്ടികള്‍ക്ക് ബദാം, കുങ്കുമപ്പൂ എന്നിവ കലക്കിയും പാല്‍ നല്‍കാം.

പശു, ആടിന്‍പാലുകള്‍ക്ക് പകരം നല്‍കാവുന്ന ഒന്നാണ് സോയാപാല്‍. മറ്റു പാലുകളില്‍ അടങ്ങിയിട്ടുള്ള പ്രോട്ടീനുകളും വൈററമിനുകളും ഇതിലും അടങ്ങിയിട്ടുണ്ട്. വിവിധ സ്വാദുകളില്‍ ഇവ ലഭ്യവുമാണ്. കുട്ടികളുടെ താലപര്യം അനുസരിച്ച് ഇഷ്ടമുള്ള പാല്‍ തെരഞ്ഞെടുക്കാം.

ബ്രഡ്, ബിസ്‌ക്കറ്റ്, കോണ്‍ഫ്‌ളേക്‌സ് എന്നിവയില്‍ ചേര്‍ത്തും പാല്‍ കുട്ടികള്‍ക്ക് നല്‍കാം.

ചില കുട്ടികള്‍ക്ക് പാലിന്റെ മണം ഇഷ്ടപ്പെടില്ല. പാല്‍ കുടിക്കുമ്പോള്‍ മൂക്ക് പൊത്തിപ്പിടിച്ച് കുട്ടികളോട് കുടിക്കുവാന്‍ ആവശ്യപ്പെടാം.

പാല്‍ കൊടുക്കുന്ന സമയത്ത് മറ്റു കാര്യങ്ങളിലേക്ക് കുട്ടികളുടെ ശ്രദ്ധ തിരിച്ചുവിടുക. ഒരിക്കവും ഫ്രിഡ്ജില്‍ വച്ച് തണുപ്പിച്ച് കുട്ടികള്‍ക്ക് പാല്‍ കൊടുക്കരുത്.

കുടിക്കാന്‍ മടി കാണിച്ചാലും ദിവസവും രണ്ടു തവണയെങ്കിലും കുട്ടിക്ക് പാല്‍ കൊടുക്കുവാന്‍ ശ്രദ്ധിക്കുക. അവരുടെ വളര്‍ച്ചക്കുള്ള ഒരു സമീകൃത ആഹാരമാണ് പാല്‍.