കുട്ടികളുടെ ആരോഗ്യവും ഭക്ഷണവും

കുഞ്ഞിന് ആരോഗ്യത്തിനു വേണ്ട ഭക്ഷണസാധനങ്ങള്‍ കൊടുക്കുക. ആപ്പിള്‍, പഴം, ഓറഞ്ച്, മുന്തിരി, ബ്രൊക്കോളി, കാബേജ്, ആസ്പരാഗസ്, ചീര, കാരറ്റ്, തക്കാളി എന്നിവ കുട്ടികളുടെ ഭക്ഷണത്തിലുള്‍പ്പെടുത്തേണ്ട ഭക്ഷണസാധനങ്ങളാണ്. ഇവ മാറിമാറിക്കൊടുക്കുവാന്‍ ശ്രദ്ധിക്കുക.

കുഞ്ഞിന്റെ ശരീരപ്രകൃതിക്ക് അനുസരിച്ചുള്ള ഭക്ഷണം പ്രധാനമാണ്. തടി വയ്ക്കുന്ന പ്രകൃതമാണെങ്കിലും അമിതവണ്ണമുണ്ടെങ്കിലും കൊഴുപ്പ് കുറഞ്ഞ ഭക്ഷണസാധനങ്ങള്‍ തെരഞ്ഞെടുത്തു കൊടുക്കുക. മത്സ്യം, മുട്ട എന്നിവ കുട്ടികള്‍ കഴിച്ചിരിക്കേണ്ട ഭക്ഷണസാധനങ്ങളാണ്. ഇറച്ചി കൊടുക്കുമ്പോള്‍ കൊഴുപ്പില്ലാത്ത ഇറച്ചി വാങ്ങിക്കൊടുക്കുക. ചിക്കന്‍, ടര്‍ക്കി തുടങ്ങിയവ നല്‍കാം.

മധുരം മിക്കവാറും കുട്ടികള്‍ക്ക് വളരെ ഇഷ്ടമാണ്. പ്രത്യേകിച്ചും ചോക്കലേറ്റുകളും ഐസ്‌ക്രീമും. എന്നാല്‍ ഇന്നത്തെക്കാലത്ത് കുട്ടികളിലും ടൈപ്പ് വണ്‍ പ്രമേഹം സാധാരണമാണ്. അതുകൊണ്ടു തന്നെ ഭക്ഷണക്രമീകരണവും വേണം. കുട്ടികളല്ലേ എന്നു കരുതി നിസാരമാക്കിത്തള്ളരുത്. ചോക്ലേറ്റുകള്‍ കുട്ടികള്‍ക്ക് സമ്മാനമായി നല്‍കുന്ന ശീലം കഴിവതും ഒഴിവാക്കുക. കുട്ടിയ്ക്ക് ക്ഷീണം, ഭാരക്കുറവ്, കാഴ്ചപ്രശ്‌നങ്ങള്‍, ഛര്‍ദി, മനംപിരട്ടല്‍ തുടങ്ങിയ ലക്ഷണങ്ങള്‍ കാണിക്കുന്നുണ്ടെങ്കില്‍ ഡോക്ടറെ കാണിക്കാന്‍ വൈകരുത്. ഇതൊരു പക്ഷേ പ്രമേഹലക്ഷണങ്ങളുമാകാം.

കുട്ടികളെ കളിപ്പിക്കുവാനും അവരോടൊപ്പം കളിയ്ക്കുവാനും സമയം കണ്ടെത്തുക.