കുട്ടികളിലെ പേന്‍ശല്യം അകറ്റാം

Kids

oi-Saritha

By Veena

Published: Monday, October 31, 2011, 14:02 [IST]

സ്‌കൂളില്‍ പഠിക്കുന്ന മിക്കവാറും കുട്ടികളുടെ പ്രശ്‌നമാണ് പേന്‍. തല ചൊറിഞ്ഞു നില്‍ക്കുന്ന കുട്ടി ആര്‍ക്കും, പ്രത്യേകിച്ച് മാതാപിതാക്കള്‍ക്ക് സുഖമുള്ള കാഴ്ചയാവില്ല. ഒരാളില്‍ നിന്നും മറ്റൊരാളിലേക്ക് പകരുന്ന ഒന്നാണ് പേന്‍ശല്യം. ഒരു തവണ വന്നു കഴിഞ്ഞാല്‍ ഇവ തലയില്‍ നിന്നും പൂര്‍ണമായി മാറ്റുന്നത് അല്‍പം പ്രയാസം തന്നെയാണ്. പേന്‍ശല്യം കൂടുതലായാല്‍ ചൊറിച്ചില്‍ മാത്രമല്ലാ,തലയോടില്‍ വ്രണങ്ങള്‍ വരെയുണ്ടാകാം.

മുടിയില്‍ വൃത്തിയില്ലാത്തതാണ് മിക്കവാറും കുട്ടികളില്‍ പേന്‍ വരാനുള്ള പ്രധാന കാരണം. കളിക്കുമ്പോഴും മറ്റും കുട്ടികളുടെ തലയില്‍ അഴുക്കുണ്ടാകാനുള്ള സാധ്യത കൂടുതലാണ്. മുടി വൃത്തിയായി സൂക്ഷിക്കുകയെന്നതാണ് പേനൊഴിവാക്കാനുള്ള പ്രധാന മാര്‍ഗം.

പേന്‍ കളയുവാനുള്ള മെഡികെയര്‍ തുടങ്ങിയ ഷാംപൂകള്‍ വിപണിയില്‍ ലഭ്യമാണ്. ആഴ്ചയില്‍ ഒരിക്കലെങ്കിലും മുടി കഴുകണം. മുതിര്‍ന്നവര്‍ക്കുള്ള വീര്യമേറിയ ഷാംപൂ കുട്ടികളില്‍ ഉപയോഗിക്കരുത്. പേന്‍ കളയാനുള്ള ചീപ്പുപയോഗിച്ച് മുടി ചീകുന്നത് പേന്‍ കളയാന്‍ നല്ലതാണ്.

ആര്യവേപ്പ് പേന്‍ കളയാനുള്ള നല്ല വഴിയാണ്. വേപ്പെണ്ണ തലയില്‍ ചൂടാക്കി തേയ്ക്കുകയോ ആര്യവേപ്പില അരച്ച് തലയിലിടുകയോ ചെയ്യാം. ആര്യവേപ്പിലയുടെ കൂടെ നാരങ്ങാനീര് ചേര്‍ക്കുന്നത് നല്ലതാണ്.

വെള്ള വിനാഗിരി വെള്ളത്തിലൊഴിച്ച് തല കഴുകുന്നതും നല്ലതാണ്.

പേന്‍ അധികമുണ്ടെങ്കില്‍ മുടി നീളം കുറച്ചു വെട്ടുക. ഇത് മുടി വൃത്തിയായി സൂക്ഷിക്കുവാനും പേന്‍ അകറ്റാനും നല്ലതാണ്.