കുട്ടികളുടെ ചെവി എളുപ്പം വൃത്തിയാക്കാം

കുട്ടികളെ കുളിപ്പിച്ച ഉടന്‍ ചെവി വൃത്തിയാക്കുന്നതാണ് നല്ലത്. ചെവിക്കു പുറത്തുള്ള വെള്ളം ആദ്യം തുടച്ചു കളയണം. വൃത്തിയുള്ള കോട്ടന്‍ തുണി ചൂടുവെള്ളത്തില്‍ മുക്കി ചെവിയുടെ പുറംഭാഗം വൃത്തിയാക്കാം.

ചെവിയ്ക്കുള്ളിലെ അഴുക്ക് നീക്കുവാന്‍ മറ്റൊരു കഷ്ണം കോട്ടന്‍ തുണി ചുരുട്ടി ഉള്ളിലേക്കിട്ട് അഴുക്ക് നീക്കാം.വൃത്തിയുള്ള തുണിയായിരിക്കണമെന്നത് പ്രധാനമാണ്. അല്ലെങ്കില്‍ അണുബാധയുണ്ടാകും. തുണി ചെവിയുടെ ഉള്ളിലിട്ട് പതുക്കെ തിരിച്ചാല്‍ ചെവിയ്ക്കുള്ളിലെ അഴുക്ക് എളുപ്പം പോരും.

ചെവിയുടെ ഇടയിലും ചെവിയ്ക്കു പിന്‍ഭാഗത്തും വൃത്തിയാക്കാന്‍ മറക്കരുത്. ചെവിയുടെ പുറകില്‍ സാധാരണ എണ്ണയും സോപ്പും പറ്റിപ്പിടിച്ച് ചെളിയുണ്ടാകാന്‍ സാധ്യതയുണ്ട്.

ഒരേ തുണി ഉപയോഗിക്കാതെ ഓരോ ഭാഗവും വൃത്തിയാക്കുവാന്‍ വേറെ വേറെ തുണികളുപയോഗിക്കുകാണ് സുരക്ഷിതം.

കുട്ടികളുടെ ചെവി വൃത്തിയാക്കാന്‍ തുണിയേക്കാളേറെ ഇയര്‍ ബഡ്‌സുകള്‍ ഉപയോഗിക്കാറുണ്ട്. ഇതിനേക്കാള്‍ സുരക്ഷിതം തുണിയാണ്. ബഡ്്‌സ് ചെവിക്കുള്ളില്‍ മുറിവുണ്ടാക്കാന്‍ സാധ്യത കൂടുതലാണ്.