കുട്ടികളില്‍ മുടി നരയ്ക്കുന്നത് ഒഴിവാക്കാം

Kids

oi-Saritha

By Veena

Published: Thursday, October 27, 2011, 16:20 [IST]

മുതിര്‍ന്നവരില്‍ മാത്രമല്ലാ, കുട്ടികളിലും അകാലനര ഇപ്പോള്‍ ഒരു പ്രശ്‌നമാണ്. ഇതിന് കാരണങ്ങള്‍ പലതാകാം. പാരമ്പര്യം, പോഷകാഹാരക്കുറവ്, മുടി സംരക്ഷിക്കാതിരിക്കുക തുടങ്ങിയവ ഇതിനുള്ള കാരണങ്ങളില്‍ ചിലതു മാത്രം.

വൈറ്റമിന്‍ ബി 12ന്റെ കുറവു കൊണ്ടോ വിളര്‍ച്ച കാരണമോ കുട്ടികളില്‍ മുടി നരയ്ക്കാം. മുടികളിലുള്ള മെലാനിന്‍ കറുത്ത നിറം നല്‍കുന്നതില്‍ പ്രധാന പങ്കു വഹിക്കുന്നുണ്ട്. ഇതിന്റെ കുറവ് വിട്ടിലിഗോ (നിറം കുറയ്ക്കുക) എന്ന അവസ്ഥക്കും അതുവഴി അകാലനരക്കും കാരണമാകുന്നു. വൈറ്റമിന്‍ ബി 12 അടങ്ങിയ ഭക്ഷണം കഴിക്കുന്നത് ഒരു പരിധി വരെ ഈ പ്രശ്‌നത്തിന് പരിഹാരമാകും. കടല്‍വിഭവങ്ങള്‍, മുട്ട, വെണ്ണ തുടങ്ങിയവയെല്ലാം ബി 12 അടങ്ങിയവയാണ്.

മുടിയില്‍ വൈറ്റമിന്‍ ഗുണമുള്ള എണ്ണ പുരട്ടുന്നത് അകാലനരയ്ക്ക് പരിഹാരമാണ്. ഇരുമ്പു പാത്രത്തില്‍ ഏതെങ്കിലും അഞ്ചുതരം എണ്ണകള്‍ കൂട്ടിക്കലര്‍ത്തുക. ഇതില്‍ മയിലാഞ്ചി, കറിവേപ്പില എന്നിവയിട്ട് തിളപ്പിച്ച് ഈ എണ്ണ പുരട്ടുന്നത് നല്ലതാണ്. പല എണ്ണകളില്‍ നിന്നുമായി ആവശ്യമായ പോഷകങ്ങള്‍ ലഭിക്കും.

ബീറ്റ്‌റൂട്ടിന്റെ നീര് തലയില്‍ പുരട്ടുന്നതും തേയിലവെള്ളം, മയിലാഞ്ചി എന്നിവ തലയില്‍ തേക്കുന്നതും മുടിക്ക് കറുപ്പുനിറം നല്‍കും. ഇത് ഉണങ്ങിയ ശേഷം കഴുകിക്കളയാം.

ദിവസവും മുടി ചീകുന്നതും എള്ളെണ്ണ തലയില്‍ പുരട്ടി മസാജ് ചെയ്യുന്നതും അകാലനര ഒരുപരിധി വരെ കുറയ്ക്കും.

അകാലനര കുട്ടികള്‍ക്ക് ഒരു മാനസിക പ്രശ്‌നമായി വളരുവാന്‍ സാധ്യതയുണ്ട്. അതുകൊണ്ടുതന്നെ ഇത് ഒരു നിസാരപ്രശ്‌നമായി കാണരുത്.