ഗര്‍ഭിണിയാവാന്‍ ഏറ്റവും നല്ല പ്രായവും സമയവും ദാമ്പത്യത്തില്‍ ഇതാണ്

ഗര്‍ഭധാരണം എന്നത് എപ്പോഴും എല്ലാവരും ആഗ്രഹിക്കുമ്പോള്‍ സംഭവിക്കണം എന്നില്ല. കാരണം അതിനെ സ്വാധീനിക്കുന്ന നിരവധി ഘടകങ്ങള്‍ ഉണ്ട് എന്നത് തന്നെയാണ് കാര്യം. ശാരീരികമായും മാനസികമായും ഒരു അതിഥിയെ സ്വീകരിക്കാന്‍ തയ്യാറെടുക്കേണ്ടതുണ്ട്. എന്നാല്‍ ചില അവസരങ്ങളില്‍ അപ്രതീക്ഷിതമായും ഗര്‍ഭധാരണം സംഭവിക്കാം. എന്നാല്‍ സാധാരണ അവസ്ഥയില്‍ പലപ്പോഴും ഗര്‍ഭധാരണത്തിന് വേണ്ടി തയ്യാറെടുക്കുമ്പോള്‍ അതിന് ഏറ്റവും അനുയോജ്യമായ സമയം ഏതാണെന്നും പ്രായം ഏതാണെന്നും പലര്‍ക്കും അറിയണം എന്നില്ല.

ഗര്‍ഭധാരണം എപ്പോഴും അതിന്റെ വെല്ലുവിളികളുള്ള ഒരു യാത്രയാണ്, പ്രത്യേകിച്ച് ഫെര്‍ട്ടിലിറ്റി പ്രശ്‌നങ്ങള്‍ നേരിടുന്ന ദമ്പതികള്‍ക്ക്. ഗര്‍ഭധാരണത്തിന് ഏറ്റവും അനുയോജ്യമായ സമയം മനസ്സിലാക്കുന്നത് വളരെ പ്രധാനമാണ്. ഒരു സ്ത്രീയുടെ ഓവുലേഷന്‍ സമയത്ത് വേണം ഇത്തരം ഗര്‍ഭധാരണത്തിന് വേണ്ടി ശ്രമിക്കേണ്ടതാണ്. 35 വയസ്സിന് മുന്‍പ് വേണം ഗര്‍ഭധാരണത്തിന് ഏറ്റവും അനുയോജ്യമായ സമയവും.

അണ്ഡോത്പാദനം തിരിച്ചറിയുക
നിങ്ങളുടെ ആര്‍ത്തവ ചക്രത്തില്‍ അണ്ഡോത്പാദനം ഉള്‍പ്പെടെയുള്ള ദിവസങ്ങള്‍ ഉള്‍പ്പെടുന്നു. സാധാരണഗതിയില്‍, 28 ദിവസത്തെ ആര്‍ത്തവ സമയം 14-ാം ദിവസത്തിലാണ് അണ്ഡോത്പാദനം നടക്കുന്നത്. ബേസല്‍ ബോഡി ടെമ്പറേച്ചര്‍ മോണിറ്ററിംഗ്, ഓവുലേഷന്‍ പ്രെഡിക്ടര്‍ കിറ്റുകള്‍ തുടങ്ങിയ വിവിധ രീതികളിലൂടെ ദമ്പതികള്‍ക്ക് അണ്ഡോത്പാദനം ട്രാക്ക് ചെയ്യാന്‍ കഴിയും. ഇത് ഗര്‍ഭധാരണത്തെ വളരെയധികം സഹായിക്കുന്നു.

അടിസ്ഥാന ശരീര താപനില
ബേസല്‍ ബോഡി ടെമ്പറേച്ചര്‍ (ബിബിടി) ട്രാക്കിംഗില്‍ ദിവസവും ശരീരത്തിന്റെ വിശ്രമ താപനില മനസ്സിലാക്കേണ്ടതാണ്. ഇത് വഴി അണ്ഡോത്പാദനം മനസ്സിലാക്കാന്‍ സാധിക്കുന്നു. ബിബിടിയില്‍ നേരിയ വര്‍ദ്ധനവ് അണ്ഡോത്പാദനത്തെ സൂചിപ്പിക്കുന്നു. സ്ഥിരമായ ഒരു ചാര്‍ട്ട് സൂക്ഷിക്കുന്നത് നിങ്ങളുടെ ഗര്‍ഭധാരണ സാധ്യത എപ്പോഴൊക്കെയാണ് എന്ന് മനസ്സിലാക്കാന്‍ സഹായിക്കുന്നു.

ഓവുലേഷന്‍ പ്രെഡിക്ടര്‍ കിറ്റുകള്‍
ഓവുലേഷന്‍ പ്രെഡിക്ടര്‍ കിറ്റുകള്‍ (OPKs) അണ്ഡോത്പാദനത്തിന് മുമ്പുള്ള ല്യൂട്ടിനൈസിംഗ് ഹോര്‍മോണിന്റെ (LH) മാറ്റങ്ങള്‍ മനസ്സിലാക്കാന്‍ സഹായിക്കുന്നു. ഈ കിറ്റുകള്‍ ഉപയോഗിക്കുന്നതിലൂടെ ഗര്‍ഭധാരണത്തിന് ശ്രമിക്കുന്നതിനുള്ള ഏറ്റവും നല്ല ദിവസങ്ങള്‍ ഏതൊക്കെയെന്ന് മനസ്സിലാക്കുന്നതിന് വളരെയധികം സഹായിക്കുന്നു. ഗര്‍ഭധാരണം ആഗ്രഹിക്കുന്നവര്‍ക്ക് എല്ലാ മാസവും ഇതിന് വേണ്ടി ശ്രമിക്കാവുന്നതാണ്.

പതിവ് ലൈംഗിക ബന്ധത്തിന്റെ പ്രാധാന്യം
ഓവുലേഷന്‍ സമയം നിങ്ങള്‍ ഇടയ്ക്കിടെ ലൈംഗിക ബന്ധത്തില്‍ ഏര്‍പ്പെടേണ്ടത് അത്യാവശ്യമാണ്. ബീജം അണ്ഡവുമായി സംയോജിക്കുന്നതിനുള്ള സാധ്യത വര്‍ദ്ധിപ്പിക്കുന്നതിന് രണ്ടോ മൂന്നോ ദിവസത്തിലൊരിക്കല്‍ ലൈംഗിക ബന്ധത്തില്‍ ഏര്‍പ്പെടുന്നതിന് ശ്രദ്ധിക്കണം. എന്നാല്‍ ഗര്‍ഭധാരണ സാധ്യത വര്‍ദ്ധിക്കുന്നു.

ആരോഗ്യകരമായ ജീവിതശൈലി
ഗര്‍ഭധാരണത്തിന് ശ്രമിക്കുന്നവരെങ്കില്‍ ഇവര്‍ ആരോഗ്യകരമായ ജീവിതശൈലി നിലനിര്‍ത്തുന്നതിന് ശ്രദ്ധിക്കണം. ഇത് പ്രത്യുല്‍പാദനക്ഷമത വര്‍ദ്ധിപ്പിക്കുന്നതിന് സഹായിക്കും. സമീകൃതാഹാരം, ചിട്ടയായ വ്യായാമം, പുകവലിയും അമിതമായ മദ്യപാനം ഒഴിവാക്കല്‍ എന്നിവ ഇതില്‍ ഉള്‍പ്പെടുന്നു. പ്രത്യുല്‍പാദന ആരോഗ്യത്തെ സഹായിക്കുന്നതിന് പങ്കാളികള്‍ ശ്രമിക്കേണ്ടതുണ്ട്.

ഡോക്ടറെ കാണേണ്ടതാണ്
ഗര്‍ഭധാരണം ബുദ്ധിമുട്ടുള്ളതായി തുടരുകയാണെങ്കില്‍, ഒരു ഫെര്‍ട്ടിലിറ്റി സ്‌പെഷ്യലിസ്റ്റുമായി കൂടിയാലോചിക്കുന്നത് എന്തുകൊണ്ടും നല്ലതാണ്. ഇത് വ്യക്തിഗത ആരോഗ്യത്തെ കണക്കാക്കി വേണ്ടത്ര ചികിത്സ നടത്തേണ്ടതാണ്. ഡോക്ടറുടെ നിര്‍ദ്ദേശ പ്രകാരം നമുക്ക് വേണ്ട ചികിത്സ ആരംഭിക്കേണ്ടതാണ്.

വൈകാരിക പിന്തുണ
വന്ധ്യത സംബന്ധമായ പ്രശ്‌നങ്ങള്‍ അനുഭവിക്കുന്നവരാണെങ്കില്‍ അവര്‍ രണ്ടുപേരും ഒരു പോലെ തന്നെ വൈകാരിക പിന്തുണ നല്‍കേണ്ടതാണ്. അതിന് വേണ്ടി ഗ്രൂപ്പുകളില്‍ നിന്നോ കൗണ്‍സിലിംഗില്‍ നിന്നോ പിന്തുണ തേടുന്നത് സമ്മര്‍ദ്ദം നിയന്ത്രിക്കാനും പോസിറ്റീവ് ഫലം ലഭിക്കുന്നതിനും സഹായിക്കുന്നു. എപ്പോഴും ഓവുലേഷന്‍ ട്രാക്ക് ചെയ്യുകയും പതിവായി ലൈംഗിക ബന്ധത്തില്‍ ഏര്‍പ്പെടുക, ആരോഗ്യകരമായ ജീവിതശൈലി സ്വീകരിക്കുക എന്നിവയെല്ലാം ഗര്‍ഭധാരണത്തിന്റെ സാധ്യതകള്‍ മെച്ചപ്പെടുത്തും.