കുട്ടിയുടെ നിറം കൂട്ടും സ്‌പെഷല്‍ എണ്ണക്കൂട്ട്‌

വെളിച്ചെണ്ണ

കരിഞ്ചീരകം, തവിട്ടു വെണ്‍പാല, തുളസി, ചെത്തിപ്പൂ എന്നിവയാണ് ഈ പ്രത്യേക എണ്ണ തയ്യാറാക്കാന്‍ വേണ്ടത്. ഇവയെല്ലാം ചേര്‍ത്തു വെളിച്ചെണ്ണയില്‍ കാച്ചിയാണ് ഈ എണ്ണയുണ്ടാക്കുക. നല്ല ശുദ്ധമായ വെളിച്ചെണ്ണ വേണം, ഇതു തയ്യാറാക്കാന്‍. വിര്‍ജിന്‍ കോക്കനട്ട് ഓയില്‍ അഥവാ ഉരുക്കു വെളിച്ചെണ്ണ ഗുണം ചെയ്യുന്ന ഒന്നാണ്. നല്ല വെളിച്ചെണ്ണയല്ലെങ്കില്‍ ഇതു കുട്ടികളുടെ ചര്‍മത്തിനു തന്നെ ദോഷം വരുത്തും. കാരണം പല വെളിച്ചെണ്ണകളും മായം കലര്‍ത്തിയാണ് ഇപ്പോള്‍ ലഭിയ്ക്കുന്നത്.

കരിഞ്ചീരകം

കരിഞ്ചീരകം ആരോഗ്യ ഗുണങ്ങള്‍ക്കൊപ്പം ചര്‍മ ഗുണങ്ങളും ചേര്‍ന്ന ഒന്നാണ്. ചര്‍മത്തെ ബാധിയ്ക്കുന്ന രോഗങ്ങളായ ചൊറി, സോറിയാസാസി, അലര്‍ജി എന്നിവയ്‌ക്കെല്ലാമുള്ള നല്ലൊരു പരിഹാരമാണ് കരിഞ്ചീരകം. പലരും ഇതിട്ട് എണ്ണ കാച്ചാറുമുണ്ട്. ഇതില്‍ തന്നെ എണ്ണയുടെ അംശവുമുണ്ട്.

തവിട്ടു വെണ്‍പാല

തവിട്ടു വെണ്‍പാല ഒരിനം ആയുര്‍വേദ മരുന്നാണ്. വെമ്പറ പറ്റ എന്നും ചിലയിടങ്ങളില്‍ പറയാറുണ്ട് ഇത് ആയുര്‍വേദ ഗുണങ്ങള്‍ അടങ്ങിയ ഒന്നാണ്. പല തരം ചര്‍മ പ്രശ്‌നങ്ങള്‍ക്ക് ഏറ്റവും നല്ലതുമാണ്. ഇത് ആയുര്‍വേദ കടകളില്‍ വാങ്ങാന്‍ ലഭിയ്ക്കും.

തെച്ചിപ്പൂ

തുളസിയും തെച്ചിപ്പൂവുമെല്ലാം സൗന്ദര്യപരമായ ഗുണങ്ങളാല്‍ മികച്ചു നില്‍ക്കുന്നവയാണ്. ചര്‍മത്തിന്റെ ആരോഗ്യത്തിന് ഇവ ഏറെ ഉത്തമമാണ്. പല ചര്‍മ രോഗങ്ങള്‍ക്കുമുള്ള മരുന്നാണ് തുളസി. അലര്‍ജി, ചൊറിച്ചില്‍ തുടങ്ങിയ പല പ്രശ്‌നങ്ങള്‍ക്കും മുഖക്കുരുവിനുമെല്ലാം തുളസി മരുന്നായി ഉപയോഗിയ്ക്കാറുണ്ട്. തെച്ചിപ്പൂവിനും ചര്‍മത്തിലെ പല പ്രശ്‌നങ്ങളും അകറ്റാന്‍ സാധിയ്ക്കും.

കാല്‍ കിലോ വെളിച്ചെണ്ണ

കാല്‍ കിലോ വെളിച്ചെണ്ണ അടുപ്പില്‍ വച്ചു തിളപ്പിയ്ക്കുക. ചുവടു കട്ടിയുള്ള പാത്രത്തിലാണ് ഇതുണ്ടാക്കേണ്ടത്. പാത്രം നല്ലപോലെ ചൂടായ ശേഷം വേണം, വെളിച്ചെണ്ണ ഒഴിയ്ക്കാന്‍ പിന്നീട് ഇതു കുറഞ്ഞ തീയില്‍ വച്ചു വേണം, തിളപ്പിച്ചെടുക്കാന്‍.

കരിഞ്ചീരകം

ഇതിലേയ്ക്ക് 1 ടേബിള്‍ സ്പൂണ്‍ കരിഞ്ചീരകം പൊടിച്ചിടണം. ഇത് വല്ലാതെ പൊടിയ്ക്കുകയുമരുത്. ഇടത്തരം രീതിയില്‍ വേണം, പൊടിച്ചെടുക്കാന്‍. കരിഞ്ചീരകമിട്ടു തിളപ്പിച്ച വെളിച്ചെണ്ണ മുടി വളരാനും നല്ലതാണ്.

തുളസി

ഇതിലേയ്ക്ക് തവിട്ടു വെണ്‍പാല ഇടുക. ഇത് ഇടുമ്പോള്‍ തന്നെ തവിട്ടു നിറം പുറത്തു വരും. ഇത് രണ്ടു മൂന്നു കഷ്ണം ഇടാം. പിന്നീട് ഇതിലേയ്ക്ക് തെച്ചിപ്പൂവും തുളസിയും ചെറുതായി ചതച്ചോ മിക്‌സിയില്‍ ചെറുതായി ഒന്നു അടിച്ചെടുത്തോ ഇതിലേയ്ക്കു ചേര്‍ക്കാം.

ഈ ചേരുവകള്‍

ഈ ചേരുവകള്‍ എല്ലാം ചേര്‍ന്ന് ചെറു ചൂടില്‍ വേണം, തിളപ്പിച്ചെടുക്കാന്‍. തിളച്ചു പാകമാകുമ്പോള്‍ എണ്ണയ്ക്ക് ചുവന്ന നിറം വരും. ഇത് അപ്പോള്‍ വാങ്ങി വച്ച് ചൂടാറുമ്പോള്‍ അരിച്ചെടുത്ത് ഉപയോഗിയ്ക്കാം.

കുട്ടികളുടേയും കുഞ്ഞുങ്ങളുടേയും ദേഹത്ത്

കുട്ടികളുടേയും കുഞ്ഞുങ്ങളുടേയും ദേഹത്ത് ഈ എണ്ണ തേച്ചു പിടിപ്പിച്ച് നല്ലപോലെ മസാജ് ചെയ്ത് അര മുക്കാല്‍ മണിക്കൂര്‍ കഴിയുമ്പോ്ള്‍ ഇളം ചൂടുവെള്ളം കൊണ്ടു കഴുകാം. കഴുകാനായി ചെറുപയര്‍ പൊടിയോ, കടലമാവോ ഉപയോഗിയ്ക്കുന്നതാകും, കൂടുതല്‍ നല്ലത്. കുഞ്ഞിന്റെ ചര്‍മത്തിന് തിളക്കവും മിനുക്കവും നല്‍കാനും മൃദുവാക്കാനുമെല്ലാം ഇതാണ് കൂടുതല്‍ നല്ലത്.

ഈ എണ്ണ

ഈ എണ്ണ അടുപ്പിച്ച് അല്‍പകാലം കുഞ്ഞിനെ ഇതേ രീതിയില്‍ പുരട്ടി കുളിപ്പിച്ചാല്‍ കുഞ്ഞിന്റെ ചര്‍മത്തിന് സ്വാഭാവികമായ നിറം ലഭിയ്ക്കും. കുട്ടികള്‍ക്കും കുഞ്ഞുങ്ങള്‍ക്കുമെല്ലാം ഒരു പോലെ ഇത് ഉപയോഗിയ്ക്കാം.

അലര്‍ജിയ്ക്കും

ഈ പ്രത്യേക എണ്ണ കുട്ടികളുടെ തൊലിപ്പുറത്തുണ്ടാകുന്ന അലര്‍ജിയ്ക്കും ചൊറിച്ചിലിനും ചുവന്നു തടിയ്ക്കലിനുമെല്ലാം നല്ലൊരു പരിഹാരമാണ്. ഇതിലെ ഔഷധ ഗുണങ്ങളാണ് ഈ പ്രയോജനം നല്‍കുന്നത്.

കുട്ടികളുടെ ചര്‍മത്തിന്

കുട്ടികളുടെ ചര്‍മത്തിന് തിളക്കവും മൃദുത്വവും മിനുസവുമെല്ലാം നല്‍കാന്‍ ഇൗ പ്രത്യേക എണ്ണ ഏറെ ഗുണം ചെയ്യുന്ന ഒന്നു കൂടിയാണ്. കുഞ്ഞുങ്ങളുടെ ചര്‍മത്തിന്റെ സ്വാഭാവികത നില നിര്‍ത്താന്‍ സഹായിക്കുന്ന ഒന്നു കൂടിയാണ് ഇത്.