കുഞ്ഞുങ്ങള്‍ മത്തങ്ങ കഴിച്ചാല്‍....

കണ്ണിന്‍റെ ആരോഗ്യം

വിറ്റാമിന്‍ എ ധാരാളമായി അടങ്ങിയതാണ് മത്തങ്ങ. ഇത് നല്ല കാഴ്ചശക്തി ലഭിക്കാന്‍ സഹായിക്കും. മത്തങ്ങ കഴിക്കുന്നത് കുട്ടികളുടെ രാത്രിയിലെ കാഴ്ച മെച്ചപ്പെടാനും സഹായിക്കും.

ദഹന സഹായി

ഫൈബറിന്‍റെ മികച്ച സ്രോതസ്സാണ് മത്തങ്ങ. ശൂന്യമായ കലോറിയില്ലാതെ വയര്‍ നിറഞ്ഞിരിക്കാന്‍ മത്തങ്ങ സഹായിക്കും. കൂടാതെ മലവിസര്‍ജ്ജനം മെച്ചപ്പെടുത്തുകയും മലബന്ധം തുടക്കത്തില്‍ തന്നെ തടയുകയും ചെയ്യും.

കരുത്ത് നല്കുന്നു

മത്തങ്ങ കാല്‍സ്യം ധാരാളമായി അടങ്ങിയതാണ്. അത് മികച്ച കരുത്ത് നല്കും. മത്തങ്ങയിലെ പൊട്ടാസ്യം ശരീരത്തിലെ ഇലക്ട്രോലൈറ്റുകളുടെ സന്തുലനാവസ്ഥ നിലനിര്‍ത്തുകയും പേശികളുടെ പ്രവര്‍ത്തനം മെച്ചപ്പെടുത്തുകയും ചെയ്യും.

രോഗപ്രതിരോധശേഷി വര്‍ദ്ധിപ്പിക്കുന്നു

മത്തങ്ങയിലെ വിറ്റാമിന്‍ സി പനിയില്‍ നിന്നും ജലദോഷത്തില്‍ നിന്നും സംരക്ഷിക്കും. കുട്ടികള്‍ക്ക് ഒരു കപ്പ് മത്തങ്ങ വീതം നല്കുന്നത് അവരെ രോഗങ്ങളില്‍ നിന്ന് തുടക്കത്തില്‍ തന്നെ സംരക്ഷിക്കാനും രോഗപ്രതിരോധശേഷി ശക്തിപ്പെടുത്താനും സഹായിക്കും.

നല്ല ഉറക്കം നല്കുന്നു

മത്തങ്ങ കഴിക്കുന്നത് കുട്ടികള്‍ക്ക് നല്ല ഉറക്കം നല്കും. ഇതിലെ ട്രിപ്റ്റോഫാന്‍ ശരീരത്തില്‍ സെറോട്ടോണിന്‍ കൂടുതലായി ഉത്പാദിപ്പിക്കാന്‍ സഹായിക്കും. അതേ സമയം തന്നെ ഇതിലെ അമിനോ ആസിഡ് ശാന്തതയും ഉറക്കവും നല്കും.