കുഞ്ഞുങ്ങള്‍ക്ക് ശര്‍ക്കര നല്‍കാമോ?

അനീമിയ തടയുന്നു

ശര്‍ക്കര ഇരുമ്പിന്‍റെ മികച്ച സ്രോതസ്സാണ്. ഹീമോഗ്ലോബിന്‍റെ ഉത്പാദനത്തിന് ഈ മിനറല്‍ ആവശ്യമാണ്. ശര്‍ക്കര കുട്ടികളുടെ ഭക്ഷണത്തില്‍ ഉള്‍പ്പെടുത്തുന്നത് മതിയായ അളവില്‍ ഇരുമ്പ് ലഭിക്കാനും അപര്യാപ്തത ഒഴിവാക്കാനും സഹായിക്കും. ഓരോ ദിവസവും ആവശ്യമായ മിനറലുകളും ശര്‍ക്കര ലഭ്യമാക്കും.

മലബന്ധം തടയുന്നു

ശര്‍ക്കര കുട്ടികളിലെ മലവിസര്‍ജ്ജനം സുഗമമാക്കുകയും മലബന്ധം തടയുകയും ചെയ്യും. ശര്‍ക്കര ദഹന എന്‍സൈമുകള്‍ സജീവമാക്കുകയും ദഹനം സുഗമമാക്കുകയും ചെയ്യും. ശുദ്ധീകരിക്കാത്ത പഞ്ചസാര കുഞ്ഞുങ്ങളുടെ ശരീരത്തെ വിഷവിമുക്തമാക്കും. ശര്‍ക്കര ആഹാരത്തില്‍ ഉള്‍പ്പെടുത്തുന്നത് കുഞ്ഞിന്‍റെ ശരീരത്തില്‍ നിന്ന് വിഷാംശം പുറന്തള്ളുകയും കരളിനെ ശുദ്ധീകരിക്കുകയും വിഷമുക്തമാക്കുകയും ചെയ്യും.

അസ്ഥികള്‍ക്ക് ബലം

മിനറലുകള്‍, കാല്‍സ്യം, ഫോസ്ഫറസ് എന്നിവയുടെ മികച്ച സ്രോതസ്സാണ് ശര്‍ക്കര. ഈ പോഷകങ്ങള്‍ കുഞ്ഞുങ്ങളുടെ അസ്ഥികളുടെ ആരോഗ്യത്തിനും ടിഷ്യുക്കള്‍ക്കും ആവശ്യമാണ്. ശര്‍ക്കര ആഹാരത്തിലുള്‍പ്പെടുത്തുന്നത് കുട്ടികളുടെ അസ്ഥികള്‍ക്ക് ബലം ലഭിക്കാന്‍ സഹായിക്കും.

ജലദോഷം, പനി തടയുന്നു

കുഞ്ഞുങ്ങളുടെ രോഗപ്രതിരോധശേഷി കുറവായതിനാല്‍ അവര്‍ക്ക് വേഗത്തില്‍ പനി, ജലദോഷം, ചുമ എന്നിവ ബാധിക്കും. ജലദോഷം, പനി എന്നിവയുടെ ചികിത്സയില്‍ ശര്‍ക്കര ഏറെ ഫലപ്രദമാണ്. ശര്‍ക്കര കുഞ്ഞുങ്ങളുടെ ആഹാരത്തില്‍ ഉള്‍പ്പെടുത്തുന്നത് ചെറിയ രോഗങ്ങളില്‍ നിന്ന് മുക്തി നേടാന്‍ സഹായിക്കും.

രോഗപ്രതിരോധശേഷി വര്‍ദ്ധിപ്പിക്കുന്നു

സെലിനിയം, സിങ്ക് പോലുള്ള ആന്‍റിഓക്സിഡന്‍റുകളുടെയും മിനറലുകളുടെയും ഉയര്‍ന്ന അളവ് സ്വതന്ത്രമൂലകങ്ങള്‍ വഴിയുള്ള കോശങ്ങളുടെ നാശം തടയാന്‍ സഹായിക്കും. ഇത് അണുബാധകളെ ചെറുക്കാനും അങ്ങനെ രോഗപ്രതിരോധശേഷി വര്‍ദ്ധിപ്പിക്കാനും സഹായിക്കും.