ഡയപ്പര്‍ അലര്‍ജി തടയാം

1. വെളിച്ചെണ്ണ

തിണര്‍ത്ത ഭാഗങ്ങളില്‍ വെളിച്ചെണ്ണ തേക്കുക. ഒരു പ്രകൃതിദത്ത ആന്‍റിസെപ്റ്റിക് ആയ വെളിച്ചെണ്ണ ഡയപ്പര്‍ ഉപയോഗം മൂലമുണ്ടായ തകരാറുകളെ പരിഹരിക്കും. വിരലുപയോഗിച്ച് കുട്ടിയുടെ പിന്‍ഭാഗത്തെ മടക്കുകളിലും മറ്റും വെളിച്ചെണ്ണ കൊണ്ട് നല്ലതുപോലെ മസാജ് ചെയ്യുക.

2. തുണികൊണ്ടുള്ള ഡയപ്പറുകള്‍

കൂടുതല്‍ ആഗിരണ ശേഷിയുള്ള ഡയപ്പറുകള്‍ ഉപയോഗിക്കുന്നത് ഒഴിവാക്കുക. ഈര്‍പ്പം വലിച്ചെടുക്കാന്‍ കഴിവുള്ള മൃദുലമായ തുണികൊണ്ടുള്ള ഡയപ്പറുകള്‍ ഉപയോഗിക്കാം. തുണികൊണ്ടുള്ള ഡയപ്പറുകള്‍ കുട്ടിയുടെ മൃദുല ചര്‍മ്മത്തിന് ഏറെ അനുയോജ്യമായിരിക്കും.

3. ഒലിവ് ഓയില്‍

തിണര്‍പ്പുകളുണ്ടായ ഭാഗത്ത് ഒലിവ് ഓയില്‍ തേക്കുക. ചര്‍മ്മത്തിലെ ജലാംശം നിലനിര്‍ത്താനും ഒലിവ് ഓയില്‍ ഫലപ്രദമാണ്. പ്രശ്നമുള്ള ഭാഗം ഉണങ്ങിയ ശേഷം ഒലിവ് ഓയില്‍ പുരട്ടാം. ഇത് വഴി ജലാംശം ചര്‍മ്മവുമായി സമ്പര്‍ക്കമുണ്ടാകുന്നത് തടയാനാകും.

4. ബേക്കിംഗ് സോഡ

ഡയപ്പര്‍ ഉപയോഗം മൂലമുള്ള തിണര്‍പ്പുകള്‍ക്ക് ഏറെ ഫലപ്രദമാണ് ബേക്കിംഗ് സോഡ. കുട്ടിയെ കുളിപ്പിക്കുന്ന ബാത്തിംഗ് ടബ്ബില്‍ രണ്ട് സ്പൂണ്‍ ബേക്കിംഗ് സോഡ ചേര്‍ക്കുക. കുളിപ്പിക്കാന്‍ ചൂട് വെള്ളം ഉപയോഗിക്കുന്നതാണ് ഉത്തമം. കുട്ടിയെ അല്പസമയം വെള്ളത്തിലിരുത്തിയ ശേഷം തുടച്ച് ഉണക്കാം.

5. ധാന്യപശ

തിണര്‍പ്പുകള്‍ക്കുള്ള ഒരു പ്രകൃതിദത്ത പരിഹാരമാര്‍ഗ്ഗമാണ് ധാന്യങ്ങളില്‍ നിന്നുള്ള സ്റ്റാര്‍ച്ച്. ജലാംശം വലിച്ചെടുക്കാന്‍ ഇത് ഉത്തമമാണ്. പെട്രോളിയം ജെല്ലിയുമായി സ്റ്റാര്‍ച്ച് ചേര്‍ത്ത് പേസ്റ്റ് പരുവത്തിലാക്കി ഉപയോഗിക്കാം. നനവിനെതിരെ ഇത് ഫലപ്രദമായ പ്രതിരോധം നല്കും.

6. മുലപ്പാല്‍

കുട്ടികളില്‍ ഡയപ്പര്‍ ഉപയോഗം മൂലമുണ്ടാകുന്ന തിണര്‍പ്പുകള്‍ക്ക് മികച്ച പരിഹാരം നല്കുന്നതാണ് മുലപ്പാല്‍. ഈ പ്രശ്നം പരിഹരിക്കാന്‍ മുലപ്പാല്‍ കഴിഞ്ഞേ മറ്റേത് വസ്തുവുമുള്ളൂ.

7. വായു സമ്പര്‍ക്കം

കുട്ടിയെ ഡയപ്പര്‍ ഉപയോഗിക്കാതെ സ്വതന്ത്രമായി ഇരിക്കാന്‍ അനുവദിക്കുക. ഇത് വഴി ചര്‍മ്മത്തിന് നേരിട്ട് വായുവുമായി സമ്പര്‍ക്കമുണ്ടാകും. നനവില്ലാത്ത ഒരു വിരിപ്പില്‍ കുട്ടിയെ ഇരുത്തി രോഗബാധയുള്ളിടത്ത് വായുസ്പര്‍ശം ലഭിക്കാനനുവദിക്കാം. ഇത് വഴി സ്വഭാവിക രീതിയില്‍ തന്നെ ആശ്വാസം ലഭിക്കും.