അമ്മ പ്രമേഹം കുഞ്ഞിനെ ബാധിയ്ക്കുമ്പോള്‍...

വലിപ്പമുള്ള ഹൃദയം

ഗര്‍ഭത്തിന്റെ തുടക്കത്തില്‍ പ്രമേഹം വരുന്നത് കുഞ്ഞിന്റെ അവയവവളര്‍ച്ചയെ ബാധിയ്ക്കും. സാധാരണയിലും വലിപ്പമുള്ള ഹൃദയം കുഞ്ഞിനുണ്ടാകുന്നത് പ്രമേഹം കാരണമുള്ള ഒരു പ്രശ്‌നമാണ്.

തൂക്കം

മാക്രോസോമിയ എന്നൊരു അവസ്ഥയ്ക്കു ഗര്‍ഭകാലപ്രമേഹം വഴിയൊരുക്കും. കുഞ്ഞിന് ക്രമാതീതമായി തൂക്കം വര്‍ദ്ധിയ്ക്കുന്നതിന് ഇത് ഇട വരുത്തും. ഇത് പ്രസവസമയത്ത് പ്രയാസങ്ങള്‍ സൃഷ്ടിയ്ക്കും.

നേരത്തെയുള്ള പ്രസവം

കുഞ്ഞിനു വലിപ്പം കൂടുന്നതും നേരത്തെയുള്ള പ്രസവവും സിസേറിയന്‍ സാധ്യതയും

വര്‍ദ്ധിപ്പിയ്ക്കും.

നേരത്തെയുള്ള പ്രസവം

കുഞ്ഞിനു പെട്ടെന്നു തൂക്കം വര്‍ദ്ധിയ്ക്കുന്നതു കൊണ്ടുതന്നെ നേരത്തെയുള്ള പ്രസവം ഡോക്ടര്‍മാര്‍ നിര്‍ദേശിയ്ക്കാറുണ്ട്. രണ്ടാഴ്ച മുന്‍പു തന്നെ കൃത്രിമവേദന വരുത്തി പ്രസവം നടത്തും.

ബ്രെയിന്‍ ഡാമേജ്

ഗര്‍ഭകാല പ്രമേഹമുള്ളവര്‍ ഇത് നിയന്ത്രിയ്ക്കാന്‍ ഇന്‍സുലിന്‍, ഡയറ്റടക്കമുള്ള വഴികള്‍ സ്വീകരിയ്ക്കുന്നതു സാധാരണമാണ്. ഫലമോ, ജനിയ്ക്കുന്ന കുഞ്ഞിന്റെ ബ്ലഡ് ഷുഗര്‍ തോത് വളരെ കുറവായിരിയ്ക്കും. ഇത് ബ്രെയിന്‍ ഡാമേജ് അടക്കമുള്ള പ്രശ്‌നങ്ങള്‍ സൃഷ്ടിയ്ക്കും. ഇതൊഴിവാക്കാന്‍ പ്രസവിച്ചയുടനെ കുഞ്ഞിന് മുലപ്പാല്‍ കൊടുക്കുകയോ ഗ്ലൂക്കോസ് നല്‍കുകയോ വേണം.

ശ്വസനസംബന്ധമായ പ്രശ്‌നങ്ങള്‍

ഗര്‍ഭകാല പ്രമേഹം ചില കുഞ്ഞുങ്ങളില്‍ ശ്വസനസംബന്ധമായ പ്രശ്‌നങ്ങള്‍, മഗ്നീഷ്യം, കാല്‍സ്യം തുടങ്ങിയവയുടെ കുറവ്, മഞ്ഞപ്പിത്തം തുടങ്ങിയ പ്രശ്‌നങ്ങള്‍ക്കും കാരണമാകാറുണ്ട്.

കുഞ്ഞിന്റെ മരണം

അപൂര്‍വമായെങ്കിലും, വേണ്ടത്ര മുന്‍കരുതലുകളെടുത്തില്ലെങ്കില്‍ കുഞ്ഞിന്റെ മരണത്തിനു തന്നെ അമ്മയുടെ പ്രമേഹം കാരണമായേക്കാം.