കുഞ്ഞിന്‌ മസാജ്‌ നല്‍കും ഗുണങ്ങള്‍

കുഞ്ഞുമായുള്ള അടുപ്പം

കുട്ടിയെ അല്പസമയം മസാജ് ചെയ്യുന്നത് പല ഗുണങ്ങളും നല്കുന്നതാണ്. സ്പര്‍ശം എന്നത് എത്രയോ ആയിരം വാക്കുകളേക്കാള്‍ ശക്തമായി കുട്ടിയുമായി സംവദിക്കാന്‍ സഹായിക്കുന്നതാണ്. നിങ്ങളുടെ സുഖകരമായ സ്പര്‍ശം കുട്ടിക്ക് സുരക്ഷിതത്വബോധവും, ഗാഡമായ അടുപ്പവും നല്കും. ഇത് നിങ്ങള്‍ സമീപത്തുള്ളപ്പോള്‍ കുട്ടിക്ക് സന്തോഷകരവും സുഖപ്രദവുമായ അനുഭവം നല്കും.

ഉറക്കം

മസാജ് ചെയ്യുന്നത് കുട്ടിക്ക് ശാന്തതയും, സുഖവും നല്കും. സൗമ്യമായ സംഗീതം നല്ല ഉറക്കം നല്കുന്നത് പോലെ, കുട്ടിക്ക് ആസ്വാദ്യകരമായ അനുഭവമാകും നിങ്ങളുടെ സ്പര്‍ശം നല്കുക. ഇത് വഴി കുട്ടിക്ക് നല്ല ഉറക്കം നല്കും.

രക്തയോട്ടം വര്‍ദ്ധിപ്പിക്കുന്നു -

ശരീരത്തിലെ രക്തയോട്ടം വര്‍ദ്ധിപ്പിക്കാന്‍ ഏറെ സഹായിക്കുന്നതാണ് മസാജ്. ഇത് കുഞ്ഞുങ്ങള്‍ക്കും ഫലപ്രദമാണ്. നല്ലൊരു മസാജ് കുട്ടിയുടെ ശരീരത്തിലെ രക്തയോട്ടം വര്‍ദ്ധിപ്പിക്കുകയും അതുവഴി ആരോഗ്യഗുണങ്ങള്‍ നല്കുകയും ചെയ്യും.

ഗ്യാസ് ഒഴിവാക്കുന്നു

കുട്ടികളെ മസാജ് ചെയ്യുന്നത് അവരില്‍ ഗ്യാസ് പെരുകുന്നത് തടയാന്‍ സഹായിക്കും. മസാജ് ചെയ്യുമ്പോള്‍ കുട്ടിയുടെ മുട്ടും കാലും ഒരുമിച്ച് ചേര്‍ത്ത് വെച്ച് മുട്ടില്‍ നിന്ന് അടിവയറിലേക്ക് മസാജ് ചെയ്യുക. ഇത് വളരെ ഫലപ്രദമാകും.

മലബന്ധം

കുട്ടികളില്‍ സാധാരണമായി കാണുന്ന പ്രശ്നമാണ് മലബന്ധം. മാസാജ് വഴി ഇതിന് പരിഹാരം കാണാനാവും. വയറിലുള്ള മസാജ് കുടലിന്‍റെ ചലനങ്ങളെ ശക്തമാക്കുകയും മലബന്ധം ഒഴിവാക്കുകയും ചെയ്യും.

ആശ്വാസം

മസാജ് ചെയ്യുന്നത് വഴി കുട്ടിക്ക് വളരെ ആശ്വാസം ലഭിക്കും. കരയുന്ന കുഞ്ഞിനെ ആശ്വസിപ്പിക്കാന്‍ നല്ലൊരു മസാജ് സഹായിക്കും. കുട്ടിക്ക് മാനസികമായി സ്വസ്ഥത ലഭിക്കുകയെന്നത് അവന്‍റെ വികാസത്തിലും വളര്‍ച്ചയിലും പ്രധാന ഘടകമാണ്.

ബുദ്ധി വളര്‍ച്ച

മസാജ് ചെയ്യുന്ന സമയം നിങ്ങളും കുട്ടിയും ഒരുമിച്ച് ചെലവഴിക്കുന്നതാണ്. ഇത് കുട്ടിയുടെ ബൗദ്ധികമായ വികാസം സാധ്യമാക്കാന്‍ സഹായിക്കുന്ന സമയമാണ്. ഈ സമയത്ത് കുട്ടിയോട് സംസാരിക്കുകയും പാട്ടുപാടുകയുമൊക്കെ ചെയ്യാം.

പ്രസവാനന്തര മാനസിക സമ്മര്‍ദ്ധം

കുട്ടിക്ക് മാത്രമല്ല മസാജ് ഗുണം ചെയ്യുക. പ്രസവാനന്തരം അമ്മമാരിലുള്ള മാനസിക സമ്മര്‍ദ്ധം നീക്കാനും ഇത് സഹായകരമാണ്. കുട്ടിയുമായുള്ള വര്‍ദ്ധിച്ച മാനസിക അടുപ്പമാണ് ഇതിന് സഹായിക്കുക.