കുഞ്ഞിന്റെ കരച്ചില്‍ നിര്‍ത്താന്‍...

പാട്ട്‌

ലളിതവും താളമുള്ളതുമായ സംഗീതത്തിലൂടെ കുഞ്ഞിന്റെ കരച്ചില്‍ നിര്‍ത്താന്‍ കഴിയും. കരയുന്ന കുഞ്ഞിന്റെ ശ്രദ്ധ തിരിക്കാന്‍ പാട്ടിലൂടെ കഴിയും.

ചാഞ്ചാട്ടം

തൊട്ടിലില്‍ കിടത്തി ആടിച്ചാല്‍ ക്രമേണ കുഞ്ഞുങ്ങളുടെ കരച്ചില്‍ കുറഞ്ഞ്‌ വരും . കുഞ്ഞുങ്ങളെ മടിയിലും കാല്‍ മുട്ടിലും മറ്റും കിടത്തി ചാഞ്ചാടിച്ചാല്‍ അവരുടെ കരച്ചില്‍ നിര്‍ത്താന്‍ കഴിയും.

സ്‌ട്രോളര്‍

കുഞ്ഞുങ്ങള്‍ കരച്ചില്‍ നിര്‍ത്തുന്നില്ല എങ്കില്‍ സ്‌ട്രോളറിലും മറ്റും ഇരുത്തി മുറിയില്‍ പതുക്കെ വലിച്ചു കൊണ്ട്‌ നടക്കുക. സ്‌ട്രോളര്‍ മുമ്പോട്ടും പിന്നോട്ടും വലിക്കുകയും മറ്റും ചെയ്‌ത്‌ കരച്ചിലില്‍ നിന്നും കുഞ്ഞിന്റെ ശ്രദ്ധ തിരിക്കാന്‍ കഴിയും.

ഡ്രൈവിങ്‌

കാറിലിരുത്തി കുറച്ച്‌ ദൂരം ഡ്രൈവ്‌ ചെയ്‌ത്‌ പോകുന്നത്‌ കുഞ്ഞിനെ കരച്ചിലില്‍ നിന്നും മാറ്റാന്‍ സഹായിക്കും. പുതിയ കാഴ്‌ചകള്‍ കുഞ്ഞിന്റെ ശ്രദ്ധ മാറ്റാന്‍ സഹായിക്കും.

ചൂടുവെള്ളത്തില്‍ കുളി

ചൂടുവെള്ളത്തില്‍ കുളിപ്പിച്ചാല്‍ കുഞ്ഞുങ്ങള്‍ക്ക്‌ ആശ്വാസം കിട്ടും. വെള്ളം വീഴുന്നതിന്റെ ശബ്ദവം മറ്റും കുഞ്ഞിന്റെ കരച്ചില്‍ നിര്‍ത്താന്‍ സഹായിക്കും.

ശ്‌ശ്‌ശ്‌ ശബ്ദം

കുഞ്ഞുങ്ങള്‍ കരയുന്നത്‌ കേള്‍ക്കാന്‍ ആര്‍ക്കും ഇഷ്ടമില്ല. കുഞ്ഞിന്റെ ചെവിയില്‍ നിന്നും രണ്ടിഞ്ച്‌ മാറി വായ കൊണ്ട്‌ ശ്‌ശ്‌ശ്‌ ശബ്ദം കേള്‍പ്പിക്കുക. കുഞ്ഞിന്റെ കരച്ചിലിനേക്കാള്‍ ഉച്ചത്തിലായിരിക്കണം ശബ്ദം. കരച്ചില്‍ നിന്നും ശ്രദ്ധ തിരിച്ച്‌ കുഞ്ഞ്‌ പുതിയ ശ്രബ്ദം ശ്രദ്ധിക്കും.