അമ്മയുടെ ഡിപ്രഷന്‍ കുഞ്ഞിന്റെ ഉറക്കം കെടുത്തും

ചില കുഞ്ഞുങ്ങള്‍ക്കാവട്ടെ, ഉറക്കം കുറവായിരിക്കും. അല്‍പനേരം ഉറങ്ങി പെട്ടെന്നെഴുന്നേറ്റ് കരയുന്ന കുഞ്ഞുങ്ങളും ധാരാളം. കുഞ്ഞുങ്ങളുടെ ഉറക്കത്തിന് പ്രശ്‌നം സൃഷ്ടിക്കുന്ന നിരവധി കാര്യങ്ങളുണ്ട്. എന്നാല്‍ അമ്മയുടെ ഡിപ്രഷനും കുഞ്ഞിന് ഉറക്കക്കുറവു സൃഷ്ടിക്കുന്നുണ്ടെന്നറിയാമോ.

ഡിപ്രഷന്‍ ബാധിച്ച അമ്മയ്ക്കുണ്ടാകുന്ന കുഞ്ഞ് രണ്ടാഴ്ച മുതല്‍ ആറു മാസം വരെയുള്ള സമയത്ത് ഉറങ്ങുന്നതിന് മറ്റു കുഞ്ഞുങ്ങളേക്കാള്‍ പ്രശ്‌നം സൃഷ്ടിക്കുമെന്നാണ് കണ്ടെത്തല്‍. ഗര്‍ഭകാലത്തോ പ്രസവശേഷമോ സ്ത്രീകളില്‍ ഡിപ്രഷന്‍ കണ്ടുവരാറുണ്ട്. ഇത് കോര്‍ട്ടിസോള്‍ എന്നൊരു ഹോര്‍മോണ്‍ ഉല്‍പാദിപ്പിക്കുന്നു. അസ്വസ്ഥതകളുണ്ടാക്കുന്ന ഈ ഹോര്‍മോണ്‍ ഗര്‍ഭാവസ്ഥയിലും പാലിലൂടെയും കുഞ്ഞിലേക്കും കടക്കുന്നുണ്ട്. ഇതാണ് ഉറക്കക്കുറവിന് കാരണമാകുന്നത്.

ഹോര്‍മോണ്‍ പ്രശ്‌നമല്ലാതെ അസുഖങ്ങള്‍, പുതിയ സാഹചര്യവുമായി പൊരുത്തപ്പെടുന്നതു വരെയുള്ള ബുദ്ധിമുട്ടുകള്‍, ഇടയ്ക്കിടെ മൂത്ര,മല വിസര്‍ജനം നടക്കുന്നത്, പാരമ്പര്യം തുടങ്ങിയ പല കാരണങ്ങളാലും കുഞ്ഞോമനയുടെ ഉറക്കത്തിന് തടസമുണ്ടാകാം. അമ്മയുടെ ഡിപ്രഷനും ഒരു പരിധി വരെ കാരണമാകുന്നുവെന്നു മാത്രം.

ഉറക്കക്കുറവ് കുഞ്ഞുങ്ങളുടെ വളര്‍ച്ചക്ക് കാരണമാകുന്നതിനാല്‍ ഈ പ്രശ്‌നം അത്ര നിസാരമായി തള്ളിക്കളയാനാവില്ല.