'കുഞ്ഞു' രോഗങ്ങള്‍ക്ക് പ്രകൃതി പരിഹാരം

Baby

oi-Saritha

By Veena

Published: Monday, October 22, 2012, 14:10 [IST]

കുഞ്ഞുങ്ങള്‍ക്ക് അസുഖങ്ങള്‍ വരാന്‍ സാധ്യത കൂടുതലാണ്. ചെറിയ പ്രശ്‌നങ്ങള്‍ക്കു പോലും ഇംഗ്ലീഷ് മരുന്നുകള്‍ അടിക്കടി കൊടുക്കുന്നത് നല്ലതുമല്ല. കുഞ്ഞുങ്ങള്‍ക്കുണ്ടാവുന്ന ചില പ്രശ്‌നങ്ങള്‍ക്ക് നല്‍കാവുന്ന പ്രകൃതിദത്ത പരിഹാരങ്ങള്‍ അറിയൂ.

കോള്‍ഡുണ്ടാകുന്നത് കുട്ടികള്‍ക്ക് സര്‍വസാധാരണമാണ്. ഇതിന് പരിഹാരമായി ചെയ്യാവുന്ന ചില കാര്യങ്ങളുണ്ട്. ബദാം ഓയില്‍, യൂക്കാലിപ്‌സ് ഓയില്‍ എന്നിവ കലര്‍ത്തി കുഞ്ഞിന്റെ നെഞ്ചില്‍ പുരട്ടി മസാജ് ചെയ്യുന്നത് ഗുണം ചെയ്യും.

യൂക്കാലിപ്റ്റിസ് ഓയില്‍, പെപ്പര്‍മിന്റ് ഓയില്‍ എന്നിവ കലര്‍ത്തി ഒരു കപ്പു വെള്ളത്തില്‍ കലക്കി വീടിനുള്ളില്‍ സ്േ്രപ ചെയ്യുന്നത് അണുക്കളെ നശിപ്പിക്കും. കുട്ടികള്‍ക്കുണ്ടാകുന്ന അസുഖങ്ങളും കുറയും.

തേന്‍, ചെറുനാരങ്ങനീര് എന്നിവ കലര്‍ത്തി കുട്ടികള്‍ക്ക് നല്‍കുന്നത് ജലദോഷവും കഫക്കെട്ടും ഒഴിവാക്കും.

കുഞ്ഞുങ്ങള്‍ക്ക് വയറുവേദന വരുന്നതും സ്വാഭാവികമാണ്. നവജാത ശിശുവാണെങ്കില്‍ കുഞ്ഞിന് നേരിട്ട് മരുന്നുകള്‍ കൊടുക്കാന്‍ സാധിക്കില്ല. മുലയൂട്ടുന്ന അമ്മ പെരുഞ്ചീരകമിട്ട വെള്ളം കുടിയ്ക്കുന്നത് നല്ലതാണ്. പാല്‍ കുടിയ്ക്കുന്നതു വഴി ഇത് കുഞ്ഞിന്റെ ശരീരത്തിലെത്തുകയും വയറുവേദന മാറുകയും ചെയ്യും.

കുഞ്ഞിന്റെ വയറ്റില്‍ ചെറുചൂടുള്ള ബദാം എണ്ണ കൊണ്ട് മസാജ് ചെയ്യുന്നതും നല്ലതാണ്.

കുഞ്ഞുങ്ങള്‍ക്കുണ്ടാകുന്ന ഛര്‍ദിയും മനംപുരട്ടലും മാറാന്‍ ഇഞ്ചിനീര് നേര്‍പ്പിച്ചു കൊടുക്കാം. ചുമ, കഫം എന്നിവ മാറാന്‍ ചെറുനാരങ്ങാനീര് തേനും ചേര്‍ത്ത് അല്‍പം ചൂടുവെള്ളത്തില്‍ കലര്‍ത്തി കൊടുക്കുന്നത് നല്ലതാണ്. ചെറിയുള്ളിയുടെ നീരും കല്‍ക്കണ്ടത്തിന്റെ സിറപ്പും ചേര്‍ത്ത് കുഞ്ഞുങ്ങള്‍ക്ക് കൊടുക്കുന്നതും ഗുണം ചെയ്യും.

മുതിര്‍ന്നവര്‍ക്കുണ്ടാകുന്ന അസുഖങ്ങള്‍ക്കുള്ള എല്ലാ പരിഹാരമാര്‍ഗങ്ങളും കുഞ്ഞുങ്ങളുടെ കാര്യത്തില്‍ പ്രാവര്‍ത്തികമാക്കാന്‍ പറ്റില്ലെന്ന ഓര്‍മ എപ്പോഴും വേണം.