നവജാത ശിശുവിന് തൂക്കം കൂടിയാല്‍

നവജാത ശിശുവിന് ആവശ്യത്തിന് തൂക്കം വേണമെന്നു പറയു. ഇത് രണ്ടര കിലോ മുതില്‍ നാലു കിലോ വരെയാകാം. നാലര കിലോയില്‍ കൂടുതല്‍ ജനിക്കുന്ന കുഞ്ഞിന് തൂക്കമുണ്ടെങ്കില്‍ ഇത് അമിതഭാരമാണെന്നു തന്നെ പറയാം.

ജനിക്കുമ്പോള്‍ തൂക്കം കൂടുന്നത് ചിലപ്പോള്‍ സ്വാഭാവികമാകാം. ഇത് പാരമ്പര്യമാകാം, അമ്മ കഴിയ്ക്കുന്ന ഭക്ഷണത്തിന്റെയാകാം. ഇതു രണ്ടുമല്ലാതെ തൂക്കം കൂടുന്നതിന് കാരണങ്ങളുമുണ്ട്. അമ്മയ്ക്ക് ഗര്‍ഭകാല പ്രമേഹമുണ്ടെങ്കില്‍ ജനിക്കുന്ന കുഞ്ഞിന് ഭാരക്കൂടുതലുണ്ടാകാന്‍ സാധ്യതയുണ്ട്. ഷുഗര്‍ ബേബിയെന്നാണ് ഇത്തരം കുഞ്ഞുങ്ങളെ പറയാണ്. ചെറുപ്പത്തില്‍ അമിതവണ്ണമുണ്ടാകുമെന്നതിന്റെ സൂചനയുമാകാം, ഈ തൂക്കക്കൂടുതല്‍.

ഗര്‍ഭിണിയായിരിക്കെ കുഞ്ഞിന്റെ തൂക്കം അറിയാനാകും. ഇതില്‍ അസ്വഭാവികതയുണ്ടെങ്കില്‍ ഡോക്ടറുടെ ഉപദേശം തേടാം.

ജനിക്കുന്ന കുഞ്ഞിന് ഭാരക്കൂടുതലുണ്ടെങ്കില്‍ കൊടുക്കുന്ന പാലിന്റെ അളവും അല്‍പം കുറയ്ക്കാം. ചില അമ്മമാര്‍ കുഞ്ഞുങ്ങള്‍ കരഞ്ഞാലുടന്‍ മുലയൂട്ടുന്നതു കാണാം. കുഞ്ഞിന്റെ കരച്ചിലിന് വിശപ്പു മാത്രമല്ല കാരണം എന്നു മനസിലാക്കുക.

കുഞ്ഞിന് കുപ്പിപ്പാലോ പാല്‍പ്പൊടി കലക്കിയോ കൊടുക്കുന്നത് തടി കൂടാനുള്ളൊരു കാരണമാണ്. മുലപ്പാലാണ് കുഞ്ഞിന്റെ ആരോഗ്യത്തിന് നല്ലതെന്ന കാര്യം ഓര്‍ക്കുക. ആറുമാസം വരെ കുഞ്ഞിന് മറ്റു ഭക്ഷണങ്ങള്‍ കൊടുക്കാതിരിക്കുന്നതാണ് നല്ലത്.

കുഞ്ഞിന് ആവശ്യത്തിനു മാത്രം ഭക്ഷണവും പാലും കൊടുക്കുകയെന്നതും പ്രധാനമാണ്. വെറുതെ ഭക്ഷണം കുത്തിക്കയറ്റി കൊടുക്കുന്നത് കുഞ്ഞിന് അമിതവണ്ണത്തിനും ചിലപ്പോള്‍ ദഹനസംബന്ധമായ പ്രശ്‌നങ്ങള്‍ക്കും വഴിയൊരുക്കും. ഭക്ഷണം കൊടുക്കാന്‍ സമയക്രമം വയ്ക്കുന്നതു നല്ലതാണ്.