കുഞ്ഞുങ്ങളിലെ വയറുവേദന, പരിഹാരം

Baby

oi-Saritha

By Veena

Published: Friday, June 29, 2012, 5:08 [IST]

കുഞ്ഞുങ്ങള്‍ക്ക് വയറുവേദന വരിക സാധാരണമാണ്. ഇത്തരം സന്ദര്‍ഭങ്ങളില്‍ കുഞ്ഞ് നിറുത്താതെ കരയും. പറയാനറിയാത്തതു കൊണ്ടാണ് ഈ കരച്ചില്‍.

കുഞ്ഞുങ്ങള്‍ക്ക് വയറുവേദന വരാന്‍ പല കാരണങ്ങളുമുണ്ടാകും. മുലപ്പാലും ഒരു കാരണമാകുന്നുണ്ട്. പാല്‍ കുടിച്ചു കഴിഞ്ഞാല്‍ കുഞ്ഞിന്റെ വയറ്റില്‍ ഗ്യാസുണ്ടാകാന്‍ സാധ്യതയുണ്ട്. ഇത് വയറുവേദനയ്ക്ക് കാരണമാകും. പാല്‍ കുടിച്ചു കഴി്ഞ്ഞാല്‍ കുഞ്ഞിനെ കമഴ്ത്തിക്കിടത്തി ഗ്യാസ് കളയണം.

കുഞ്ഞിന്റെ വയറ്റില്‍ പതിയെ മസാജ് ചെയ്യുക. കുഞ്ഞിന് ആശ്വാസം ലഭിക്കും. കുഞ്ഞിനെ കമഴ്ത്തിക്കിടത്തി പുറത്തു മസാജ് ചെയ്യുന്നതും വയറുവേദന കുറയ്ക്കാന്‍ നല്ലതാണ്.

വയറുവേദന വരുമ്പോള്‍ ചൂടുവെള്ളം വയറ്റില്‍ പിടിക്കുന്നത് നല്ലതാണ്. കുപ്പിയിലോ വാട്ടര്‍ ബാഗിലോ വെള്ളമാക്കി വയറ്റില്‍ പിടിക്കാം. ചൂട് സാധാരണ ശരീരവേദനകള്‍ കുറയ്ക്കും. കുഞ്ഞിന്റെ കാര്യത്തില്‍ വല്ലാതെ ചൂടുള്ള വെള്ളം വയറ്റില്‍ പിടിക്കരുത്. ഇളം ചൂടുവെള്ളമായാലും മതി.

ഇളം ചൂടുവെള്ളം കുഞ്ഞിനു കുടിയ്ക്കാന്‍ കൊടുക്കുന്നതും ആശ്വാസം നല്‍കും.

കുഞ്ഞുങ്ങളിലെ വയറുവേദനയ്ക്ക് സാധാരണ ഡോക്ടര്‍മാര്‍ ഗ്രേപ് വാട്ടര്‍ നിര്‍ദേശിക്കാറുണ്ട്. ഇത് പാര്‍ശ്വഫലങ്ങളൊന്നും തന്നെയില്ലാത്ത ഒന്നാണ്.

കുഞ്ഞിനെ ചൂടുവെള്ളത്തില്‍ കുളിപ്പിക്കുന്നതും അല്‍പനേരം ചെറുചൂടുള്ള വെള്ളത്തില്‍ ഇരുത്തുന്നതും ഗുണം ചെയ്യും.

ഇതെല്ലാം വീട്ടുവൈദ്യങ്ങളാണ്. ഇത്തരം മാര്‍ഗങ്ങള്‍ കൊണ്ടും കുഞ്ഞ് കരച്ചില്‍ നിര്‍ത്തുന്നില്ലെങ്കില്‍ ഡോക്ടറെ കാണിക്കുന്നതായിരിക്കും നല്ലത്.