വാവയെ കുളിപ്പിക്കൂ, ഓര്‍ഗാനിക് സോപ്പു കൊണ്ട്

കുഞ്ഞുങ്ങളെ കുളിപ്പിക്കുവാന്‍ നിരവധി ലോഷനുകളും ബേബി സോപ്പുകളും ലഭ്യമാണ്. എന്നാല്‍ ഓര്‍ഗാനിക് സോപ്പുകള്‍ കുഞ്ഞുങ്ങള്‍ക്ക് നല്ലതാണോയെന്ന സംശയം പല അമ്മമാരും ചോദിക്കുന്നതാണ്. മറ്റു സോപ്പുകളെ അപേക്ഷിച്ച് ഓര്‍ഗാനിക് സോപ്പുകള്‍ കുഞ്ഞുങ്ങള്‍ക്ക് നല്ലതാണ്.

ഓര്‍ഗാനിക് സോപ്പുകളുണ്ടാക്കുന്നത് സാധാരണ എണ്ണകളുപയോഗിച്ചാണ്. ഇവയില്‍ കൃത്രിമനിറങ്ങളോ വൃത്തിയാക്കാനായുളള രാസവസ്തുക്കളോ അടങ്ങിയിട്ടില്ല. അതുകൊണ്ടു തന്നെ കുഞ്ഞുങ്ങളുടെ മൃദുചര്‍മത്തിനിവ അലര്‍ജിയുണ്ടാക്കുന്നില്ല. മാത്രമല്ലാ, ചര്‍മത്തിലെ ജലാംശം നിലനിര്‍ത്താനും ഓര്‍ഗാനിക് സോപ്പുകള്‍ സഹായിക്കും.

ചില കുഞ്ഞുങ്ങള്‍ക്കും കുട്ടികള്‍ക്കും സോപ്പു തിന്നുന്ന സ്വഭാവമുണ്ട്. വിഷപദാര്‍ത്ഥങ്ങളൊന്നും അടങ്ങാത്തതുകൊണ്ട് ഓര്‍ഗാനിക് സോപ്പുകള്‍ അല്‍പം കുഞ്ഞുങ്ങളുടെ ഉളളില്‍ ചെന്നാലും ദോഷങ്ങളില്ല.

ഡയപ്പര്‍ കെട്ടുന്നതു കാരണമുണ്ടാകുന്ന അലര്‍ജിക്കും ചൊറിഞ്ഞുപൊട്ടുന്നതിനും ഇത്തരം സോപ്പുകള്‍ നല്ലതാണ്. കുളിപ്പിക്കുമ്പോഴും മറ്റും സോപ്പു തേക്കുമ്പോള്‍ കുഞ്ഞിന് വേദനിക്കില്ല.

സാധാരണ കുട്ടികള്‍ക്കുള്ള സോപ്പുകളില്‍ പോലും ഫോര്‍മാല്‍ഡിഹൈഡ് അടങ്ങിയിട്ടുണ്ട്. ഇവ കുഞ്ഞുചര്‍മത്തിന് നല്ലതല്ല. ഓര്‍ഗാനിക് സോപ്പുകളില്‍ ഇവ അടങ്ങിയിട്ടില്ല.

ഈ സോപ്പുകള്‍ക്ക് വലിയ വിലയില്ല. സാധാരണ കടകളിലോ ഓണ്‍ലൈന്‍ വഴിയോ ഇത്തരം സോപ്പുകള്‍ വാങ്ങാം.