നവജാത ശിശുക്കളിലെ മഞ്ഞപ്പിത്തം

Baby

oi-Saritha

By Veena

Published: Thursday, November 3, 2011, 14:41 [IST]

നവജാത ശിശുക്കളില്‍ മഞ്ഞനിറം കാണുന്നത് സാധാരണമാണ്. ഇത് ഒരു തരത്തില്‍ മഞ്ഞപ്പിത്തം തന്നെയാണ്. എന്നാല്‍ ഇതിനെ പൊതുവെ ആരും മഞ്ഞപ്പിത്തമെന്ന് വിളിക്കാറില്ല. ഇത് സര്‍വസാധാരണമായതു കൊണ്ടാണിത്. എന്നാല്‍ കൃത്യസമയത്ത് ചികിത്സ ലഭിച്ചില്ലെങ്കില്‍ കാര്യങ്ങള്‍ ഗുരുതരമാകാം.

രക്തത്തില്‍ മഞ്ഞ നിറത്തില്‍ ബിലിറൂബിന്‍ എന്നൊരു പദാര്‍ത്ഥമുണ്ട്. ഇതിന്റെ അളവ് കൂടി ഇത് ചര്‍മത്തിനടിയില്‍ അടിഞ്ഞുകൂടുമ്പോഴാണ് മഞ്ഞനിറം ഉണ്ടാകുന്നത്. കുഞ്ഞുങ്ങളില്‍ ലിവറിന് ബിലിറൂബിനെ അലിയിച്ചു കളയാനുള്ള ശക്തി താരതമ്യേന കുറവാണ്. ഇത് മലത്തിലൂടെ പുറത്തു പോകുകയാണ് പതിവ്. ഇങ്ങനെ പോയില്ലെങ്കില്‍ ബിലിറൂബില്‍ കുടല്‍ ആഗിരണം ചെയ്യുകയും മഞ്ഞപ്പിത്തം ഉണ്ടാവുകയും ചെയ്യും. മാസം തികയാത്ത കുഞ്ഞുങ്ങളിലും ഇങ്ങനെ മഞ്ഞനിറം കാണാറുണ്ട്.

മഞ്ഞനിറമുള്ള കുട്ടികളെ സാധാരണ ഫോട്ടോതെറാപ്പി ഉപയോഗിച്ചാണ് ചികിത്സിക്കാറ്. ഇതിനായി ചൂടുള്ള ലൈറ്റിനു താഴെ കുഞ്ഞിനെ കിടത്തും. ഈ ലൈറ്റ് ബിലിറൂബിനെ ലുമിറൂബിന്‍ എന്നൊരു പദാര്‍ത്ഥമാക്കി മാറ്റും. ലിമിറൂബിന്‍ എളുപ്പത്തില്‍ കുഞ്ഞിന്റെ ശരീരം ആഗിരണം ചെയ്യും.

ഫൈബര്‍ ഒപ്റ്റിക് പുതപ്പുകള്‍ ഉപയോഗിച്ചും കുഞ്ഞുങ്ങളിലെ മഞ്ഞപ്പിത്തം ചികിത്സിക്കാറുണ്ട്. കുഞ്ഞിനെ സൂര്യപ്രകാശം കൊള്ളിച്ചാലും മഞ്ഞനിറം ഇല്ലാതാകും.

ഫോട്ടോതെറാപ്പി വഴിയും മഞ്ഞപ്പിത്തം മാറിയില്ലെങ്കില്‍ കുഞ്ഞിന്റെ രക്തം മാറ്റി പകരം രക്തം കയറ്റുകയാണ് പതിവ്.