ഇരട്ടകളെ വളര്‍ത്തുമ്പോള്‍ ശ്രദ്ധിക്കുക

Baby

oi-Saritha

By Veena

Published: Tuesday, December 20, 2011, 15:19 [IST]

ഇരട്ടക്കുഞ്ഞുങ്ങളെ ലഭിക്കുമ്പോള്‍ സന്തോഷം ഇരട്ടിക്കും. അതോടൊപ്പം ഉത്തരവാദിത്വവും. ഇരുകുട്ടികള്‍ക്കും ഒരുപോലെ സ്‌നേഹവും സംരക്ഷണവും നല്‍കണം. ഇരുവരുടേയും ആവശ്യങ്ങള്‍ ഒരേപോലെ നിറവേറ്റണം.

അച്ഛനുമമ്മയും കുഞ്ഞുങ്ങളുടെ ഉത്തരവാദിത്വം ഒരേപോലെ ഏറ്റെടുക്കണം. ഇരുകുട്ടികള്‍ക്കും ഒരുപോലെ അച്ഛനമ്മമാരുടെ അടുത്ത് സമയം ചെലവാക്കാനും കളിക്കാനും സാധിക്കണം.

ഇരട്ടക്കുട്ടികളെ ഒരുമിച്ചിരുത്താന്‍ ശ്രദ്ധിക്കുക. ഇവരെ കുളിപ്പിക്കുന്നതും ഉറക്കുന്നതും ഭക്ഷണം കൊടുക്കുന്നതുമെല്ലാം ബുദ്ധിമുട്ടാണെങ്കിലും ഒരേ സമയത്തു തന്നെ ചെയ്യുന്നതാണ് നല്ലത്. കുഞ്ഞുങ്ങള്‍ തമ്മില്‍ സൗഹാര്‍ദമുണ്ടാകാനും ഇത് സഹായിക്കും.

ഇരുകുഞ്ഞുങ്ങളുടേയും ആവശ്യങ്ങള്‍ക്ക് ഒരേ പരിഗണന കൊടുക്കുക. കുഞ്ഞാണെങ്കിലും വലുതായായാലും ഒരാളേക്കാള്‍ പരിഗണന മറ്റൊരാള്‍ക്ക് ലഭിക്കുന്നത് പരസ്പരം ദേഷ്യത്തിനിട വരുത്തും.

ഇരുകുട്ടികളെയും തമ്മില്‍ താരതമ്യം ചെയ്യാതിരിക്കുക. ഒരേ വയറ്റിലാണ് കിടന്നതെങ്കിലും ഒരേ രൂപമാണെങ്കിലും ഇവരുടെ താല്‍പര്യങ്ങളും കഴിവുകളും വ്യത്യസ്തമായേക്കാം. അവരവര്‍ക്ക് ഇഷ്ടമുള്ള കാര്യങ്ങള്‍ പ്രോത്സാഹിപ്പിക്കുക.

ഇരട്ടക്കുഞ്ഞുങ്ങളെ വളര്‍ത്തുന്നത് ബാധ്യതയായി ചിലര്‍ക്കെങ്കിലും ചിലപ്പോഴെങ്കിലും തോന്നിയേക്കാം. ഈ തോന്നല്‍ കുഞ്ഞുങ്ങള്‍ക്കും മാതാപിതാക്കള്‍ക്കുമിടയില്‍ അകലം സൃഷ്ടിക്കും. കുഞ്ഞുങ്ങള്‍ ദൈവത്തിന്റെ വരദാനമാണെന്ന് മറക്കരുത്.