കുഞ്ഞുമുഖത്തും മുഖക്കുരുവോ, ഇതു വായിക്കൂ

Baby

oi-Saritha

By Veena

Published: Tuesday, October 11, 2011, 16:39 [IST]

കുഞ്ഞുങ്ങളുടെ മുഖത്തും ദേഹത്തും ചിലപ്പോള്‍ കുരുക്കളുണ്ടാകും. ഇവ കൂടുതലായാല്‍ പൊട്ടുവാനും മുഖത്ത് പാടുകളുണ്ടാകാനും സാധ്യതയുണ്ട്.

അമ്മയുടെ ഹോര്‍മോണ്‍ കുഞ്ഞുങ്ങളിലേക്കും വ്യാപിക്കും. ചിലപ്പോള്‍ മുലപ്പാല്‍ വഴിയും ഇത്തരം ഹോര്‍മോണ്‍ അമ്മയില്‍ നിന്നും കുഞ്ഞിലേക്കെത്തും. അതുകൊണ്ട് അമ്മയ്ക്ക് മുഖക്കുരുവുണ്ടാകാറുണ്ടെങ്കില്‍ കുഞ്ഞുങ്ങളുടെ ചര്‍മത്തിലും ഇത്തരം കുരുക്കള്‍ വരാന്‍ സാധ്യതയുണ്ട്.

വൈറ്റ്‌ഹെഡ്‌സ് എന്നറിയപ്പെടുന്ന കുരുക്കളാണ് കുഞ്ഞുങ്ങളില്‍ സാധാരണയായി കണ്ടുവരുന്നത്. കവിളിലും നെറ്റിയിലും താടിയിലും ഇവ കാണാം. ഇത് കൂടുതലായാല്‍ കുട്ടികള്‍ക്ക് അസ്വസ്ഥതയുണ്ടാക്കും. വീട്ടില്‍ തന്നെ ഇതിനുള്ള ചികിത്സകള്‍ ചെയ്യാം.

കുഞ്ഞിനെ ചൂടുവെള്ളത്തില്‍ കുളിപ്പിക്കുകയും കുരുക്കളുള്ള ഭാഗത്ത് വൃത്തിയുള്ള തുണിയുപയോഗിച്ച് ഒപ്പുകയും വേണം.

കുരുക്കളുള്ള ഭാഗത്ത് ബേബി ക്രീമുകളോ ലോഷനുകളോ പുരട്ടരുത്. വെളിച്ചെണ്ണയോ നെയ്യോ പുരട്ടുന്നത് നല്ലതാണ്.

കുഞ്ഞിനെ മേക്കപ്പ് ചെയ്യിക്കുന്നത് മുഴുവനായും ഒഴിവാക്കുക. വേണെങ്കില്‍ ബേബി പൗഡറിടാം. ഇത് കുരുക്കളുളള ഭാഗത്ത് ഈര്‍പ്പമില്ലാതിരിക്കാന്‍ സഹായിക്കും.

കുറച്ചു ദിവസങ്ങള്‍ കഴിഞ്ഞിട്ടും കുരുക്കള്‍ മാറുന്നില്ലെങ്കില്‍ ഡോക്ടറെ കാണിക്കുന്നതായിരിക്കും നല്ലത്.