മെനോപോസ് ലക്ഷണങ്ങള്‍ തിരിച്ചറിയൂ

സാധാരണ 45-55 വയസിനുള്ളിലാണ് മെനോപോസ് സംഭിവിക്കാറുള്ളത്. സ്ത്രീകളുടെ ശരീരത്തില്‍ നിരവധി മാറ്റങ്ങള്‍ മെനോപോസിനോടനുബന്ധിച്ചു നടക്കും.

ക്ഷീണം, വിയര്‍പ്പ്, ഉഷ്ണം, ഉറക്കക്കുറവ്, ഡിപ്രഷന്‍, പെട്ടെന്ന് വണ്ണം വയ്ക്കുക നിരവധി ലക്ഷണങ്ങള്‍ ആര്‍ത്തവവിരാമത്തോടനുബന്ധിച്ചു സംഭവിക്കാറുണ്ട്.

ഹോര്‍മോണുകളുടെ അഭാവം മൂലം ചര്‍മം അയഞ്ഞുതൂങ്ങുക, കൂടെക്കൂടെ മൂത്രമൊഴിക്കാന്‍ തോന്നുക, സ്തനങ്ങളുടെ ദൃഢത കുറയുക തുടങ്ങിയ ലക്ഷണങ്ങളും മെനോപോസിനോടനുബന്ധിച്ച് സ്ത്രീകളില്‍ കണ്ടുവരാറുണ്ട്.

ഹോര്‍മോണ്‍ കുറവു മൂലം എല്ലുകള്‍ക്ക് ബലം കുറയുകയും ഓസ്റ്റിയോപെറോസിസ് പോലുള്ള രോഗങ്ങളും ചില സ്ത്രീകളില്‍ കാണാറുണ്ട്.

നല്ല ഭക്ഷണവും വ്യായാമവും ആര്‍ത്തവവിരാമത്തോനുബന്ധിച്ച് ആവശ്യമാണ്. പ്രത്യേകിച്ച് എല്ലുകള്‍ക്കു ബലം നല്‍കുന്ന കാല്‍സ്യമടങ്ങിയ ഭക്ഷണങ്ങള്‍ കഴിയ്ക്കാന്‍ ശ്രദ്ധിക്കണം. കുടുംബാംഗങ്ങളുടെ പിന്തുണയായിരിക്കും ഈ സമയത്തുണ്ടാകുന്ന ഡിപ്രഷന് ഏറ്റവും പറ്റിയ മരുന്ന്.