ഗര്‍ഭനിരോധന ഗുളിക പുരുഷനും!

അധികം പ്രചാരത്തിലായിട്ടില്ലെങ്കിലും പുരുഷന്മാര്‍ക്കായും ഗര്‍ഭനിരോധന ഗുളികകള്‍ ലഭ്യമാണ്. സ്ത്രീകളേക്കാള്‍ പുരുഷന്മാര്‍ ഗര്‍ഭനിരോധന ഗുളികകള്‍ ഉപയോഗിക്കുന്നതാണ് കൂടുതല്‍ ഗുണമെന്നു വേണമെങ്കില്‍ പറയാം. കാരണം സ്ത്രീകളില്‍ ഇത്തരം ഗുളികകള്‍ ഛര്‍ദി, തലവേദന, മൂഡുമാറ്റം, ശരീരം തടിക്കുക തുടങ്ങിയ പാര്‍ശ്വഫലങ്ങള്‍ വരുത്തുന്നുണ്ട്. എന്നാല്‍ വണ്ണം കൂടുന്നതൊഴികെയുള്ള യാതൊരു പ്രശ്‌നങ്ങളും ഇത്തരം ഗുളികകള്‍ പുരുഷന്മാരില്‍ ഉണ്ടാക്കുന്നില്ല. മാത്രമല്ലാ, അപൂര്‍വം പുരുഷന്മാരില്‍ മാത്രമെ തടി വയ്ക്കുന്നതായി കണ്ടുവരുന്നുമുള്ളൂ.

എല്ലാ പുരുഷന്മാര്‍ക്കും ഇത് ഉപയോഗിക്കാം. ഒരു പ്രത്യേക വിഭാഗത്തേയും ഈ മരുന്നുപയോഗിക്കാനാവില്ലെന്ന വിലക്കുമില്ല. എന്നാല്‍ ഫലം ലഭിക്കണമെങ്കില്‍ ദിവസവും ഇത് കഴിയ്ക്കുകയും വേണം.

കോണ്ടംസിനെ അപേക്ഷിച്ച് ഇവയ്ക്ക് വിലക്കൂടുതലാണെന്നതാണ് ഒരു ദോഷം, മാത്രമല്ലാ, എയ്ഡ്‌സ് അടക്കമുള്ള ലൈംഗിക രോഗങ്ങളില്‍ നിന്നും സംരക്ഷണം നല്‍കാനും ഇത്തരം ഗുളികകള്‍ക്കു കഴിയില്ല.