മെനോപോസിന് ശേഷവും ഗര്‍ഭധാരണ സാധ്യത

Pregnancy Parenting

oi-Saritha

By Veena

Published: Monday, March 5, 2012, 15:50 [IST]

ആര്‍ത്തവവിരാമത്തിന് ശേഷം ഗര്‍ഭം ധരിക്കില്ലെന്ന് പൊതുവെ പറയും. അതുകൊണ്ടുതന്നെ ഗര്‍ഭനിരോധന മാര്‍ഗങ്ങള്‍ ഉപയോഗിക്കേണ്ടതിന്റെ ആവശ്യമില്ലെന്നും പറയാറുണ്ട്.

എന്നാല്‍ ഇത് തെറ്റാണ്. ആര്‍ത്തവവിരാമത്തിന് ശേഷവും സ്ത്രീകള്‍ക്ക് ഗര്‍ഭധാരണസാധ്യതയുണ്ട്. ഈസ്ട്രജന്‍, പ്രൊജസ്‌ട്രോണ്‍ ഹോര്‍മോണുകള്‍ ഉല്‍പാദിപ്പിക്കാതാകുന്നതാണ് ആര്‍ത്തവവിരാമത്തിന് കാരണം. എന്നാല്‍ മെനോപോസ് എന്ന ഈ പ്രക്രിയ പൂര്‍ത്തിയാകാന്‍ അഞ്ചോ ആറോ വര്‍ഷം പിടിക്കുമെന്നതാണ് വാസ്തവം. അതുകൊണ്ട് ചില സ്ത്രീകളിലെങ്കിലും മെനോപോസിന് ശേഷം ഗര്‍ഭസാധ്യത ഉണ്ടെന്നര്‍ത്ഥം. ഹോര്‍മോണ്‍ ഉല്‍പാദനം കുറവാണെങ്കിലും നടക്കുന്നുണ്ടാകും. ഇത് പൂര്‍ണമായും നിലയ്ക്കാന്‍ കുറച്ചു വര്‍ഷങ്ങളെങ്കിലും വേണ്ടി വരും.

മെനോപോസിന് ശേഷം മിക്കവാറും പേര്‍ ഗര്‍ഭനിരോധന മാര്‍ഗങ്ങള്‍ ഉപയോഗിക്കേണ്ടതില്ലെന്ന് തീരുമാനിക്കാറുണ്ട്. .എന്നാല്‍ മെനോപോസിന് ശേഷം രണ്ടുമൂന്നു വര്‍ഷമെങ്കിലും ഇവ ഉപയോഗിക്കുന്നതാണ് ഉചിതം.

ഗര്‍ഭനിരോധന ഗുളികകള്‍, കോപ്പര്‍ ടി, ഹോര്‍മോണ്‍ കുത്തിവയ്പ് എന്നിവ ഇവര്‍ക്കുമുപയോഗിക്കാവുന്ന ഗര്‍ഭനിരോധന മാര്‍ഗങ്ങളാണ്. കോപ്പര്‍ ടി ഒഴികെയുള്ളവയില്‍ ഹോര്‍മോണുകള്‍ അടങ്ങിയിരിക്കുന്നതു കൊണ്ട് ഇവ ഉപയോഗിക്കുന്നത് ഡോക്ടറുടെ നിര്‍ദേശാനുസരണം വേണമെന്നു മാത്രം.