സ്ത്രീകളും ഹോര്‍മോണ്‍ പ്രശ്‌നങ്ങളും

Pregnancy Parenting

oi-Saritha

By Veena

Published: Wednesday, December 21, 2011, 15:57 [IST]

പുരുഷന്മാരെ അപേക്ഷിച്ച് ഹോര്‍മോണ്‍ പ്രശ്‌നങ്ങള്‍ കൂടുതല്‍ കണ്ടുവരുന്നത് സ്ത്രീകളിലാണ്. ഇവ നിസാരമായി തള്ളിക്കളയാനാവില്ല.

സ്ത്രീകളില്‍ കണ്ടുവരുന്ന വന്ധ്യതയുടെ ഒരു പ്രധാന കാരണം ഹോര്‍മോണ്‍ തകരാറാണ്. ഈസ്ട്രജന്‍ സ്ത്രീ ശരീരത്തില്‍ മാത്രം കണ്ടുവരുന്ന ഒരു ഹോര്‍മോണാണ്. പോളിസിസ്റ്റിക് ഓവറി, എന്‍ഡോമെട്രിയാസിസ് എന്നീ രോഗങ്ങള്‍ക്കു പ്രധാന കാരണം ഇത്തരം ഹോര്‍മോണുകളുടെ അളവിലെ വ്യത്യാസങ്ങളാണ്.

മാസമുറയോടനുബന്ധിച്ച് സ്ത്രീകളില്‍ അകാരണമായ ദേഷ്യം, ഡിപ്രഷന്‍, സങ്കടം വരിക തുടങ്ങിയ അവസ്ഥകള്‍ കണ്ടുവരുന്നുണ്ട്. പ്രീ മെന്‍സ്ട്രല്‍ സിന്‍ഡ്രോം എന്നറിയപ്പെടുന്ന ഈ അവസ്ഥയ്ക്ക് കാരണം ഹോര്‍മോണ്‍ വ്യതിയാനങ്ങള്‍ തന്നെയാണ്.

ചില സ്ത്രീകളില്‍ ക്യാന്‍സറിനും വരെ ഹോര്‍മോണ്‍ പ്രശ്‌നങ്ങള്‍ കാരണമാകുന്നുണ്ട്. മെനോപോസ് സമയത്ത് ചില സ്ത്രീകള്‍ അമിതമായി തടിക്കുന്നതായി കണ്ടുവരുന്നുണ്ട്. ഇതിനും കാരണം ഹോര്‍മോണ്‍ പ്രശ്‌നങ്ങള്‍ തന്നെയാണ്.

ഭക്ഷണക്രമവും വ്യായാമവും വഴി ഒരു പരിധി വരെ ഹോര്‍മോണ്‍ അസന്തുലിതാവസ്ഥ പരിഹരിക്കാം. റെഡിമെയ്ഡ് ഭക്ഷണങ്ങള്‍ ഒഴിവാക്കി പ്രകൃതിയിലേക്കു മടങ്ങുക എന്നതാണ് ഇതിനുള്ള പ്രധാന മാര്‍ഗം.