ഗര്‍ഭനിരോധന ഗുളിക, അറിഞ്ഞിരിക്കേണ്ട കാര്യങ്ങള്‍

Published: Thursday, December 22, 2011, 11:04 [IST]

കോണ്‍ട്രാസെപ്റ്റീവ് പില്‍സ് പല സ്ത്രീകളും ഉപയോഗിക്കാറുണ്ടെങ്കിലും ഇവയുടെ മുഴുവന്‍ കാര്യങ്ങളും അറിയാവുന്നവര്‍ വളരെ വിരളം. ഗര്‍ഭധാരണം തടയുക മാത്രമല്ലാ ഇത്തരം പില്‍സ് ചെയ്യുന്നത്.

കോണ്‍ട്രാസെപ്റ്റീവ് പില്‍സ് ലൈംഗികരോഗങ്ങള്‍ പകരുന്നതും വരുന്നതും തടയുന്നുണ്ട്. ഇവയില്‍ അടങ്ങിയിരിക്കുന്ന ഹോര്‍മോണാണ് ഗര്‍ഭധാരണം തടയുന്നത്. ഇവയില്‍ സാധാരണ ഈസ്ട്രജന്‍, പ്രൊജസ്‌ട്രോണ്‍ തുടങ്ങിയ രണ്ടുതരം ഹോര്‍മോണുകളാണ് അടങ്ങിയിരിക്കുന്നത്. കമ്പൈന്‍ഡ് പില്‍സ് എന്നാണ് ഇവ അറിയപ്പെടുന്നത്. അണ്ഡോല്‍പാദനം തടയുകയാണ് ഇവ ചെയ്യുന്നത്.

പ്രൊജസ്‌ട്രോണ്‍ മാത്രം അടങ്ങിയിരിക്കുന്ന പില്‍സുകളുമുണ്ട്. ഇവ ദിവസവും ഒന്നു നേരം കഴിയ്ക്കുകയാണ് വേണ്ടത്. മിനി പില്‍സ് എന്നാണ് ഇവ അറിയപ്പെടുന്നത്. ഇവ ഗര്‍ഭധാരണം തടയുന്ന കാര്യത്തില്‍ കമ്പൈന്‍ഡ് പില്‍സിനത്രയും ഫലപ്രദമല്ല. ഇവ കുഞ്ഞിനെ മുലയൂട്ടുന്ന സമയത്ത് ഉപയോഗിക്കുമ്പോഴാണ് ഏറ്റവും കാര്യക്ഷമത കാണിക്കുന്നതെന്നു തെളിഞ്ഞിട്ടുണ്ട്.

മിനി പില്‍സുകള്‍ ദിവസവും കഴിക്കേണ്ടവയാണ്. ഇവ ദിവസവും ഒരേ സമയത്തു തന്നെ കഴിയ്ക്കുവാന്‍ ശ്രദ്ധിക്കണം. സ്ഥിരം കഴിയ്ക്കുന്ന സമയത്തു നിന്നും മൂന്നു മണിക്കൂറെങ്കിലും വൈകിയാല്‍ ഗര്‍ഭധാരണത്തിനുള്ള സാധ്യത കൂടുതലാണ്.

ഗര്‍ഭനിരോധന ഗുളികകള്‍ക്ക് ചില പാര്‍ശ്വഫലങ്ങളുമുണ്ട്. ചിലപ്പോള്‍ ഇവ ക്രമരഹിതമായ ആര്‍ത്തവത്തിന് കാരണമാകുന്നു. ചിലരിലെങ്കിലും ആര്‍ത്തവം നിലയ്ക്കുന്നതും കണ്ടുവരാറുണ്ട്.

ഛര്‍ദി, തലചുറ്റല്‍ തുടങ്ങിയ പ്രശ്‌നങ്ങള്‍ ഗര്‍ഭനിരോധന ഗുളിക കഴിച്ചാല്‍ ഉണ്ടാകും. ഡിപ്രഷന്‍, മൂഡു മാറുക തുടങ്ങിയവും ഇവയുണ്ടാക്കുന്നു. സ്തനങ്ങളുടെ ഉറപ്പ് ചിലപ്പോള്‍ ഗര്‍ഭനിരോധന ഗുളിക കഴിച്ചാല്‍ കുറഞ്ഞേക്കും.

ഗുളിക ഉപയോഗിച്ചു തുടങ്ങിയാല്‍ ഏഴാമത്തെ ദിവസം മുതലാണ് പ്രവര്‍ത്തനക്ഷമത വരിക. അതുവരെ മറ്റ് ഗര്‍ഭനിരോധന വഴികള്‍ സ്വീകരിക്കുന്നതാണ് നല്ലത്.

മിനി പില്‍സുകള്‍ കഴിയ്ക്കുമ്പോള്‍ ഏതെങ്കിലും കാരണവശാല്‍ ഗര്‍ഭം ധരിക്കുകയാണെങ്കില്‍ എന്തെങ്കിലും പ്രശ്ങ്ങള്‍ ഉണ്ടാകാന്‍ സാധ്യതയുണ്ട്. ഇത്തരം ഗര്‍ഭം ഒഴിവാക്കുന്നതാണ് നല്ലത്.