ഓട്ടിസ് ചുഴലിക്കാറ്റ് മുതല്‍ തുര്‍ക്കിയിലെ ഭൂകമ്പം വരെ ; 2023ല്‍ ലോകം വിറങ്ങലിച്ച പ്രകൃതി ദുരന്തങ്ങള്‍

പ്രകൃതി ദുരന്തങ്ങള്‍ എന്നും ജീവജാലങ്ങളെ ആശങ്കയുടെ മുള്‍ മുനയില്‍ നിര്‍ത്തുന്ന പ്രതിഭാസമാണ്, വലിയ നാശ നഷ്ടങ്ങള്‍ക്കും ജീവഹാനിക്കും വരെ കാരണമാകുകായും ചെയ്യുന്നവയാണ്. പ്രകൃതി ദുരന്തങ്ങള്‍ എന്നാ വിഭാഗത്തില്‍ നിര്‍വചിക്കപ്പെടുന്ന വിവിധ കാര്യങ്ങള്‍ ഉണ്ട്. അവയില്‍ ചിലവ മനുഷ്യര്‍ പ്രകൃതിക്കുമേല്‍ നടത്തുന്ന കടന്നു കയറ്റങ്ങളുടെ മറുപടിയായിരിക്കും. ചില പ്രകൃതി ദുരന്തങ്ങള്‍ നമുക്ക് മുന്‍കൂട്ടി കാണുവാന സാധിക്കും, ചില സൂചനകള്‍ പക്ഷെ നമുക്ക് നിര്‍വചിക്കാന്‍ സാധിക്കാത്തതും ആയിരിക്കും.

2023-ൽ, ലോകമെമ്പാടും പ്രകൃതി ദുരന്തങ്ങളുടെ ഒരു പരമ്പരയ്ക്ക് തന്നെ സാക്ഷ്യം വഹിച്ചു, വിവിധയിടങ്ങളില്‍ ഈ ദുരന്തങ്ങള്‍ വ്യാപകമായ നാശത്തിന് കാരണമായി. മെക്സിക്കോയുടെ തീരത്ത് ആഞ്ഞടിച്ച ഓട്ടിസ് ചുഴലിക്കാറ്റ് മുതൽ മൊറോക്കോയിലെ ഭൂകമ്പം വരെ നീണ്ടുപോകുന്ന ഓരോ സംഭവവും അനിര്‍വചനീയമായ നഷ്ടവും ആള്‍ നാശവും നാശവും മാത്രമല്ല, പ്രകൃതിയുടെ പുനർരൂപകൽപ്പനയ്ക്കും കാരണമായി. അതിനാല്‍ തന്നെ ലോകം നിസ്സഹായമായി നിന്ന സമാനതകളില്ലാത്ത പ്രകൃതി ദുരന്തങ്ങളുടെ വർഷമായി 2023 നെ അടയാളപ്പെടുത്തിയ പ്രകൃതി ദുരന്തങ്ങള്‍ ഏതൊക്കെയാണെന്ന് നോക്കാം :

1. ഓട്ടിസ് ചുഴലിക്കാറ്റ്

2023 ഒക്‌ടോബർ 25-ന് പുലർച്ചെ 1:25-ന് CT, ഓട്ടിസ് ചുഴലിക്കാറ്റ് മെക്‌സിക്കോയുടെ പസഫിക് തീരമായ അകാപുൾകോയിൽ നിന്ന് അഞ്ച് മൈൽ തെക്ക് മാറി തീരം തൊട്ടു. കാറ്റഗറി 5 -ല്‍ പെടുന്ന ചുഴലിക്കാറ്റ് 165 മൈൽ വേഗതയിൽ കാറ്റ് വീശുകായും പട്രീഷ്യ ചുഴലിക്കാറ്റിന്റെ മുൻ റെക്കോർഡ് മറികടക്കുകയും ചെയ്തു. മെക്സിക്കന്‍ തീരപ്രദേശത്ത് അടിച്ച ഏറ്റവും ശക്തമായ ചുഴലിക്കാറ്റായി ഓട്ടിസ് ചരിത്രത്തില്‍ രേഖപ്പെടുത്തപ്പെട്ടു.

ഓട്ടിസിന്‍റെ അനന്തിര ഫലങ്ങള്‍ ഭീകരമായിരുന്നു, അകാപുൾകോയിലെ ഏകദേശം 80% ഹോട്ടലുകളും 96% ബിസിനസ്സുകളും പൂര്‍ണ്ണമായോ ഭാഗികമായോ തകര്‍ന്നു. വിനോദസഞ്ചാരത്തെ വളരെയധികം ആശ്രയിക്കുന്ന അകാപുൾകോയുടെ സമ്പദ്‌വ്യവസ്ഥ, ചുഴലിക്കാറ്റ് മൂലമുണ്ടായ വ്യാപകമായ നാശത്തെത്തുടർന്ന് ഗുരുതരമായ തിരിച്ചടി നേരിട്ടു.

2. ലിബിയ വെള്ളപ്പൊക്കം

സെപ്തംബർ 9-ന്റെ വാരാന്ത്യത്തിൽ, മെഡിറ്ററേനിയൻ കൊടുങ്കാറ്റായ ഡാനിയൽ കിഴക്കൻ ലിബിയയിലൂടെ കടന്നുപോയതിന്റെ ഫലമായുണ്ടായ കനത്ത മഴയും വ്യാപകമായ വെള്ളപ്പൊക്കവും പ്രദേശത്ത് വലിയ അളവിലുള്ള നാശനഷ്ടങ്ങള്‍ക്ക് കാരണമായി. ലിബിയയുടെ വടക്കുകിഴക്കൻ മേഖലയിൽ പെയ്ത എട്ട് മാസത്തെ മഴയ്ക്ക് തുല്യമായിരുന്നു ഡാനിയേൽ വരുത്തിയ വെള്ളപ്പൊക്കം.

സെപ്തംബർ 11-ന് രണ്ട് അണക്കെട്ടുകളില്‍ പരമാവധി ജലം എത്തി ചേര്‍ന്നു. ഇതിനകം തന്നെ വെള്ളപ്പൊക്കത്താൽ പിടിമുറുക്കുന്ന പ്രദേശങ്ങളിലേക്ക് ഈ അണക്കെട്ടുകളിലെ 1 ബില്യൺ ക്യുബിക് ഫീറ്റ് (30 ദശലക്ഷം ക്യുബിക് മീറ്റർ) വെള്ളം കൂടി തുറന്നുവിട്ടപ്പോൾ സ്ഥിതിഗതികൾ രൂക്ഷമായി. ഗുരുതരമായി ബാധിച്ച പ്രദേശങ്ങളിൽ, 100,000 -ത്തോളം ആളുകൾ അധിവസിക്കുന്ന കിഴക്കൻ നഗരമായ 'ഡെർണ'യുടെ നാലിലൊന്ന് അപ്രത്യക്ഷമായി.

3. മൊറോക്കോ ഭൂകമ്പം

സെപ്തംബർ 8 ന് പ്രാദേശിക സമയം രാത്രി 11 മണിക്ക് ശേഷം മൊറോക്കോയിൽ 6.8 തീവ്രത രേഖപ്പെടുത്തിയ ഭൂകമ്പം ഉണ്ടായി. അൽ ഹൗസ് പ്രവിശ്യയിലെ ഹൈ അറ്റ്‌ലസ് പർവതനിരകളിൽ സ്ഥിതി ചെയ്യുന്ന അഡാസിൽ പട്ടണത്തിന് സമീപം മാരാകേഷിന് (ഫ്രഞ്ച്: മാരാകേച്ച്) തെക്കുപടിഞ്ഞാറായി 44 മൈൽ അകലെയാണ് 11.5 മൈൽ ആഴത്തിലാണ് ഉത്ഭവിച്ചത്. ഈ പ്രദേശത്തിന്റെ സവിശേഷതകളാല്‍ സമ്പന്നമായ ഗ്രാമങ്ങളില്‍ പലതും ഭൂകമ്പത്തിന്റെ വിനാശകരമായ ആഘാതത്തിന്‍റെ ഫലമായി പൂര്‍ണ്ണമായോ ഭാഗികമായോ തകര്‍ക്കപ്പെട്ടു.

ഭൂകമ്പത്തിന്റെ പ്രഭവകേന്ദ്രത്തിൽ നിന്ന് 30 മൈലിനുള്ളിൽ താമസിക്കുന്ന ഏകദേശം 500,000 ആളുകളെയെങ്കിലും ഇതിന്‍റെ പ്രത്യാഘാതങ്ങള്‍ ബാധിച്ഛതായി കണക്കാക്കുന്നു.

4. ചൈന വെള്ളപ്പൊക്കം

ജൂലൈ 29 മുതൽ, വടക്കുകിഴക്കൻ ചൈനയിൽ അഭൂതപൂർവമായ മഴകാരണം കുറഞ്ഞത് 16 നഗരങ്ങളിലും അതിശക്തമായ വെള്ളപ്പൊക്കത്തിന് കാരണമായി. 2023-ൽ പസഫിക്കിൽ ആഞ്ഞടിക്കുന്ന അഞ്ചാമത്തെ ചുഴലിക്കാറ്റായ ഡോക്‌സുരി ചുഴലിക്കാറ്റിന്റെ തുടര്‍ച്ചയായിരുന്നു ഈ വെള്ളപ്പൊക്കവും. കേവലം 83 മണിക്കൂറിനുള്ളില്‍ തന്നെ ഒരു വര്‍ഷത്തിലെ മഴക്കാലത്ത് പെയ്യേണ്ട ആകെ മഴയുടെ 60% പെയ്തതായി റിപ്പോര്‍ട്ടുകള്‍ പറയുന്നു. ഇത് കഴിഞ്ഞ 140 വര്‍ഷത്തെ മഴയുടെ ചരിത്രത്തിലെ ഏറ്റവും വലുതാണ്‌.

ചുഴലിക്കാറ്റും തുടര്‍ച്ചയായ മഴയും പ്രശ്നങ്ങള്‍ തീവ്രമാക്കുകയും മണ്ണിടിച്ചിലുകൾ, വെള്ളപ്പൊക്ക, മിന്നല്‍ പ്രളയം എന്നിവ കാര്യങ്ങള്‍ കൂടുതല്‍ സങ്കീര്‍ണ്ണമാക്കി മാറ്റി. ഇതിനിടയില്‍ തന്നെ സെപ്തംബർ 2 ന് ദക്ഷിണ ചൈനയിൽ സോള ചുഴലിക്കാറ്റ് തീരം തൊട്ടു. 880,000-ത്തിലധികം ആളുകളെ ഒഴിപ്പിക്കാൻ ഇത് നിർബന്ധിതരായി. നേരത്തെ, ഓഗസ്റ്റ് 13 ന്, സിയാൻ സിറ്റിയിലെ വെയ്‌സിപിംഗ് ഗ്രാമത്തിൽ ഉണ്ടായ വെള്ളപ്പൊക്കത്തിലും മണ്ണിടിച്ചിലിലും 24 പേരുടെ ജീവൻ അപഹരിക്കുകയും മൂന്ന് പേരെ കാണാതായതായതായും റിപ്പോർട്ട് ചെയ്യപ്പെട്ടു. ഏകദേശം 900 വീടുകളോളം പൂര്‍ണ്ണമായോ ഭാഗികമായോ തകര്‍ന്നു.

5. അറ്റ്ലാന്റിക് ചുഴലിക്കാറ്റ് സീസൺ

അറ്റ്‌ലാന്റിക്കില്‍ 2023 വര്‍ഷത്തിലെ ചുഴലിക്കാറ്റ് സീസണില്‍ മൊത്തം 22 കൊടുങ്കാറ്റുകളുടെ രൂപീകരണത്തിന് സാക്ഷ്യം വഹിച്ചു, ഇത് ഒരു സാധാരണ ചുഴലിക്കാറ്റ് സീസണിലെ ശരാശരിയെ മറികടക്കുന്ന കണക്കാണ്, 2023-ലെ കൊടുങ്കാറ്റുകളിൽ, 12 ഉഷ്ണമേഖലാ കൊടുങ്കാറ്റുകളും ഏഴ് ചുഴലിക്കാറ്റുകളും (മൂന്ന് എണ് കാറ്റഗറി 3 അല്ലെങ്കിൽ അതിലും ഉയർന്നതായി തരംതിരിക്കപ്പെട്ടവ ഉൾപ്പെടെ), ജനുവരി 16-ന് വടക്കുകിഴക്കൻ യു.എസ് തീരത്ത് നിന്ന് ഉയർന്ന ഒരു അനോമലസ് ഉപ ഉഷ്ണമേഖലാ ചുഴലിക്കാട്ടും ഇവയില്‍ ഉള്‍പ്പെടുന്നു.

6. യുഎസ് ടൊർണാഡോ

2023-ലെ ടൊർണാഡോ സീസൺ ചുഴലിക്കാറ്റുകളുടെ എണ്ണം കൊണ്ട് ചരിത്രത്തില്‍ സ്ഥാനം പിടിച്ചു. പ്രാഥമിക റിപ്പോർട്ടുകൾ പ്രകാരം കുറഞ്ഞത് 1,450 ചുഴലിക്കാറ്റുകളെങ്കിലും ഉണ്ടായതായി സൂചിപ്പിക്കുന്നു. 1,402 ടൊർണാഡോകൾ ഇതിനകം സ്ഥിരീകരിച്ചിട്ടുണ്ട്. ചില കൊടുങ്കാറ്റുകൾ ഇപ്പോഴും ഉടലെടുക്കുന്നതിനാല്‍ ഈ കണക്കുകൾ വികസിച്ചേക്കാം എന്നത് ശ്രദ്ധിക്കേണ്ടതാണ്.

ചുഴലിക്കാറ്റുകള്‍ ഉടലെടുക്കുന്നതും അവയുടെ പ്രയാണവും വ്യത്യാസപ്പെട്ടുകൊണ്ടിരിക്കുനതായി റിപ്പോര്‍ട്ടുകള്‍ കാണിക്കുന്നു. ജനുവരിയിൽ അസാധാരണമായ 166 ചുഴലിക്കാറ്റുകളാണ് ഉണ്ടായത്, ഇത് റെക്കോർഡിലെ ഏറ്റവും ഉയർന്ന രണ്ടാമത്തെ ടോർണാഡോ ആയിരുന്നു. തുടർന്ന്, ആദ്യ മൂന്ന് മാസങ്ങൾ ശരാശരി ചുഴലിക്കാറ്റ് എണ്ണത്തെ മറികടന്നു. എന്നിരുന്നാലും, ഏപ്രിൽ, മെയ് മാസങ്ങളിൽ ച്ചുഴളിക്കാട്ടുകളുടെ രൂപീകരണത്തില്‍ മാന്ദ്യം അനുഭവപ്പെട്ടു, ശരാശരിയിലും താഴെയായി.

7. തുർക്കി-സിറിയ ഭൂകമ്പം

2023 ഫെബ്രുവരി 6 ന്, റിക്ടർ സ്കെയിലിൽ 7.8 തീവ്രത രേഖപ്പെടുത്തിയ ഒരു ഭൂകമ്പ സംഭവം, സിറിയയുടെ വടക്കൻ അതിർത്തിക്ക് സമീപം തെക്കൻ തുർക്കിയിൽ സംഭവിച്ചു. ഈ ഭൂകമ്പത്തിന് ഏകദേശം ഒമ്പത് മണിക്കൂറിന് ശേഷം ഏകദേശം 59 മൈൽ (95 കിലോമീറ്റർ) തെക്കുപടിഞ്ഞാറായി 7.5 തീവ്രത രേഖപ്പെടുത്തിയ ഭൂകമ്പവും ഉണ്ടായി.

റിക്ടർ സ്കെയിലിൽ 7.8 തീവ്രത രേഖപ്പെടുത്തിയ പ്രാരംഭ ഭൂകമ്പം രണ്ട് പതിറ്റാണ്ടിനിപ്പുറം ഭൂകമ്പ സാധ്യതയുള്ള തുർക്കിയെ ബാധിച്ച ഏറ്റവും വലിയ ഭൂകമ്പങ്ങളില്‍ ഒന്നായിരുന്നു. അതിന്റെ ശക്തി 1939-ലെ ഭൂകമ്പത്തെ മറികടക്കാന്‍ പോന്നതായിരുന്നു. ഈ ഭൂകമ്പത്തിന്റെ പ്രഭവകേന്ദ്രം ദക്ഷിണ-മധ്യ തുർക്കിയിലെ ഗാസിയാൻടെപ്പിന് സമീപമായിരുന്നു. നിര്‍ഭാഗ്യവശാല്‍ ഈ പ്രദേശം ആയിരക്കണക്കിന് സിറിയൻ അഭയാർത്ഥികളാല്‍ നിറഞ്ഞതായത് പ്രശ്നം കൂടുതല്‍ സങ്കീര്‍ണ്ണമാക്കി.