വാസ്തുദോഷം വരിഞ്ഞുമുറുക്കും, അബദ്ധത്തില്‍പോലും വീട്ടില്‍ ഈ ദിശയില്‍ ജനല്‍ വയ്ക്കരുത്

ഓരോ വീടും ഒരു കഥ പറയുന്നു. വാസ്തു ശാസ്ത്രം അനുസരിച്ച്, ഒരു വീട് ഐശ്വര്യമായി കണക്കാക്കുന്നത് അതില്‍ സൂക്ഷിക്കുന്ന എല്ലാ സാധനങ്ങളും വാസ്തു പ്രകാരം കൃത്യമയായിരിക്കുമ്പോള്‍ മാത്രമാണ്. ഇത് ശരിയായില്ലെങ്കില്‍ വീട്ടില്‍ താമസിക്കുന്ന അംഗങ്ങള്‍ക്ക് പല പ്രശ്നങ്ങളും നേരിടേണ്ടിവരും. വാസ്തു ശാസ്ത്രത്തില്‍, എല്ലാ സ്ഥലങ്ങളുടെയും നിര്‍മ്മാണത്തെക്കുറിച്ചുള്ള നിയമങ്ങള്‍ നല്‍കിയിട്ടുണ്ട്. കാരണം ഓരോ ദിശയുടെ ഊര്‍ജ്ജവും നിങ്ങളെയും നിങ്ങളുടെ കുടുംബാംഗങ്ങളെയും ബാധിക്കുന്നു.

വീടിന്റെ ജനാലകള്‍ ഏത് ദിശയിലായിരിക്കണമെന്നും എങ്ങനെയായിരിക്കണം എന്നും വാസ്തുവില്‍ കൃത്യമായി പറഞ്ഞിട്ടുണ്ട്. വാസ്തു ശാസ്ത്ര പ്രകാരം, ശരിയായ ദിശയിലുള്ള ഒരു ജാലകം നിങ്ങളുടെ ഭാഗ്യം തുറക്കും. എന്നാല്‍ ജനല്‍ തെറ്റായ ദിശയില്‍ തുറന്നാല്‍, നിങ്ങളുടെ ഭാഗ്യം ദൗര്‍ഭാഗ്യമായി മാറിയേക്കാം. അതിനാല്‍, വീട്ടില്‍ ഒരു ജനല്‍ നിര്‍മ്മിക്കുമ്പോള്‍ അതുമായി ബന്ധപ്പെട്ട വാസ്തു നിയമങ്ങളും മനസ്സില്‍ സൂക്ഷിക്കണം. വീട്ടില്‍ ജനാലകള്‍ നിര്‍മ്മിക്കുമ്പോള്‍ ഏതൊക്കെ വാസ്തു കാര്യങ്ങളാണ് മനസ്സില്‍ സൂക്ഷിക്കേണ്ടതെന്ന് നമുക്ക് നോക്കാം.

ഈ ദിശയില്‍ ജനല്‍ പാടില്ല

വാസ്തു ശാസ്ത്ര പ്രകാരം തെക്ക് ദിശയില്‍ അബദ്ധത്തില്‍ പോലും ജനല്‍ ഉണ്ടാകരുത്. യഥാര്‍ത്ഥത്തില്‍, തെക്ക് ദിശ യമദേവന്റെ ദിശയായി കണക്കാക്കപ്പെടുന്നു. മരണത്തിന്റെ ദേവനാണ് യമദേവന്‍. അതിനാല്‍ ഈ ദിശയെ അശുഭകരമായി കണക്കാക്കുന്നു. ഈ ദിശയില്‍ ഒരു ജാലകം ഉണ്ടാക്കിയാല്‍, അത് വീട്ടിലെ അംഗങ്ങളെ ദോഷകരമായി ബാധിക്കും. കാരണം ഈ ദിശ നെഗറ്റീവ് ഊര്‍ജ്ജം നിറഞ്ഞതാണ്. എന്നാല്‍ നിങ്ങളുടെ വീടിന് ഇതിനകം തെക്ക് ദിശയില്‍ ഒരു ജനല്‍ ഉണ്ടെങ്കില്‍, സാധ്യമെങ്കില്‍ ഈ സ്ഥലത്തെ ജനാലകളില്‍ കട്ടിയുള്ള ഒരു കര്‍ട്ടന്‍ ഇടുക.

ഈ ദിശ ജനലിന് അനുകൂലം

വാസ്തു ശാസ്ത്ര പ്രകാരം, വീടിന്റെ പ്രധാന വാതിലിനരികിലായി ഒരു ജനല്‍ ഉണ്ടാക്കുന്നത് നല്ലതാണ്. പ്രധാന വാതിലിന് അരികിലായി ഒരു ജനല്‍ വയ്ക്കുന്നതിലൂടെ, വീട്ടിലെ അന്തരീക്ഷം നല്ലതായിരിക്കുകയും വീട്ടില്‍ സന്തോഷവും സമാധാനവും നിലനില്‍ക്കുകയും ചെയ്യും. വീടു പണിയുമ്പോള്‍ പ്രധാന വാതിലിന്റെ ഇരുവശങ്ങളിലും തുല്യ വലിപ്പത്തിലുള്ള ജനലുകള്‍ വേണം. പ്രധാന വാതിലിന്റെ ഇരുവശത്തും ജനാലകള്‍ ഉണ്ടാക്കുന്നതിലൂടെ, ഒരു കാന്തിക വൃത്തം സൃഷ്ടിക്കപ്പെടുന്നു. അതുവഴി പോസിറ്റീവ് എനര്‍ജി വീട്ടിലേക്ക് പ്രവേശിക്കുന്നു. ഇതുകൂടാതെ, വീട്ടിലെ മൊത്തം ജനാലകളുടെ എണ്ണം ഒരിക്കലും ഒറ്റയായിരിക്കരുത്. അത് ഇരട്ട സംഖ്യയായിരിക്കണം.

വാതിലിന് സമീപം

വാസ്തു ശാസ്ത്ര പ്രകാരം വീടിന്റെ ജനലുകള്‍ എപ്പോഴും വാതിലുകള്‍ക്ക് എതിര്‍വശത്തായിരിക്കണം. ഇങ്ങനെ ചെയ്യുന്നതിലൂടെ വീട്ടില്‍ സമാധാനവും പുരോഗതിയും ഉണ്ടാകും. വാസ്തു വിദഗ്ദരുടെ അഭിപ്രായത്തില്‍, വീടിന്റെ ഏതെങ്കിലും വാതില്‍ വാസ്തു പ്രകാരം അല്ലെങ്കില്‍, ആ വാതിലിനു എതിര്‍വശത്ത് ജനല്‍ വയ്ക്കരുത്. ഇത് ചെയ്താല്‍ നെഗറ്റീവ് സൈക്കിള്‍ പൂര്‍ത്തിയാകുകയും അതിന്റെ അനന്തരഫലങ്ങള്‍ കുടുംബാംഗങ്ങള്‍ അനുഭവിക്കേണ്ടി വരികയും ചെയ്‌തേക്കാം.

അടുക്കള

അടുക്കളയില്‍ ആവശ്യത്തിന് ഊര്‍ജ്ജ പ്രവാഹത്തിന് ഒരു ജാലകം ഉണ്ടായിരിക്കേണ്ടത് പ്രധാനമാണ്. വാസ്തു പ്രകാരം, അത് എല്ലായ്‌പ്പോഴും കിഴക്കോ വടക്കോ ദിശയിലായിരിക്കണം. തെക്ക് ദിശയില്‍ ജനല്‍ ഒരിക്കലും തുറക്കരുതെന്ന് ഓര്‍മ്മിക്കുക.

എണ്ണം പ്രധാനം

വാസ്തു ശാസ്ത്രമനുസരിച്ച്, വീട്ടിലെ ചില കാര്യങ്ങള്‍ക്ക് ഇരട്ട സംഖ്യകള്‍ വളരെ പ്രാധാന്യമര്‍ഹിക്കുന്നു. ജാലകങ്ങള്‍ നിര്‍മ്മിക്കുമ്പോള്‍, 2, 4, 6, 8 എന്നിങ്ങനെയുള്ള ജാലകങ്ങളുടെ എണ്ണം മാത്രമേ ഉണ്ടാകാവൂ എന്ന് ഓര്‍മ്മിക്കുക. ഇത് ചെയ്യുന്നതിലൂടെ, സ്‌നേഹം വീട്ടില്‍ നിലനില്‍ക്കും. അബദ്ധത്തില്‍ പോലും ഒറ്റസംഖ്യയില്‍ വീട്ടില്‍ ജനല്‍ ഉണ്ടാക്കരുത്.

ഒരേ വലിപ്പം

വീട്ടിലെ എല്ലാ ജനലുകളും എപ്പോഴും ഒരേ വലിപ്പത്തിലായിരിക്കണം. ക്രമരഹിതമായ ആകൃതിയിലുള്ള ജാലകങ്ങള്‍ ഒഴിവാക്കുക. വീതി വ്യത്യസ്തമായിരിക്കാം, പക്ഷേ ഉയരം ഒന്നുതന്നെയായിരിക്കണം.

വൃത്തി

പലപ്പോഴും വീടിന്റെ ഭംഗി കൂട്ടാന്‍ ജനലിനു നടുവില്‍ പല സാധനങ്ങളും വയ്ക്കാറുണ്ട്. വാസ്തു പ്രകാരം, അങ്ങനെ ചെയ്യുന്നത് പോസിറ്റീവ് എനര്‍ജിക്ക് തടസ്സം സൃഷ്ടിക്കുമെന്ന് വിശ്വസിക്കപ്പെടുന്നു. ജനല്‍ നില്‍ക്കുന്ന സ്ഥലം എപ്പോഴും വൃത്തിയായി സൂക്ഷിക്കുക.