വാസ്തു ടിപ്‌സ്‌: വന്ധ്യത പരിഹരിക്കാനും ഗര്‍ഭധാരണത്തിനും വാസ്തു പറയും വിദ്യകള്‍

വീട്ടിലെ ഓരോ സാധനത്തിനും ആളുകള്‍ വാസ്തു ശാസ്ത്ര നിയമങ്ങള്‍ പാലിക്കുന്നതുപോലെ, ജീവിതത്തിന്റെ ഓരോ പുതിയ വഴിത്തിരിവിലും അതുമായി ബന്ധപ്പെട്ട ചില കാര്യങ്ങള്‍ മനസ്സില്‍ സൂക്ഷിക്കേണ്ടതുണ്ട്. നിങ്ങളുടെ വീട്ടില്‍ എന്തെങ്കിലും വാസ്തുദോഷം ഉണ്ടെങ്കില്‍ അത് സന്തോഷവും ഐശ്വര്യവും നശിപ്പിക്കുമെന്ന് പറയുന്നു. അതുപോലെ, ഗര്‍ഭകാലത്തും, അമ്മയെയും കുഞ്ഞിനെയും ഒരു പ്രതികൂല ശക്തിയും ബാധിക്കാതിരിക്കാന്‍ വാസ്തുവുമായി ബന്ധപ്പെട്ട ചില നിയമങ്ങള്‍ പാലിക്കേണ്ടത് പ്രധാനമാണ്. വാസ്തവത്തില്‍, വീട്ടില്‍ എന്തെങ്കിലും വാസ്തുദോഷം ഉണ്ടെങ്കില്‍ അത് അമ്മയെ മാത്രമല്ല ഗര്‍ഭസ്ഥ ശിശുവിനെയും ബാധിക്കുമെന്ന് വിശ്വസിക്കപ്പെടുന്നു.

ഗര്‍ഭാവസ്ഥയില്‍ പ്രശ്നങ്ങളൊന്നും ഉണ്ടാകരുതെന്നും കുഞ്ഞ് ആരോഗ്യവാനായിരിക്കണമെന്നും ഒരു തരത്തിലുമുള്ള അസുഖങ്ങള്‍ വരരുതെന്നുംം എല്ലാവരും ആഗ്രഹിക്കുന്നു. അതിന് അമ്മയുടെ ആരോഗ്യം ഉള്‍പ്പെടെയുള്ള ചില കാര്യങ്ങള്‍ ശ്രദ്ധിക്കേണ്ടത് വളരെ പ്രധാനമാണ്. ഗര്‍ഭധാരണത്തെക്കുറിച്ച് വീടിന്റെ വാസ്തുവുമായി ബന്ധപ്പെട്ട ചില കാര്യങ്ങള്‍ ഉള്‍പ്പെടുത്തിയിട്ടുണ്ട്. വന്ധ്യതയെ മറികടക്കാനും ഗര്‍ഭാവസ്ഥയില്‍ ആരോഗ്യം നിലനിര്‍ത്താനുമായി പിന്തുടരാവുന്ന ചില വാസ്തു നുറുങ്ങുകളെക്കുറിച്ച് ഇവിടെ നിങ്ങള്‍ക്ക് വായിച്ചറിയാം.

വന്ധ്യതയെ മറികടക്കാന്‍ വാസ്തു

ഗര്‍ഭധാരണത്തിനും നിങ്ങളുടെ ഫെര്‍ട്ടിലിറ്റി വര്‍ദ്ധിപ്പിക്കുന്നതിനുമുള്ള വാസ്തു നുറുങ്ങുകള്‍ ഇതാ.
* സന്തോഷകരമായ കുഞ്ഞുങ്ങളുടെ ചിത്രം നിങ്ങളുടെ കിടപ്പുമുറിയില്‍ സ്ഥാപിക്കുക.
* ബീമിനടിയില്‍ ഉറങ്ങുന്നത് ഒഴിവാക്കുക.
* ജീവിതത്തില്‍ പ്രണയവും നിങ്ങളുടെ ഫെര്‍ട്ടിലിറ്റിയും വര്‍ദ്ധിപ്പിക്കുന്നതിനാല്‍ തെക്കുപടിഞ്ഞാറന്‍ ദിശയിലുള്ള മാസ്റ്റര്‍ ബെഡ്റൂം തിരഞ്ഞെടുക്കുക.

തെക്ക് ദിശയില്‍ തല

* കിടക്കുമ്പോള്‍ തല തെക്ക് ദിശയില്‍ വയ്ക്കുക
* നിങ്ങളുടെ കിടപ്പുമുറിയില്‍ കുഞ്ഞുങ്ങളോടൊപ്പം ചിരിക്കുന്ന ബുദ്ധന്റെ ചിത്രവും സൂക്ഷിക്കുക.
* നിങ്ങളുടെ വീട്ടുമുറ്റത്തും പൂന്തോട്ടത്തിലും തെക്ക്-പടിഞ്ഞാറ് ദിശയില്‍ കുറച്ച് ഫലവൃക്ഷം വളര്‍ത്തുക.
* നിങ്ങള്‍ ഗര്‍ഭം ധരിക്കാന്‍ ശ്രമിക്കുമ്പോള്‍, നിങ്ങളുടെ വീട്ടില്‍ നിര്‍മ്മാണമോ അല്ലെങ്കില്‍ നവീകരണ ജോലികളോ ഒഴിവാക്കുക.

ആനയുടെ ചിത്രങ്ങള്‍ വയ്ക്കുക

* നിങ്ങളുടെ വീടിന്റെ പ്രധാന പ്രവേശന കവാടം പതിവായി വൃത്തിയാക്കുക.
* ആനകള്‍ ഗര്‍ഭാവസ്ഥയുമായി ബന്ധപ്പെട്ടിരിക്കുന്നതിനാല്‍ നിങ്ങളുടെ കിടപ്പുമുറിയില്‍ ഒരു ജോടി ആനയുടെ ചിത്രങ്ങള്‍ വയ്ക്കുക.
* കട്ടിലിനടിയില്‍ സാധനങ്ങള്‍ സൂക്ഷിക്കാതിരിക്കുക.
* നിങ്ങളുടെ കിടപ്പുമുറിയില്‍ പോസിറ്റീവ് എനര്‍ജി വര്‍ദ്ധിപ്പിക്കുന്നതിന് പൂക്കള്‍ വയ്ക്കുക.

മാതളനാരങ്ങയുടെ ചിത്രം

* നിങ്ങളുടെ കിടപ്പുമുറിയില്‍ മാതളനാരങ്ങയുടെ ചിത്രം സ്ഥാപിക്കുന്നത് ഫെര്‍ട്ടിലിറ്റി ഭാഗ്യം വര്‍ദ്ധിപ്പിക്കുക.
* നിങ്ങളുടെ കിടപ്പുമുറിയില്‍ ജലാശയങ്ങളുടെ ചിത്രം സ്ഥാപിക്കാതിരിക്കുക.
* കിടപ്പുമുറിയില്‍ സസ്യങ്ങളും ചെടികളും ഒഴിവാക്കുക
* പടിഞ്ഞാറ് ദിശയില്‍ ഒരു ക്രിസ്റ്റല്‍ തൂക്കിയിടുക

ഭര്‍ത്താവിന്റെ ഇടതുവശത്ത് ഉറങ്ങുക

* കിടപ്പുമുറിയില്‍ ഇളം നിറം ഉപയോഗിക്കുക.
* വീട്ടില്‍ തെക്കുകിഴക്ക് ദിശയിലാണ് കിടപ്പുമുറിയെങ്കില്‍ അത് തെക്കുപടിഞ്ഞാറോ വടക്കുപടിഞ്ഞാറോ ഭാഗത്തേക്ക് മാറ്റുക.
* കിടപ്പുമുറിയില്‍ കരയുന്ന പെണ്‍കുട്ടി, അക്രമം, വന്യമൃഗങ്ങള്‍ എന്നിവയുടെ പെയിന്റിംഗ് ഒഴിവാക്കുക.
* എല്ലായ്‌പ്പോഴും ഭര്‍ത്താവിന്റെ ഇടതുവശത്ത് ഉറങ്ങുക, കട്ടിലില്‍ നിന്ന് ഇറങ്ങുമ്പോള്‍ ആദ്യം ഭൂമിയില്‍ വലതു കാല്‍ വയ്ക്കുക.

ഗര്‍ഭിണികളുടെ വസ്ത്രം

* കിടപ്പുമുറിയില്‍ നിന്ന് കണ്ണാടി നീക്കംചെയ്യുക.
* ഗര്‍ഭാവസ്ഥയില്‍ ഇരുണ്ടതും തിളക്കമുള്ളതുമായ നിറങ്ങള്‍ ധരിക്കുന്നത് ഒഴിവാക്കുക. കറുപ്പ്, കടും ചുവപ്പ്, ഓറഞ്ച് തുടങ്ങിയ നിറങ്ങള്‍ ഒഴിവാക്കുക. അത്തരം നിറങ്ങള്‍ ചന്ദ്ര, സൗരോര്‍ജ്ജ പ്രവാഹങ്ങളെ സൂചിപ്പിക്കുന്നു.
* ഗര്‍ഭിണികള്‍ പച്ച, നീല, വെള്ള, മഞ്ഞ എന്നിവയുള്‍പ്പെടെ സൂക്ഷ്മവും ഇളം നിറങ്ങളും മാത്രമേ ധരിക്കാവൂ.

പുസ്തകങ്ങള്‍ വായിക്കുക

* ഗര്‍ഭിണികള്‍ ഇരുണ്ട മുറികളില്‍ ഇരിക്കരുത്, നിങ്ങള്‍ ഇരിക്കുന്ന മുറികളില്‍ ആവശ്യത്തിന് വെളിച്ചം വേണം.
* വിശുദ്ധ ഗ്രന്ഥങ്ങള്‍ ഉള്‍പ്പെടെയുള്ള സ്വാധീനം ചെലുത്തുന്നതും പ്രചോദനാത്മകവുമായ പുസ്തകങ്ങള്‍ വായിക്കാന്‍ ശ്രമിക്കുക.

ഉണ്ണിക്കണ്ണന്റെ ചിത്രം

കുട്ടിയുണ്ടാകാന്‍ ആഗ്രഹിക്കുന്നവര്‍ കിടപ്പുമുറിയില്‍ ശ്രീകൃഷ്ണന്റെ ചിത്രമോ വിഗ്രഹമോ സൂക്ഷിക്കണം. ശ്രീകൃഷ്ണന്‍ കുട്ടിക്കാലത്ത് വളരെ വികൃതിയായിരുന്നു. എല്ലാ അമ്മമാരും ആഗ്രഹിക്കുന്നത് ശ്രീകൃഷ്ണനെപ്പോലെ ഒരു കുഞ്ഞിനെയാണ്. അത്തരമൊരു സാഹചര്യത്തില്‍ കിടപ്പുമുറിയില്‍ ഒരു ഉണ്ണിക്കണ്ണന്റെ ചിത്രം വീട്ടില്‍ തൂക്കിയിടുന്നത് വളരെ ശുഭകരമാണ്.