ദിവസവും ഒരു മണിക്കൂര്‍ കരയുന്ന വധു, വരനു നേരെ തക്കാളിയേറ്; വിചിത്രം ഈ വിവാഹ ആചാരങ്ങള്‍

ലോകത്തിലെ വിവിധ രാജ്യങ്ങളിലും വിവിധ വിഭാഗങ്ങളിലും വിവാഹത്തെ സംബന്ധിച്ച ചിന്താഗതിയും ആചാരങ്ങളും വ്യത്യസ്തമാണ്. ആചാരങ്ങളും രീതികളും അനുഷ്ഠാനങ്ങളും എന്തുമാകട്ടെ, വിവാഹത്തിന് ജീവിതത്തിൽ വലിയ പ്രാധാന്യമുണ്ട്. വിവാഹങ്ങളിൽ ആളുകൾ പിന്തുടരുന്ന ആചാരങ്ങൾ ചില ആളുകൾക്ക് തികച്ചും വിചിത്രമായേക്കാം. ലോകത്ത് നടക്കുന്ന ഇത്തരം ചില വിവാഹ ചടങ്ങുകളിലെ വിചിത്ര രീതികളെ കുറിച്ചും അവയ്ക്ക് പിന്നിലെ വിശ്വാസങ്ങളെയും കാരണങ്ങളെയും കുറിച്ച് ഇവിടെ വായിക്കാം.

മരം മുറിക്കുന്ന വധൂവരന്മാര്‍ :

ജർമ്മനിയിൽ, വിവാഹശേഷം, വധുവും വരനും മരം മുറിക്കുന്ന ഒരു വിചിത്രമായ ആചാരമുണ്ട്. ഇതിന്‍പ്രകാരം, നവദമ്പതികൾ ഒരുമിച്ച് തടി രണ്ടായി മുറിക്കുന്നു. ഇരുവരും തമ്മിലുള്ള ബന്ധത്തിന്റെ ദൃഢതയാണ് ഈ ആചാരത്തിലൂടെ അളക്കുന്നത്. ഇതുകൂടാതെ, വിവാഹശേഷം, വധുവും വരനും അതിഥികളും ചേർന്ന് പോർസലൈൻ പാത്രങ്ങൾ പൊട്ടിക്കണം, അതിനുശേഷം അടുത്ത ദിവസം നവദമ്പതികളോടൊപ്പം ഒരുമിച്ച് വൃത്തിയാക്കണം. ജീവിതം രസകരവും മനോഹരവുമാക്കുന്നതിനാണ് ഇത് ചെയ്യുന്നത്.

അപ്രത്യക്ഷരാകുന്ന വധൂവരന്മാര്‍ :

വെനസ്വേലയിൽ, വിവാഹശേഷം വധുവും വരനും അപ്രത്യക്ഷരാകുന്ന ഒരു രീതിയുണ്ട്. ഇവിടെ പുതുതായി വിവാഹിതരായ ദമ്പതികൾ അതിഥികളോട് വിട പറയാതെ ചടങ്ങിൽ നിന്ന് നിശബ്ദമായി മാറി നില്‍ക്കുന്നു. ഈ ആചാരം നവദമ്പതികളുടെ ജീവിതത്തിൽ ഭാഗ്യം കൊണ്ടുവരുമെന്ന് വെനസ്വേലക്കാര്‍ വിശ്വസിക്കുന്നു.

വരന്റെ നേരെ തക്കാളിയേറ് :

എല്ലാ വർഷവും സ്പെയിനിൽ, തക്കാളി ഉത്സവത്തോടനുബന്ധിച്ച് ആളുകൾ പരസ്പരം തക്കാളി എറിഞ്ഞ് ആഘോഷിക്കുന്ന ചടങ്ങുണ്ട്, അതിനു സമാനമായി ഉത്തർപ്രദേശിലെ സർസൗൾ നഗരത്തിലും സമാനമായ ഒരു ചടങ്ങുണ്ട്. ഇവിടെ വിവാഹസമയത്ത് പെൺകുട്ടിയുടെ വീട്ടുകാർ തക്കാളി എറിഞ്ഞ് വരന്റെ വീട്ടുകാരെയാണ് സ്വീകരിക്കുന്നത്. ഈ വിചിത്രമായ ആചാരത്തിലൂടെ നവദമ്പതികൾ തമ്മിലുള്ള ബന്ധം ആഴമേറിയതും സന്തോഷകരവും സ്നേഹപൂർണവുമാകുമെന്ന് വിശ്വസിക്കപ്പെടുന്നു.

കറുത്ത മഷി, മുട്ട, കേടായ ഭക്ഷണം :

സ്കോട്ട്ലൻഡിൽ, വിവാഹത്തിന് മുമ്പ്, വധുവും വരനും വധുവരന്മാർക്ക് നേരെ മുട്ട, കറുത്ത മഷി, ചീഞ്ഞ ഭക്ഷണം, മാവ്, മാലിന്യങ്ങൾ എന്നിവ എറിയുന്ന കറുപ്പ് എന്ന ചടങ്ങ് നടത്തത്തുന്ന ചടങ്ങുണ്ട്. വിവാഹമെന്നത് സുന്ദരമായ ഒരു അനുഭൂതി മാത്രമല്ല, അത് ഒരുപാട് ബുദ്ധിമുട്ടുകൾ നിറഞ്ഞതാണെന്ന സന്ദേശമാണ് ഈ ആചാരത്തിലൂടെ നൽകുന്നത്.

വധുവിനൊപ്പം നൃത്തം ചെയ്യാൻ പണം :

ക്യൂബയിൽ, വധുവിനൊപ്പം നൃത്തം ചെയ്യുന്ന എല്ലാവരും അവളുടെ വസ്ത്രത്തിൽ പണം ഒട്ടിക്കണം. വിവാഹത്തിനും മധുവിധുവിനും പണം ശേഖരിക്കാൻ ദമ്പതികളെ സഹായിക്കാനാണ് ഈ ആചാരം നടത്തുന്നത്.

വാതിലില്‍ മുട്ടുക

ഇത് ഫ്രാന്‍സിന്റെ വളരെ പഴയ പാരമ്പര്യമാണ്. വിവാഹ രാത്രിയില്‍ സുഹൃത്തുക്കളും ബന്ധുക്കളും പാത്രങ്ങള്‍ ഉപയോഗിച്ച് ദമ്പതികളുടെ വാതില്‍ അടിക്കുന്നു, ദമ്പതികള്‍ പുറത്തിറങ്ങി അവര്‍ക്ക് പാനീയങ്ങളും ലഘുഭക്ഷണങ്ങളും നല്‍കണം.

ദമ്പതികളെ കറുപ്പിക്കുക

സ്‌കോട്ട്‌ലന്‍ഡില്‍ എല്ലാത്തരം മാലിന്യങ്ങളും എല്ലാത്തരം മോശമായ വസ്തുക്കളും ദമ്പതികള്‍ക്ക് നേരെ എറിയുന്നു. ജീവിതത്തിലെ ഏറ്റവും മോശം സാഹചര്യങ്ങളെ നേരിടാന്‍ ദമ്പതികള്‍ തയ്യാറെടുക്കുന്നതിനാണ് ഈ ആചാരം നടത്തുന്നത്.

കരച്ചില്‍

ചൈനയില്‍ വിവാഹത്തിന് ഒരു മാസം മുമ്പ് വധു ദിവസവും ഒരു മണിക്കൂര്‍ കരയണം. പെണ്‍കുട്ടിയോടൊപ്പം മറ്റ് കുടുംബാംഗങ്ങളും കരയുന്നു.

സ്‌നേഹത്തിന്റെ സ്പൂണ്‍

വെയില്‍സിലാണ് ഈ ആചാരം നടക്കുന്നത്. ഇതില്‍ വരന്‍ തന്റെ നവ വധുവിന് ഒരു ലവ്സ്പൂണ്‍ നല്‍കുന്നു. താന്‍ ഒരിക്കലും അവളെ ഒഴിഞ്ഞ വയറില്‍ ഉറങ്ങാന്‍ അനുവദിക്കില്ലെന്നും അവളുടെ എല്ലാ ആവശ്യങ്ങളും നിറവേറ്റുമെന്നും പെണ്‍കുട്ടിക്ക് ഉറപ്പ് നല്‍കുന്നു.