പൂര്‍വ്വജന്‍മ രഹസ്യം അത്യത്ഭുതം; കഴിഞ്ഞ ജന്മത്തില്‍ നിങ്ങള്‍ ആരായിരുന്നു? ഇങ്ങനെ അറിയാം

ഭൂമിയില്‍ ജനിച്ചവന്‍ ഒരു നാള്‍ മരിക്കണം എന്നാണ് നിയമം. എന്നാല്‍, ആത്മാവ് ഒരു ശരീരം വിട്ട് മറ്റൊന്നിലേക്ക് പ്രവേശിക്കുന്നു എന്നും വിശ്വസിക്കുന്നു. മുഷിയുമ്പോള്‍ വസ്ത്രം മാറുന്നതുപോലെ തന്നെ, സമയം കഴിയുമ്പോള്‍ ആത്മാവ് ഒരു ശരീരം വിട്ട് മറ്റൊരു ശരീരം സ്വീകരിക്കുന്നു. ശരീരം നശ്വരമാണ്, ആത്മാവ് അനശ്വരവും. ഇങ്ങനെയാണ് ഒരു ജന്മത്തില്‍ നിന്ന് മറ്റൊന്നിലേക്കുള്ള ചക്രം തുടരുന്നത്. പലരും പൂര്‍വ്വ ജന്മവുമായി ബന്ധപ്പെട്ട കാര്യങ്ങളില്‍ വിശ്വസിക്കുന്നില്ല. എന്നാല്‍ ചിലര്‍ പൂര്‍വ്വ ജന്മത്തില്‍ വിശ്വസിക്കുന്നു.

നമ്മുടെ വേദങ്ങളിലും പുരാണങ്ങളിലും പുനര്‍ ജന്മത്തെക്കുറിച്ച് പലയിടത്തും പരാമര്‍ശമുണ്ട്. ഇത്തരം കാര്യങ്ങള്‍ പറയുമ്പോഴെല്ലാം, മുന്‍ ജന്മത്തില്‍ എന്തായിരുന്നു എന്നൊരു ചോദ്യമോ ജിജ്ഞാസയോ ഓരോ മനുഷ്യന്റെയും മനസ്സില്‍ തീര്‍ച്ചയായും ഉയരും. മുന്‍ ജന്മവുമായി ബന്ധപ്പെട്ട രഹസ്യങ്ങളെക്കുറിച്ച് അറിയണമെങ്കില്‍, നിങ്ങള്‍ ഒരു വ്യക്തിയുടെ സ്വഭാവങ്ങളും ശീലങ്ങളും ശ്രദ്ധിക്കേണ്ടതുണ്ട്. ഒരു വ്യക്തിയുടെ മുന്‍ ജന്മത്തിലെ ശീലങ്ങള്‍ അടുത്ത ജന്മത്തിലും തുടരുമെന്ന് വിശ്വസിക്കപ്പെടുന്നു. പൂര്‍വ്വ ജന്മവുമായി ബന്ധപ്പെട്ട ചില രഹസ്യങ്ങള്‍ ഇതാ.

പ്രിയപ്പെട്ടവരെ ഓര്‍ത്ത് ജീവിതം അവസാനിക്കുന്നു
ഏതൊരു വ്യക്തിയുടെയും ജനനം സാധാരണയായി സ്വന്തം വീട്ടിലും കുടുംബത്തിലും തന്നെ സംഭവിക്കുന്നു. അവസാന കാലത്ത് തന്റെ പ്രിയപ്പെട്ടവരെക്കുറിച്ച് ഓര്‍ത്താണ് മനുഷ്യന്‍ ഏറ്റവും കൂടുതല്‍ ആകുലപ്പെടുന്നത്. ഒരു വ്യക്തിയുടെ മരണം അടുത്തിരിക്കുമ്പോള്‍, അവസാനം അവര്‍ ഓര്‍ക്കുന്നതെന്താണോ അതായിരിക്കും അടുത്ത ജന്‍മത്തില്‍ നടക്കുന്നതിന് മുന്‍ഗണന എന്ന് പറയുന്നു.

അതുപ്രകാരം അടുത്ത ജന്മത്തില്‍ ഒരു വിധത്തില്‍ അല്ലെങ്കില്‍ മറ്റൊരു വിധത്തില്‍ ഒരേ കുടുംബത്തില്‍ തന്നെ അവര്‍ ജനിക്കുന്നു. ഏതൊരു വ്യക്തിയുടെയും മുന്‍ ജന്മത്തിലെ പ്രധാന ശീലങ്ങള്‍ അതേപടി നിലനില്‍ക്കും. ഒരു വ്യക്തിയുടെ മരണസമയത്ത് ഏതെങ്കിലും ആഗ്രഹം പൂര്‍ത്തീകരിക്കപ്പെടാതെ കിടക്കുന്നുണ്ടെങ്കില്‍, അവര്‍ പുരന്‍ ജനിച്ചത് നടക്കാത്ത ആഗ്രഹം നിറവേറ്റാനാണെന്ന് പറയപ്പെടുന്നു.

ശരീരത്തിലെ അടയാളങ്ങള്‍
ചിലപ്പോള്‍ ഒരു വ്യക്തിയുടെ ശരീരത്തിലെ അടയാളങ്ങളും മറ്റും നോക്കി മുന്‍ ജന്മത്തില്‍ എന്തായിരുന്നുവെന്ന് തിരിച്ചറിയാനാകും. അടുത്ത ജന്മത്തിലും ചിലരുടെ ശരീരത്തില്‍ കഴിഞ്ഞ ജന്‍മത്തില്‍ ഉണ്ടായിരുന്ന അതേ പാടുകള്‍ അവശേഷിക്കുന്നു. അതുപോലെ, ചിലര്‍ കുട്ടിക്കാലം മുതല്‍ ഈശ്വരഭക്തിയില്‍ മുഴുകിയിരിക്കുന്നതായി കാണുന്നു.

അല്ലെങ്കില്‍ വളരെ ചെറുപ്പത്തില്‍ തന്നെ അവര്‍ക്ക് വളരെ ബുദ്ധിമുട്ടുള്ള മന്ത്രങ്ങള്‍ പോലും എളുപ്പത്തില്‍ ജപിക്കാന്‍ കഴിയും. വാസ്തവത്തില്‍, ഇതെല്ലാം അവരുടെ മുന്‍ ജന്മത്തിന്റെ അടയാളങ്ങളും ലക്ഷണങ്ങളും ആണെന്ന് വിശ്വസിക്കപ്പെടുന്നു. അതുപോലെ, മൃഗങ്ങളുടെ ശീലങ്ങളും ചില ആളുകളില്‍ കാണപ്പെടുന്നു. ഉദാഹരണത്തിന്, ഒരാള്‍ ഒട്ടകത്തെപ്പോലെ കഴുത്ത് വളരെ ഉയര്‍ത്തി നടക്കുന്നതുപോലെ.

പൂര്‍വ്വജന്‍മ ദോഷങ്ങള്‍
ചിലപ്പോള്‍ ചിലര്‍ക്ക് പൂര്‍വ്വജന്മം മൂലം പ്രശ്‌നങ്ങളും ഉണ്ടാകാറുണ്ട്. പൂര്‍വ്വജന്മ കര്‍മ്മങ്ങള്‍ ചിലരെ ഈ ജന്‍മത്തില്‍ കഷ്ടപ്പെടുത്തും. അവര്‍ പരമശിവനെ ആരാധിക്കണം. പ്രപഞ്ചത്തിലെ ആദ്യ ഗുരുവും ദേവന്മാരുടെയും മഹാകാളിയുടെയും ദൈവമാണ് ശിവന്‍. കഴിഞ്ഞ ജന്മത്തിലെ പാപങ്ങളില്‍ നിന്ന് മുക്തി നേടുന്നതിന്, ശിവനെ ആരാധിക്കുന്നതോടൊപ്പം ശിവമന്ത്രങ്ങളും ജപിക്കണം. ഇതുകൂടാതെ, മുന്‍ ജന്മത്തിലെ കര്‍മ്മങ്ങളില്‍ നിന്ന് മോചനം ലഭിക്കുന്നതിന്, ശ്രീമദ് ഭഗവത് ഗീത പാരായണം ചെയ്യുകയും ജീവകാരുണ്യ പ്രവര്‍ത്തനങ്ങളില്‍ ഏര്‍പ്പെടുകയും വേണം.

മുന്‍ജന്‍മ ഫലം
ജ്യോതിഷ വിശ്വാസമനുസരിച്ച്, ഒരു മനുഷ്യന്റെ ഇന്നത്തെ ജീവിതത്തില്‍ നല്ലതോ ചീത്തയോ സ്വമേധയാ സംഭവിക്കുന്നതെന്തും, അത് മുന്‍ ജന്മത്തിന്റെ ഭാഗമായി കണക്കാക്കപ്പെടുന്നു. കഴിഞ്ഞ ജന്മത്തിലെ പുണ്യങ്ങള്‍ ഈ ജന്മത്തില്‍ നിങ്ങള്‍ക്ക് സുഖം നല്‍കും. മുന്‍ ജന്മത്തിലെ പാപങ്ങള്‍ ഈ ജന്മത്തില്‍ നിങ്ങള്‍ക്ക് കഷ്ടതകള്‍ സമ്മാനിക്കും. ഈ ജന്മത്തില്‍ നാം ചെയ്യുന്ന നല്ലതോ ചീത്തയോ ആയ കാര്യങ്ങളുടെ അനന്തരഫലങ്ങള്‍ അടുത്ത ജന്മത്തില്‍ അനുഭവിക്കേണ്ടിവരും.

ഗ്രഹനില പ്രകാരം മുന്‍ജന്‍മം മനസിലാക്കാം
* ജ്യോതിഷ പ്രകാരം, ജന്മരാശിയിലോ സ്വന്തം രാശിയിലോ ബുധന്റെയോ ചന്ദ്രന്റെയോ ഉയര്‍ന്ന സ്ഥാനമുണ്ടെങ്കില്‍, അത് അവരുടെ മുന്‍ ജന്മത്തില്‍ ഒരു സദ്ഗുണസമ്പന്നനായ വ്യവസായി ആയിരുന്നതിന്റെ സൂചനയാണ്.
* ഒരു വ്യക്തിയുടെ ജാതകത്തിന്റെ ലഗ്‌നത്തില്‍ ചൊവ്വ ഉയര്‍ന്ന രാശിയിലോ സ്വന്തം രാശിയിലോ സ്ഥിതി ചെയ്യുന്നുവെങ്കില്‍, അതിനര്‍ത്ഥം അവര്‍ മുന്‍ ജന്മത്തില്‍ ഒരു യോദ്ധാവായിരുന്നു എന്നാണ്. ചൊവ്വ 6, 7, 10 എന്നീ ഭാവങ്ങളില്‍ നിന്നാല്‍, ആ വ്യക്തിക്ക് മുന്‍ ജന്മത്തില്‍ വളരെ ദേഷ്യം ഉണ്ടായിരുന്നതായി വിശ്വസിക്കപ്പെടുന്നു.

ഗ്രഹനില പ്രകാരം മുന്‍ജന്‍മം മനസിലാക്കാം
* ഒരു വ്യക്തിയുടെ ജാതകത്തില്‍ നാലോ അതിലധികമോ ഗ്രഹങ്ങള്‍ ഉയര്‍ന്ന രാശിയിലോ സ്വന്തം രാശിയിലോ ആണെങ്കില്‍, ആ വ്യക്തി കഴിഞ്ഞ ജന്‍മത്തില്‍ നല്ലരീതിയില്‍ ജീവിച്ചതിനു ശേഷമാണ് ഈ ജന്‍മത്തില്‍ എത്തിയതെന്ന് വിശ്വസിക്കപ്പെടുന്നു.
* ഒരു വ്യക്തിയുടെ ജാതകത്തില്‍ നാലോ അതിലധികമോ ഗ്രഹങ്ങള്‍ ബലഹീനമായ രാശികളിലാണെങ്കില്‍, ആ വ്യക്തി മുന്‍ ജന്മത്തില്‍ ആത്മഹത്യ ചെയ്തിരിക്കണം എന്ന് വിശ്വസിക്കപ്പെടുന്നു.

ഗ്രഹനില പ്രകാരം മുന്‍ജന്‍മം മനസിലാക്കാം
ജാതകത്തില്‍ ലഗ്‌നമായ വ്യാഴം ഉണ്ടെങ്കില്‍, അവര്‍ മുന്‍ ജന്‍മത്തില്‍ വളരെ ആത്മീയ സ്വഭാവമുള്ളവരായിരുന്നുവെന്ന് വിശ്വസിക്കപ്പെടുന്നു. ജാതകത്തില്‍ എവിടെയെങ്കിലും ഉയര്‍ച്ചയുടെ അധിപന്‍ ലഗ്‌നഭാവത്തില്‍ നില്‍ക്കുന്നുണ്ടെങ്കില്‍, ആ വ്യക്തി തന്റെ മുന്‍ ജന്മത്തില്‍ ഭക്തനും സദ്ഗുണസമ്പന്നനും വിവേകിയുമായ സന്യാസി ആയിരുന്നുവെന്ന് വിശ്വസിക്കപ്പെടുന്നു. ഗുരു ശുഭഗ്രഹങ്ങളുടെ ദൃഷ്ടിയിലായാലും അഞ്ചാം ഭാവത്തിലോ ഒമ്പതാം ഭാവത്തിലോ ആണെങ്കിലും, അവര്‍ മുന്‍ ജന്‍മത്തില്‍ സന്യാസിയായി കണക്കാക്കപ്പെടുന്നു.

ഗ്രഹനില പ്രകാരം മുന്‍ജന്‍മം മനസിലാക്കാം
* ജാതകത്തില്‍ സൂര്യന്‍ ആറാം ഭാവത്തിലോ എട്ടാം ഭാവത്തിലോ പന്ത്രണ്ടാം ഭാവത്തിലോ തുലാം രാശിയിലോ ആണെങ്കില്‍ ആ വ്യക്തി മുന്‍ ജന്മത്തില്‍ ദുഷിച്ച ജീവിതം നയിച്ചിട്ടാണ് ഇപ്പോള്‍ ജനിച്ചതെന്നാണ് വിശ്വാസം.
* ജാതകത്തില്‍ ലഗ്‌നത്തിലോ ഏഴാം ഭാവത്തിലോ ശുക്രന്‍ ഉണ്ടെങ്കില്‍, അവര്‍ തന്റെ മുന്‍ ജന്മത്തില്‍ ജീവിതത്തിന്റെ എല്ലാ സുഖങ്ങളും അനുഭവിച്ച ഒരു രാജാവ് ആണെന്ന് വിശ്വസിക്കപ്പെടുന്നു.

ഗ്രഹനില പ്രകാരം മുന്‍ജന്‍മം മനസിലാക്കാം
* ഒരു വ്യക്തിയുടെ ജാതകത്തില്‍ ശനി ലഗ്‌നത്തിലോ പതിനൊന്നിലോ ഏഴിലോ നാലാം ഭാവത്തിലോ ആണെങ്കില്‍, ആ വ്യക്തി തന്റെ മുന്‍ ജന്മത്തില്‍ പാപപ്രവൃത്തികളില്‍ ഏര്‍പ്പെട്ടിരുന്നതായി വിശ്വസിക്കപ്പെടുന്നു.
* ജാതകത്തില്‍ ലഗ്‌നത്തിലോ ഏഴാം ഭാവത്തിലോ രാഹു ഉണ്ടെങ്കില്‍, അവരുടെ മുന്‍ ജന്‍മത്തിലെ മരണം സ്വാഭാവികമായിരിക്കില്ലെന്നാണ് വിശ്വാസം.

* ഒരു വ്യക്തിയുടെ ജാതകത്തില്‍ പതിനൊന്നാം ഭാവത്തില്‍ സൂര്യനും അഞ്ചില്‍ ഗുരുവും പന്ത്രണ്ടാം ഭാവത്തില്‍ ശുക്രനും ഉണ്ടെങ്കില്‍, ആ വ്യക്തി ആത്മീയ സ്വഭാവമുള്ളയാളാണെന്നും മുന്‍ ജന്മത്തില്‍ മറ്റുള്ളവരെ സഹായിച്ചിരുന്നുവെന്നും വിശ്വസിക്കപ്പെടുന്നു.