Republic Day 2026 Live: 77-ാമത് റിപ്പബ്ലിക് ദിനം ആഘോഷിച്ച് രാജ്യം: റിപ്പബ്ലിക് ദിന പരേഡില്‍ തിളങ്ങി കേരളം

നമ്മുടെ രാജ്യം 77ാ-മത് റിപ്പബ്ലിക് ദിന ആഘോഷങ്ങള്‍ക്ക് ഡല്‍ഹി രാജ്പഥില്‍ തുടക്കം കുറിച്ചു. രാജ്യത്തിന്റെ ഏകത്വത്തിന്റേയും നാനാത്വത്തിന്റേയും ആണിക്കല്ലായ ഭരണ ഘടന നിലവില്‍ വന്നതിന്റെ ഓര്‍മ്മ പുതുക്കലാണ് ഈ ദിനത്തിന് മാറ്റ് കൂട്ടുന്നത്. രാജ്യമെമ്പാടുമുള്ള ജനങ്ങള്‍ ഈ ആഘോഷത്തിന്റെ ഭാഗമാവുന്നു. റിപ്പബ്ലിക് ദിന ആഘോഷങ്ങളുടെ തലേന്ന് രാഷ്ട്രപതി ദ്രൗപതി മുര്‍മു രാജ്യത്തെ അഭിസംബോധന ചെയ്ത് സംസാരിച്ചു. പ്രധാനമന്ത്രി നരേന്ദ്ര മോദി രാജ്യമെമ്പാടുമുള്ള ഇന്ത്യന്‍ പൗരന്‍മാര്‍ക്ക് റിപ്പബ്ലിക് ദിന ആശംസകള്‍ നേര്‍ന്നു.

രാഷ്ട്രപതിയുടെ സന്ദേശം
സമാധാനം, സ്വാശ്രയത്വം, വളര്‍ച്ച എന്നിവയെക്കുറിച്ചാണ് ഇന്ത്യന്‍ പ്രസിഡന്റ് ദ്രൗപതി മുര്‍മു സംസാരിച്ചത്. ഇന്ത്യ ലോക സമാധാനത്തിന്റെ സന്ദേശം പ്രചരിപ്പിക്കുന്നു എന്നും ദ്രൗപതി മുര്‍മു രാജ്യത്തെ അഭിസംബോധന ചെയ്ത് സംസാരിച്ചു. ഇന്ത്യയുടെ സമ്പദ് വ്യവസ്ഥ ശക്തിപ്പെടുത്തുന്നത് വഴി അത് രാജ്യത്തിന്റെ വളര്‍ച്ചയിലേക്ക് നയിക്കും എന്നും രാഷ്ട്രപതി കൂട്ടിച്ചേര്‍ത്തു.

ഡൽഹിയിലെ ദേശീയ യുദ്ധ സ്മാരകത്തിൽ വീരമൃത്യു വരിച്ച സൈനികർക്ക് ആദരാഞ്ജലി അർപ്പിക്കുന്നതിൽ പ്രധാനമന്ത്രി നരേന്ദ്ര മോദി രാജ്യത്തെ നയിക്കുന്നു.

സംസ്ഥാനത്തും വിപുലമായ രീതിയില്‍ തന്നെ റിപ്പബ്ലിക് ദിന ആഘോഷങ്ങള്‍ നടന്നു. തിരുവനന്തപുരം സെന്‍ട്രല്‍ സ്റ്റേഡിയത്തില്‍ ഗവര്‍ണര്‍ രാജേന്ദ്ര ആര്‍ലേക്കര്‍ ദേശീയ പതാക ഉയര്‍ത്തി. മുഖ്യമന്ത്രി പിണറായി വിജയന്‍, മന്ത്രിമാരായ വി ശിവന്‍ കുട്ടി, ജി ആര്‍ അനില്‍ വിവിധ എം എല്‍ എമാര്‍ തുടങ്ങിയവര്‍ പങ്കെടുത്തു

പ്രധാനമന്ത്രിയുടെ റിപ്പബ്ലിക് ദിന സന്ദേശം
ഇന്ത്യന്‍ പ്രധാനമന്ത്രി നരേന്ദ്ര മോദി 'എന്റെ എല്ലാ പൗരന്മാര്‍ക്കും ഹൃദയംഗമമായ റിപ്പബ്ലിക് ദിനാശംസകള്‍ നേരുന്നു. നമ്മുടെ രാജ്യത്തിന്റെ അഭിമാന ദിനമായ ഇന്ന് നിങ്ങളുടെ ജീവിതത്തില്‍ പുതിയ ഊര്‍ജ്ജവും ഉത്സാഹവും നിറയട്ടെ എന്നും വികസിത ഇന്ത്യയ്ക്കുള്ള ദൃഢനിശ്ചയം കൂടുതല്‍ ശക്തമാകട്ടെ, അതാണ് എന്റെ ഹൃദയംഗമമായ ആഗ്രഹം.' എന്നും എക്‌സില്‍ പങ്കു വെച്ചു.

റിപ്പബ്ലിക് ദിന പരേഡ് രാവിലെ 10:30 ന് ആരംഭിച്ചു
ഔദ്യോഗിക പ്രസ്താവന പ്രകാരം, റിപ്പബ്ലിക് ദിന ചടങ്ങ് ഇന്ത്യന്‍ സമയം രാവിലെ 10:30 ന് ആരംഭിക്കും. ഏകദേശം 90 മിനിറ്റ് നീണ്ടുനില്‍ക്കുകയും ചെയ്യുമെന്നാണ് ഔദ്യോഗിക വൃത്തങ്ങള്‍ അറിയിക്കുന്നത്. ഈ ദിനത്തിലെ ഏറ്റവും വലിയ പ്രത്യേകത എന്നത് രാജ്യത്തെ സമന്വയിപ്പിക്കുന്ന വിവിധ പരേഡുകളും മറ്റും റിപ്പബ്ലിക് ദിനത്തിന്റെ ഭാഗമാവുന്നു എന്നതാണ്. ഈ വര്‍ഷം ഇന്ത്യയുടെ റിപ്പബ്ലിക് ദിനാഘോഷങ്ങളില്‍ യൂറോപ്യന്‍ യൂണിയനിലെ മുതിര്‍ന്ന നേതാക്കള്‍ പങ്കെടുക്കുന്നുണ്ട്.

ഇന്ത്യന്‍ രാഷ്ട്രപതി ശ്രീമതി ദ്രൗപതി മുര്‍മു നയിക്കുന്ന ചടങ്ങില്‍ പ്രധാനമന്ത്രി നരേന്ദ്ര മോദി, വൈസ് പ്രസിഡന്റ് സി.പി. രാധാകൃഷ്ണന്‍ എന്നിവര്‍ പങ്കെടുക്കും, മുതിര്‍ന്ന മന്ത്രിമാര്‍, സൈനിക മേധാവികള്‍, വിശിഷ്ടാതിഥികള്‍ എന്നിവര്‍ പങ്കെടുക്കുന്നു. പരേഡില്‍ കരസേന, നാവികസേന, വ്യോമസേന എന്നിവയുടെ മാര്‍ച്ച് വിവിധ സംസ്ഥാനങ്ങളുടെയും മന്ത്രാലയങ്ങളുടെയും സാംസ്‌കാരിക ടാബ്ലോകള്‍ എന്നിവക്ക് രാജ്യം സാക്ഷ്യം വഹിക്കും.