2020ല്‍ തിളങ്ങിയ ഇന്ത്യന്‍ വനിതാ അത്‌ലറ്റുകള്‍

സാനിയ മിര്‍സ

2020 ജനുവരിയില്‍ ഡബ്ല്യു.ടി.എ ഹൊബാര്‍ട്ട് ഇന്റര്‍നാഷണലില്‍ ഡബിള്‍സ് കിരീടം നേടിയത് സാനിയ മിര്‍സയാണ്. കനത്ത പോരാട്ടത്തിനൊടുവിലാണ് രണ്ടാം സീഡായ ഷൗയി പെങിനെയും ഷുവായ് സാങ്ങിനെയും പരാജയപ്പെടുത്തി മിര്‍സയും പങ്കാളിയായ നാദിയ കിച്ചെനോക്കും വനിതാ ഡബിള്‍സ് കിരീടം ചൂടിയത് (6-4, 6-4).

ബാലാദേവി

ഒരു വിദേശ ക്ലബ്ബുമായി കരാര്‍ നേടിയ ആദ്യ ഇന്ത്യന്‍ വനിതാ ഫുട്‌ബോള്‍ കളിക്കാരിയാണ് ബാലാദേവി. സ്‌കോട്ടിഷ് ഫുട്‌ബോള്‍ ഭീമന്മാരായ റേഞ്ചേഴ്‌സ് എഫ്.സിയുമായി ജനുവരിയിലാണ് കരാര്‍ ഒപ്പുവച്ച് 10ാം നമ്പര്‍ ജേഴ്‌സി നേടിയത്. ബാലാദേവി മണിപ്പൂര്‍ പോലീസ് ഡിപ്പാര്‍ട്ട്മെന്റില്‍ സേവനമനുഷ്ഠിക്കുന്നു.

വിനേഷ് ഫോഗാട്ട്

2020 സെപ്റ്റംബറില്‍ ടോക്കിയോ ഒളിമ്പിക്‌സിന് യോഗ്യത നേടുന്ന ആദ്യത്തെ ഇന്ത്യന്‍ ഗുസ്തിക്കാരിയാണ് 25 കാരിയായ വിനേഷ് ഫോഗാട്ട്. കസാക്കിസ്ഥാനിലെ നൂര്‍-സുല്‍ത്താനില്‍ നടന്ന ലോക റെസ്ലിംഗ് ചാമ്പ്യന്‍ഷിപ്പിന്റെ റീപാക്കേജ് റൗണ്ടില്‍ ലോക ഒന്നാം നമ്പര്‍ താരമായ സാറാ ആന്‍ ഹില്‍ഡെബ്രാന്‍ഡിനെ 8-2 ന് തോല്‍പിച്ചാണ് വിനേഷ് ഒളിമ്പിക് ബര്‍ത്ത് നേടിയത്. കോമണ്‍വെല്‍ത്ത് ഗെയിംസില്‍ ഇതിനകം രണ്ട് സ്വര്‍ണ്ണ മെഡലുകള്‍ വിനേഷ് നേടിയിട്ടുണ്ട്. ഒന്ന് 2014 ലും മറ്റൊന്ന് 2018 ലും. 2018 ലെ ഏഷ്യന്‍ ഗെയിംസില്‍ സ്വര്‍ണ്ണവും കഴിഞ്ഞ വര്‍ഷം ലോക ചാമ്പ്യന്‍ഷിപ്പില്‍ വെങ്കലവും നേടി.

മാനസി ജോഷി

ബാസലില്‍ നടന്ന ലോക ചാമ്പ്യന്‍ഷിപ്പ് നേടി മാനസി ജോഷി എല്ലാവരുടെയും ശ്രദ്ധ പിടിച്ചുപറ്റി. ടൈം മാഗസിന്റെ 'നെക്സ്റ്റ് ജനറേഷന്‍ ലീഡര്‍' ആയി ഒരു പാരാ അത്ലറ്റ് ആയ അവര്‍ പ്രത്യക്ഷപ്പെട്ടു. ഫോബ്സ് ഇന്ത്യ സെല്‍ഫ് മെയ്ഡ് വുമണ്‍ 2020 ലിസ്റ്റിലും മാനസി ജോഷി ഇടം നേടിയിട്ടുണ്ട്.

മനീഷ മൗണ്‍

കൊളോണ്‍ ബോക്‌സിംഗ് ലോകകപ്പില്‍ സ്വര്‍ണം നേടിയ മൂന്ന് ഇന്ത്യക്കാരില്‍ ഒരാളാണ് മനീഷ മൗണ്‍. രണ്ട് തവണ എ.ഐ.ബി.എ വനിതാ യൂത്ത് വേള്‍ഡ് ചാമ്പ്യനായ സാക്ഷി ചൗധരിയെ പരാജയപ്പെടുത്തിയാണ് ഫെതര്‍വെയ്റ്റ് വിഭാഗത്തില്‍ (57 കിലോഗ്രാം) മനീഷ വിജയിയായത്.