ചാണക്യന്‍ പറയുന്നു; ഈ 5 കാര്യങ്ങളില്‍ സ്ത്രീകള്‍ പുരുഷന്‍മാരെക്കാള്‍ പലമടങ്ങ് മുന്നില്‍

നാലിരട്ടി ബുദ്ധി

സ്ത്രീകളുടെ ആദ്യത്തെ ഗുണം അവരുടെ ബുദ്ധിയാണ്. ചാണക്യന്റെ നയമനുസരിച്ച് സ്ത്രീകള്‍ പുരുഷന്മാരേക്കാള്‍ മിടുക്കരാണ്. അവര്‍ പുരുഷന്മാരേക്കാള്‍ കൂടുതല്‍ ബുദ്ധിയുള്ളവരാണ്. ചില പ്രത്യേക അവസരങ്ങളില്‍ അവരുടെ ബുദ്ധി പല തരത്തില്‍ പുരുഷന്മാരേക്കാള്‍ മികച്ച രീതിയില്‍ പ്രവര്‍ത്തിക്കുന്നു. എല്ലാ പ്രശ്നങ്ങളെയും അവര്‍ ഭയമില്ലാതെ നേരിടുന്നു, കുടുംബത്തെ നന്നായി നയിക്കുന്നു. വെല്ലുവിളികളെ സ്ത്രീകള്‍ ഭയപ്പെടുന്നില്ല. സ്ത്രീകള്‍ തങ്ങളുടെ ബുദ്ധി ഉപയോഗിച്ച് ജീവിതത്തിലെ ഏറ്റവും പ്രയാസകരമായ സാഹചര്യങ്ങളില്‍ നിന്ന് പോലും എളുപ്പത്തില്‍ കരകയറുന്നു.

എട്ട് മടങ്ങ് കൂടുതല്‍ ലൈംഗികത

ചാണക്യനീതിയില്‍ 'കാമോസ്തഗുന്‍ ഉച്യതേ' എന്ന വാക്കുണ്ട്. അതായത് ലൈംഗികതയുടെ കാര്യത്തില്‍ സ്ത്രീകള്‍ പുരുഷന്മാരേക്കാള്‍ ശ്രേഷ്ഠരാണ്. ചാണക്യന്റെ അഭിപ്രായത്തില്‍ സ്ത്രീകള്‍ പുരുഷന്മാരേക്കാള്‍ എട്ട് മടങ്ങ് കൂടുതല്‍ ലൈംഗികതയുള്ളവരാണ്. സ്ത്രീകളിലെ ലൈംഗികതയുടെ ശക്തി പുരുഷന്മാരേക്കാള്‍ കൂടുതലാണെന്ന് അദ്ദേഹം പറുന്നു. പ്രകൃതി അവര്‍ക്ക് കൂടുതല്‍ ലൈംഗികാഭിലാഷവും കൂടുതല്‍ ധൈര്യവും ബുദ്ധിയും നല്‍കിയിട്ടുണ്ട്.

വിശപ്പ്

സ്ത്രീകള്‍ക്ക് പുരുഷന്മാരേക്കാള്‍ പലമടങ്ങ് അധികമായി വിശപ്പ് അനുഭവപ്പെടുന്നുവെന്ന് ചാണക്യന്‍ പറയുന്നു. അവര്‍ പുരുഷന്മാരേക്കാള്‍ കൂടുതല്‍ ഭക്ഷണം കഴിക്കുന്നു. സ്ത്രീകളുടെ ശരീരഘടന പ്രകാരം അവര്‍ക്ക് കൂടുതല്‍ കലോറി ആവശ്യമാണ്. ഇക്കാരണത്താല്‍ അവര്‍ ധാരാളം ഭക്ഷണം കഴിക്കേണ്ടതുണ്ട്.

കരുതല്‍

ചാണക്യന്റെ അഭിപ്രായത്തില്‍ സ്ത്രീകള്‍ പുരുഷന്മാരേക്കാള്‍ മൃദുലമായ ഹൃദയമുള്ളവരാണ്. അവര്‍ അവരുടെ കുടുംബവുമായും സുഹൃത്തുക്കളുമായും കൂടുതല്‍ അടുക്കുകയും അവരെ പരിപാലിക്കുകയും ചെയ്യുന്നു. സന്തോഷത്തിലും സങ്കടത്തിലും കുടുംബാംഗങ്ങളെ പിന്തുണയ്ക്കുന്നതില്‍ സ്ത്രീകള്‍ മുന്നിലാണ്. വേണമെങ്കില്‍ കുടുംബത്തിന്റെ മുഴുവന്‍ ഭാരവും വഹിക്കാന്‍ വരെ ഒരു സ്ത്രീക്ക് കഴിയും.

ആറ് ഇരട്ടി ധൈര്യം

പുരുഷന്‍മാര്‍ സ്ത്രീകളേക്കാള്‍ ധൈര്യശാലികളാണെന്നാണ് പലപ്പോഴും കരുതാറ്. എന്നാല്‍ ചാണക്യനീതിയില്‍ പറഞ്ഞിരിക്കുന്നത് നേരെ വിപരീതമായ കാര്യമാണ്. ചാണക്യന്റെ നയമനുസരിച്ച് സ്ത്രീകള്‍ക്ക് പുരുഷന്മാരേക്കാള്‍ ആറ് മടങ്ങ് കൂടുതല്‍ ധൈര്യമുണ്ട്. ഒരു സാഹചര്യത്തിലും അവര്‍ പരിഭ്രാന്തരാകില്ല. അതിനാല്‍ അവരെ ശക്തി സ്വരൂപിയായി കണക്കാക്കുന്നു. സമ്മര്‍ദ്ദ സാഹചര്യങ്ങള്‍ സഹിക്കുന്നതില്‍ സ്ത്രീകളും പുരുഷന്മാരേക്കാള്‍ മുന്നിലാണ്. ദൃഢനിശ്ചയമാണെങ്കില്‍ അവള്‍ ആരെയും തിരിഞ്ഞു നോക്കില്ല.