ഉള്ളംകൈയ്യിലെ ഈ രേഖ പറയും ദാമ്പത്യ രഹസ്യങ്ങള്‍

ഹൃദയരേഖ വലതുവശത്തേക്കാള്‍ ഉയര്‍ന്നതെങ്കില്‍

നിങ്ങളുടെ ഇടത് കൈപ്പത്തിയിലെ ഹൃദയരേഖ വലതുവശത്തേക്കാള്‍ ഉയര്‍ന്നതാണെങ്കില്‍, നിങ്ങളേക്കാള്‍ പ്രായം കുറഞ്ഞ വ്യക്തിയുമായോ അല്ലെങ്കില്‍ മറ്റൊരു രാജ്യത്തുനിന്നുള്ളവരുമായോ നിങ്ങള്‍ പ്രണയത്തിലാകാം. നിങ്ങള്‍ തികച്ചും സ്വതന്ത്രനും ലക്ഷ്യബോധമുള്ളവരുമായിരിക്കും. മാത്രമല്ല പലപ്പോഴും ബുദ്ധിമുട്ടുകള്‍ എളുപ്പത്തില്‍ മറികടക്കുകയും ചെയ്യുന്നു. അതുകൊണ്ട് തന്നെ ജീവിതത്തില്‍ വിജയിക്കുന്നതിന് ഇവര്‍ക്ക് സാധിക്കുന്നു.

ഒരേ സ്ഥാനത്ത് ഹൃദയരേഖയെങ്കില്‍

നിങ്ങളുടെ രണ്ട് കൈകളിലെയും ഹൃദയരേഖകള്‍ ഒരേ സ്ഥാനത്താണെങ്കില്‍, നിങ്ങള്‍ ശാന്തനും ന്യായബോധമുള്ളവനുമാണെന്നും ജീവിതത്തിലെ പ്രധാന വഴിത്തിരിവുകളെ ഇഷ്ടപ്പെടുന്നില്ലെന്നും ഇതിനര്‍ത്ഥം. കൂടാതെ, നിങ്ങള്‍ ബുദ്ധിമാനും സൗമ്യനും ചുറ്റുമുള്ള ഒരു സുഹൃത്തിനോട് പ്രണയത്തിലാകാന്‍ സാധ്യതയുണ്ട്. ഇവര്‍ ഒരേ തരക്കാരും ഒരുപോലെ ചിന്തിക്കുന്നവരും ആയിരിക്കും. അതുകൊണ്ട് തന്നെ ജീവിതത്തില്‍ ഇവര്‍ വിജയിക്കുന്നു.

വലത് ഹൃദയരേഖ ഇടതുവശത്തേക്കാള്‍ ഉയര്‍ന്നതാണ്

നിങ്ങളുടെ വലതു കൈപ്പത്തിയിലെ ഹൃദയ രേഖ ഇടതുവശത്തേക്കാള്‍ ഉയര്‍ന്നതാണെങ്കില്‍, നിങ്ങളെക്കാള്‍ പ്രായമുള്ള ഒരു ജീവിത പങ്കാളിയെ നിങ്ങള്‍ കണ്ടെത്തിയേക്കാം. പ്രണയം കൈകാര്യം ചെയ്യുന്നതില്‍ നിങ്ങള്‍ നല്ലയാളാണ്, കൃത്യമായി ആറാം ഇന്ദ്രിയം ഇവരില്‍ പ്രവര്‍ത്തിക്കും. എങ്കിലും അപൂര്‍വ്വമായി തെറ്റുകള്‍ വരുത്തുകയും ചെയ്യും. ഇത് ജീവിതത്തില്‍ താളപ്പിഴകള്‍ ഉണ്ടാക്കുന്നതിനുള്ള സാധ്യതയുണ്ട്. അതുകൊണ്ട് ഇവരോട് ഇടപെടുമ്പോള്‍ വളരെയധികം ശ്രദ്ധിക്കണം.

മറ്റ് രേഖകള്‍

സൂര്യരേഖയും വിവാഹരേഖയും തമ്മില്‍ കൂടിച്ചേരുമ്പോള്‍ വിവാഹ രേഖ വളരെ ദൈര്‍ഘ്യമേറിയതാണെങ്കില്‍ നിങ്ങളുടെ ജീവിത പങ്കാളിയ്ക്ക് നിങ്ങളെക്കാള്‍ സമ്പത്തിനും സമ്പാദ്യത്തിനും നല്ല ഭാഗ്യമുണ്ട്. ഒരുപക്ഷേ നിങ്ങളുടെ ജീവിതപങ്കാളി പാവപ്പെട്ട കുടുംബത്തില്‍ പെട്ടയാളാണ് എങ്കിലും പ്രായമാവുമ്പോള്‍ ഇവരില്‍ സാമ്പത്തിക നേട്ടങ്ങള്‍ ഉണ്ടാവുന്നു. ചെറുപ്പത്തില്‍ കഷ്ടപ്പെടുന്നുണ്ടെങ്കിലും മധ്യവയസ്സില്‍ കൂടുതല്‍ ഭാഗ്യമുണ്ടാകും. അത്തരമൊരു വ്യക്തിയെ വിവാഹം കഴിക്കുന്നത്, നിങ്ങള്‍ക്ക് ഭാവിയില്‍ സമ്പത്തിന് ഭാഗ്യമുണ്ടാകും. ഇത് നിങ്ങളുടെ സാമ്പത്തിക അടിത്തറ ഉറപ്പിക്കും.

മറ്റ് രേഖകള്‍

വിധി രേഖയുമായി സൂര്യ രേഖ അടുത്ത് അല്ലെങ്കില്‍ മുകളില്‍ കൂടി പോവുകയാണെങ്കില്‍ നിങ്ങളുടെ ജീവിത പങ്കാളിയേക്കാള്‍ മികച്ച കരിയര്‍ ഉണ്ട് നിങ്ങള്‍ക്ക് എന്നാണ് സൂചിപ്പിക്കുന്നത്. നിങ്ങളുടെ ജീവിതപങ്കാളി വാഗ്ദാനം ചെയ്യുന്ന കാര്യങ്ങളെല്ലാം തന്നെ നടപ്പിലാക്കുന്നതിന് സാധിക്കുന്നവരാണ്. നിങ്ങളുടെ കൈപ്പത്തിയിലെ സൂര്യരേഖയും വിധി രേഖയും വായിക്കാം. വിധി രേഖയോട് അടുക്കുകയോ ഓവര്‍ലാപ്പ് ചെയ്യുകയോ ആണെങ്കില്‍, അതിനര്‍ത്ഥം നിങ്ങളുടെ ജീവിതപങ്കാളി നേതാവാകുന്നതിന് വരെ സാധ്യതയുള്ള വ്യക്തിയായിരിക്കും എന്നാണ്. ഇവര്‍ക്ക് അസാധാരണമായ കഴിവുകളുണ്ടാകും, കീഴുദ്യോഗസ്ഥര്‍ക്ക് ആജ്ഞാപിക്കാനും മൊത്തത്തിലുള്ള സാഹചര്യത്തില്‍ പ്രധാന പങ്ക് വഹിക്കാനും കഴിയും.

മറ്റ് രേഖകള്‍

ചൂണ്ടുവിരലിന് അടിയില്‍ വളയം പോലെ കാണപ്പെടുന്ന ഭാഗത്തെയാണ് സോളമന്റെ മോതിരം എന്ന് പറയുന്നത്. ഇതിന്റെ തൊട്ട് മുകളില്‍ ഉള്ളതാണ് വിവാഹ രേഖ. ഇവര്‍ക്ക് വിവാഹയോഗം നേരത്തേയുണ്ടാവും. സുന്ദരനേയോ സുന്ദരിയേയോ ആയിരിക്കും ഇവര്‍ വിവാഹം കഴിക്കുക. നിങ്ങള്‍ക്ക് സോളമന്റെ മോതിരം അല്ലെങ്കില്‍ അല്പം മുകളിലുള്ള വിവാഹരേഖ ഉണ്ടെങ്കില്‍, നിങ്ങളുടെ ജീവിത പങ്കാളിയുടെ രൂപത്തെക്കുറിച്ച് നിങ്ങള്‍ വളരെയധികം ശ്രദ്ധിക്കുന്നുവെന്നാണ് ഇതിനര്‍ത്ഥം. ഇത് കൂടാതെ നിങ്ങളുടെ ഭാവിയെക്കുറിച്ചും മനസ്സിലാക്കാന്‍ സാധിക്കുന്നുണ്ട്.

സാധ്യമായ അപകടം

ജീവിത രേഖയില്‍ സ്ഥിതിചെയ്യുന്ന വ്യാഴരേഖയില്‍ നിന്ന്, ഒരു രേഖ പുറത്തേക്ക് പോയി ജീവിത രേഖയെ മറികടക്കുന്നുവെങ്കില്‍ അതിനെ ആക്‌സിഡന്റ് ലൈന്‍ എന്ന് വിളിക്കുന്നു. ജീവിത രേഖയെ യുഗങ്ങളായി വിഭജിച്ചിരിക്കുന്നതിനാല്‍, നിങ്ങളുടെ പങ്കാളിക്ക് അപകടം സംഭവിക്കുന്നതിനുള്ള സാധ്യതയെ കാണുന്നുണ്ട്. ഇത് മരണമില്ലെങ്കിലും വളരെയധികം അപകടകരമായ അവസ്ഥയിലേക്ക് നയിച്ചേക്കാം.

സമാധാനത്തോടെ ജീവിക്കുക

വിധി രേഖയുടെ അരികിലുള്ള വരയെ സ്വാധീന രേഖ എന്ന് വിളിക്കുന്നു. ഈ രേഖ അപൂര്‍ണ്ണമാണെങ്കിലോ ഒരു കുന്ന് പോലെ ഉണ്ടെങ്കിലോ അത് വിധി രേഖയെ മറികടക്കുകയാണെങ്കിലോ, അതിനര്‍ത്ഥം നിങ്ങളുടെ പങ്കാളിയുമായി ഒരു ബന്ധം മികച്ചതായിരിക്കും എന്നും ഏത് തെറ്റും നിങ്ങള്‍ ക്ഷമിക്കാന്‍ തയ്യാറാവും എന്നുമാണ് സൂചിപ്പിക്കുന്നത്.

വിവാഹമോചനം

നിങ്ങളുടെ വിവാഹ രേഖ അവസാനിച്ചിട്ടുണ്ടെങ്കില്‍, അതിനര്‍ത്ഥം നിങ്ങളുടെ പങ്കാളി സ്‌നേഹിക്കാന്‍ അവിശ്വസ്തനാണെന്നും നിങ്ങള്‍ വഞ്ചിക്കുകയോ വഞ്ചിക്കപ്പെടുകയോ ചെയ്യാം. വിവാഹ രേഖ ഹൃദയരേഖയെ മറികടക്കുകയാണെങ്കില്‍, അതിനര്‍ത്ഥം നിങ്ങളുടെ പങ്കാളിയുടെ നിയമവിരുദ്ധമായ പ്രണയം നിങ്ങളുടെ വിവാഹമോചനത്തിലേക്ക് നയിക്കും. അതുകൊണ്ട് ഇത്തരം കാര്യങ്ങളെല്ലാം തന്നെ വളരെയധികം ശ്രദ്ധിക്കേണ്ടതാണ്.