പല്ലി ദേഹത്തു വീണാല്‍ മരണം അടുത്തോ?

Updated: Monday, June 8, 2020, 9:11 [IST]

ഇന്ത്യയില്‍ ചരിത്രാതീത കാലം മുതല്‍ക്കേ പല്ലിയെ ഒരു ശകുനമായി കണക്കാക്കുന്നു. ഗൗളീ ശാസ്ത്രം അനുസരിച്ച് ശരീരത്തിന്റെ വിവിധ ഭാഗങ്ങളില്‍ പല്ലി വീഴുന്നത് ഒരാളെ ഓരോ തരത്തിലായി ബാധിക്കുന്നു. ചില സന്ദര്‍ഭങ്ങളില്‍ ചില സമയത്ത് പല്ലി ശരീരത്തില്‍ വീഴുമ്പോള്‍ ഫലങ്ങള്‍ നല്ലതാണ്, എന്നാല്‍ മറ്റുചിലതില്‍ അവ നിങ്ങള്‍ക്ക് ദോഷവും.

പുരുഷന്മാര്‍ക്കും സ്ത്രീകള്‍ക്കും പല്ലി വീഴുന്നതിന്റെ പൊതുവായ ഫലങ്ങള്‍ പുരുഷന്മാരുടെ വലതുവശത്തും സ്ത്രീകളുടെ ഇടതുവശത്തും വീഴുന്ന പല്ലി ശുഭമായി കണക്കാക്കുകയും അനുകൂല ഫലങ്ങള്‍ നല്‍കുകയും ചെയ്യും. മറുവശത്ത്, പല്ലി പുരുഷന്റെ ഇടതുവശത്തോ സ്ത്രീയുടെ വലതുവശത്തോ വീണാല്‍ പ്രതികൂല ഫലങ്ങള്‍ പ്രവചിക്കപ്പെടുന്നു. പല്ലികള്‍ ദേഹത്തു വീണാല്‍ ഗൗളീ ശാസ്ത്രം അനുസരിച്ച് അവ അര്‍ത്ഥമാക്കുന്നത് എന്തെന്ന് വായിക്കാം.

പുരുഷന്‍മാരുടെ ദേഹത്ത് പല്ലി വീണാല്‍ അര്‍ത്ഥമാക്കുന്നത്

* തലയുടെ പിന്‍ഭാഗത്താണ് പല്ലി വീഴുന്നതെങ്കില്‍ ഒരു തര്‍ക്കം ഉടലെടുക്കും എന്നു സൂചിപ്പിക്കുന്നു. തലയുടെ മദ്ധ്യഭാഗത്ത് വീഴുന്നത് മാതാവിനോ സഹോദരനോ ഗുരുജനങ്ങള്‍ക്കോ മരണം വരെ സംഭവിക്കാം എന്ന് സൂചിപ്പിക്കുന്നു.

* നെറ്റിയില്‍ പല്ലി വീണാല്‍ നിധിദര്‍ശനം സാധ്യമാണെന്ന് സൂചിപ്പിക്കുന്നു. അതായത്, സമ്പത്തിനുള്ള വഴികള്‍ നിങ്ങള്‍ക്ക് കാണാം. നെറ്റിയുടെ മദ്ധ്യത്തില്‍ വീഴുന്നത് എന്തെങ്കിലും വിലപ്പെട്ട സമ്മാനങ്ങള്‍ വന്നുചേരുമെന്ന് കരുതുന്നു.