വിവാഹയോഗം ഉണ്ടോ, ഉണ്ടെങ്കിൽ ഈ രേഖ പറയും

ഒറ്റരേഖയെങ്കിൽ

നിങ്ങളുടെ ചെറുവിരലിനും ഹൃദയ രേഖക്കും ഇടയിൽ ഒറ്റ രേഖയാണ് ഉള്ളത് എന്നുണ്ടെങ്കിൽ അതിനർത്ഥം നിങ്ങൾക്ക് പെട്ടെന്ന് വിവാഹം നടക്കുന്നുണ്ട് എന്നാണ് കാണിക്കുന്നത്. ഇരുപത്തി അഞ്ച് വയസ്സിനുള്ളില്‍ എന്ത് സംഭവിച്ചാലും ഇവരുടെ വിവാഹം കഴിയുന്നുണ്ട്. മാത്രമല്ല വിവാഹജീവിതം വളരെയധികം സന്തോഷമുള്ളതായിരിക്കും എന്നാണ് സൂചിപ്പിക്കുന്നത്.

ഹൃദയരേഖയോട് ചേർന്ന്

ഹൃദയ രേഖയോട് ചേർന്നാണ് നിങ്ങളുടെ വിവാഹ രേഖ എന്നുണ്ടെങ്കിൽ ഇവര്‍ക്ക് വളരെ ചെറുപ്പത്തിൽ തന്നെയായിരിക്കും ഇവർക്ക് വിവാഹം നടക്കുന്നത്. എന്നാൽ ഈ രേഖ അൽപം അകലത്താണ് എന്നുണ്ടെങ്കിൽ അതിനര്‍ത്ഥം നിങ്ങൾക്ക് വിവാഹം വളരെയധികം താമസിച്ച് മാത്രമേ നടക്കുന്നുള്ളൂ എന്നാണ് വിശ്വാസം. എന്നാൽ ചിലരിലാകട്ടെ വിവാഹയോഗം തന്നെ ഇല്ല എന്നതാണ് വിശ്വാസം. അതുകൊണ്ട് തന്നെ ഇത്തരം കാര്യങ്ങൾ അൽപം ശ്രദ്ധിക്കണം.

നീളം കുറഞ്ഞ രേഖകൾ

നിങ്ങളുടെ കൈവെള്ളയിൽ കട്ടികൂടിയ രേഖകൾ ഉണ്ട് എന്നുണ്ടെങ്കിൽ അവയിൽ ഒന്ന് നീളം കുറഞ്ഞതാണെങ്കിൽ വിവാഹം നടക്കുമെങ്കിലും അത് അധികകാലം മുന്നോട്ട് പോവില്ല എന്നാണ് സൂചിപ്പിക്കുന്നത്. അതുകൊണ്ട് തന്നെ ഇത്തരം കാര്യങ്ങൾ അൽപം ശ്രദ്ധിക്കാവുന്നതാണ്. മാത്രമല്ല പ്രണയം മുന്നോട്ട് പോവുന്നുണ്ട് എന്നാണെങ്കിൽ പോലും വിവാഹത്തിലേക്ക് ഇത് എത്തില്ല എന്നുള്ളതാണ് സത്യം.

സമാന്തരമായി രണ്ട് രേഖകൾ

വിവാഹ രേഖയുടെ സ്ഥാനത്ത് സമാന്തരമായി ഒന്നിലധികം രേഖകൾ ഉണ്ടെങ്കിൽ ആ വ്യക്തിക്ക് ഒന്നിലധികം വിവാഹത്തിനുള്ള യോഗമുണ്ട് എന്നാണ് സൂചിപ്പിക്കുന്നത്. ചെറുവിരലിന് സമീപമാണ് ഇത്തരം രേഖകൾ കാണപ്പെടുന്നത് എന്നുണ്ടെങ്കിൽ അയാൾക്ക് വിവാഹഭാഗ്യം വൈകിയാണ് എന്നാണ് കണക്കാക്കുന്നത്. മാത്രമല്ല വിവാഹം കഴിഞ്ഞാലും പ്രശ്നങ്ങൾ നിലനിൽക്കുന്ന ഒരു വിവാഹ ജീവിതമായിരിക്കും എന്നാണ് പറയുന്നത്.

മറ്റ് രേഖകൾ വലുതെങ്കിൽ

മറ്റ് രേഖകൾ വിവാഹ രേഖയേക്കാൾ വലുതാണെങ്കിൽ ഇവർ അന്യ ജാതിക്കാരെ വിവാഹം കഴിക്കുന്നതിനുള്ള സാധ്യത കൂടുതലാണ് എന്നാണ് സൂചിപ്പിക്കുന്നത്. വിവാഹ രേഖ മറ്റു രേഖയേക്കാൾ ചെറുതാണെങ്കിൽ ഇവര്‍ക്ക് കുറച്ച് കാലത്തേക്കെങ്കിലും ഭര്‍ത്താവുമായി പിരിഞ്ഞ് താമസിക്കുന്നതിനുള്ള സാധ്യതയുണ്ട് എന്നാണ് സൂചിപ്പിക്കുന്നത്. അതുകൊണ്ട് തന്നെ ദാമ്പത്യത്തിൽ കലഹങ്ങൾക്കുള്ള സാധ്യത വളരെ കൂടുതലായിരിക്കും.

വിവാഹ രേഖയിൽ കുത്ത്

വിവാഹ രേഖയിൽ കറുത്ത കുത്ത് ഉണ്ടെങ്കിൽ അയാളുടെ വിവാഹ ജീവിതം അൽപം പ്രശ്നങ്ങൾ നിറഞ്ഞതായിരിക്കും എന്നതാണ് സത്യം. ഇവരിൽ വേർപിരിയലിനുള്ള സാധ്യത വളരെ കൂടുതലാണ്. എന്നാൽ ക്ഷമയോടെ മുന്നോട്ട് പോയാൽ നല്ല സന്തോഷമുള്ള ഒരു ദാമ്പത്യ ജീവിതമായിരിക്കും ഇവരുടേത് എന്നതാണ് സത്യം.