ദാരിദ്ര്യവും ദോഷവും വിട്ടുമാറില്ല; ശനിയാഴ്ച ഇതൊന്നും വീട്ടില്‍ കൊണ്ടുവരരുത്

ശനിയുടെ ശക്തി

ജ്യോതിഷത്തില്‍ വളരെ പ്രധാനപ്പെട്ടൊരു ശക്തിയാണ് ശനി. ശനിയുടെ കോപത്തില്‍ ഒരു വ്യക്തിയുടെ ജീവിതകാലം മുഴുവന്‍ നശിപ്പിക്കുമെന്നും പറയപ്പെടുന്നു. നീതിയുടെയും സമത്വത്തിന്റെയും കര്‍ത്താവാണ് ശനിദേവന്‍. കഴിഞ്ഞ കര്‍മ്മത്തെ ആശ്രയിച്ച് ഒരു വ്യക്തിയുടെ ജാതകത്തില്‍ ശനി സ്ഥാനം പിടിക്കുന്നു. ഇത് ഒരു വ്യക്തിയുടെ ജീവിതത്തിലെ നല്ലതോ ചീത്തയോ ആയ വിവിധ സംഭവങ്ങള്‍ക്ക് കാരണമാകുന്നു. ശനിയുടെ കോപത്തില്‍ നിന്ന് വിട്ടുനില്‍ക്കാന്‍ എല്ലാവരും ശ്രമിക്കുന്നു. അതുകൊണ്ട് ആളുകള്‍ ശനിയാഴ്ച ദിവസം ചില പ്രത്യേക സാധനങ്ങള്‍ വാങ്ങുന്നത് ഒഴിവാക്കുന്നു. ഈ ലേഖനത്തില്‍ ശനിയാഴ്ച ദിവസം നിങ്ങള്‍ വാങ്ങുകയോ വീട്ടിലേക്ക് കൊണ്ടുവരാന്‍ പാടില്ലാത്തതോ ആയ ചില വസ്തുക്കളെക്കുറിച്ച് വായിച്ചറിയാം.

ഇരുമ്പ് - ദൗര്‍ഭാഗ്യത്തിന്റെ അടയാളം

ശനിയാഴ്ച ദിവസം ഇരുമ്പ് വാങ്ങുന്നത് ശുഭമായി കണക്കാക്കുന്നില്ല. ഇത് ദു:ഖത്തിന്റെ അടയാളമാണ്. നിങ്ങള്‍ അത് വീട്ടില്‍ കൊണ്ടുവന്നാല്‍ അത് കുടുംബാംഗങ്ങള്‍, ഭാര്യ എന്നിവരുമായുള്ള നിങ്ങളുടെ ബന്ധത്തെ ബാധിച്ചേക്കാം. ഇരുമ്പ് വസ്തുക്കള്‍ വാങ്ങുന്നത് ശനി ദേവനെ അപ്രീതിപ്പെടുത്തുന്നു. ഇത് നിങ്ങളുടെ ജീവിതത്തെ ദോഷകരമായി ബാധിക്കും.

പ്രതിവിധി

പകരം, ശനിയാഴ്ച ദിവസം ഇരുമ്പ് വസ്തുക്കള്‍ ദാനം ചെയ്യുന്നത് കൂടുതല്‍ ശുഭമായി കണക്കാക്കുകയും ശനിയുടെ അനുഗ്രഹം നിങ്ങള്‍ക്ക് ലഭിക്കുകയും ചെയ്യുന്നു. മാത്രമല്ല, ജീവിതത്തിലെ എല്ലാ പ്രശ്നങ്ങളും പ്രതിബന്ധങ്ങളും മറികടക്കാന്‍ ഇത് നിങ്ങളെ സഹായിക്കുന്നു. ശനിയാഴ്ച ഇരുമ്പ് ദാനം ചെയ്യുന്നത് ബിസിനസിന്റെയും സമ്പത്തിന്റെയും ഉന്നമനത്തിന് സഹായിക്കുന്നു.

എണ്ണ - രോഗം നല്‍കുന്നു

ശനിയാഴ്ച കടുക് എണ്ണയോ സസ്യ എണ്ണയോ വീട്ടില്‍ കൊണ്ടുവരരുത് എന്ന് പറയപ്പെടുന്നു. വിശ്വാസങ്ങള്‍ അനുസരിച്ച്, ശനിയാഴ്ച എണ്ണ വാങ്ങുന്നത് നിങ്ങളുടെ ആരോഗ്യസ്ഥിതിയെ പ്രതികൂലമാക്കുകയും ചില ദോഷകരമായ രോഗങ്ങളുടെ കെണിയില്‍ വീഴാനുള്ള സാധ്യതയുമുണ്ട്.

പ്രതിവിധി

നിങ്ങള്‍ ശനി, സാഡേശനിയുടെ ദോഷകരമായ കാലമുണ്ടെങ്കില്‍ കടുക് എണ്ണയില്‍ ഉണ്ടാക്കുന്ന ഭക്ഷണം ദരിദ്രര്‍ക്ക് ദാനം ചെയ്യുക. ഇത് നിങ്ങളുടെ ആരോഗ്യസ്ഥിതി മെച്ചപ്പെടുത്താന്‍ സഹായിക്കുന്നു. മാത്രമല്ല, നിങ്ങള്‍ നായ്ക്കള്‍ക്ക് ഹല്‍വ നല്‍കുന്നതും ഭാഗ്യത്തിന്റെയും അടയാളമാണ്.

ഉപ്പ് - കടങ്ങളുടെ അടയാളം

ശനിയാഴ്ച ഉപ്പ് വാങ്ങുന്നത് നഷ്ടത്തിന്റെയും കടബാധ്യതകളുടെയും അടയാളമാണ്. സാമ്പത്തികമായി ദുര്‍ബലരായ ആളുകള്‍ ശനിയാഴ്ചകളില്‍ വീട്ടില്‍ ഉപ്പ് കൊണ്ടുവരരുത്. ഉപ്പ് ഉപയോഗം നിങ്ങളുടെ ബിസിനസ്സ് കുറയ്ക്കാനും കടങ്ങള്‍ വര്‍ദ്ധിപ്പിക്കാനും വായ്പകള്‍, ഓഹരി വിപണിയിലെ നഷ്ടം മുതലായവയ്ക്കും കാരണമാകും. മാത്രമല്ല, ഇത് ഒരു വ്യക്തിയുടെ മോശം ആരോഗ്യത്തിനും കാരണമായി മാറുന്നു.

പ്രതിവിധി

ശനിയാഴ്ച ദിവസം ഉപ്പ് ഉപയോഗിച്ച് നിര്‍മ്മിച്ച ഏതെങ്കിലും ഇനം ദാനം ചെയ്യാനോ സ്പര്‍ശിക്കാനോ ശ്രമിക്കരുത്. നിങ്ങളുടെ ഭാഗ്യത്തിനായി വാഴപ്പഴം, മാമ്പഴം, തണ്ണിമത്തന്‍ തുടങ്ങിയ പഴങ്ങള്‍ കഴിക്കുന്നതാണ് ഉത്തമം.

കത്രിക - പോരാട്ടങ്ങളിലേക്ക് നയിക്കുന്നു

ശനിയാഴ്ച ദിവസം കത്രിക വാങ്ങുകയോ മറ്റൊരാള്‍ക്ക് സമ്മാനിക്കുകയോ ചെയ്യരുത്. ഒന്നും മുറിക്കാതെ കത്രിക വെറുതേ ഒരിക്കലും തുറക്കുകയോ അടയ്ക്കുകയോ ചെയ്യരുത് എന്ന് പറയുന്ന കേട്ടിട്ടുണ്ടാവാം. എന്നാല്‍, ശനിയാഴ്ച ദിവസം കത്രിക തൊടുന്നത് പോലും നിന്ദ്യമായി കണക്കാക്കുന്നു. ഇത് നിങ്ങളുടെ കുടുംബവുമായും ചങ്ങാതിമാരുമായും വഴക്കിനും ബന്ധങ്ങള്‍ വഷളാകാനും കാരണമാവുമെന്ന് പറയപ്പെടുന്നു.

ചൂല് - ദാരിദ്ര്യത്തെ ക്ഷണിക്കുന്നു

ചൂല് നിങ്ങളുടെ വീട്ടില്‍ നിന്ന് നെഗറ്റീവ് എനര്‍ജികളെ പുറംതള്ളുകയും വീടിനുള്ളില്‍ ഒരു നല്ല അന്തരീക്ഷം സൃഷ്ടിക്കുകയും ചെയ്യുന്നുവെന്നതില്‍ സംശയമില്ല. എന്നിരുന്നാലും, ശനി, ചൊവ്വ ദിവസങ്ങളില്‍, നിങ്ങള്‍ ഒരിക്കലും ചൂല് വാങ്ങരുതെന്ന് പറയപ്പെടുന്നു. കാരണം ഇത് ദാരിദ്ര്യത്തിന് കാരണമാവുകയും നിങ്ങളുടെ സാമ്പത്തിക സ്ഥിരതയെ ദോഷകരമായി ബാധിക്കുകയും ചെയ്യും.

പ്രതിവിധി

ശനിയാഴ്ച ചൂല് വാങ്ങുന്നത് സമ്പത്തിന്റെ ദേവിയായ ലക്ഷ്മീ ദേവിയെ സങ്കടപ്പെടുത്തുന്നുവെന്നും നിങ്ങള്‍ക്ക് പണത്തിന്റെ കുറവുണ്ടാകുമെന്നും വിശ്വസിക്കപ്പെടുന്നു. അതിനാല്‍ ശനിയാഴ്ച ഒരു ചൂല് ഉപയോഗിച്ച് നിങ്ങളുടെ വീട് വൃത്തിയാക്കുന്നത് ഒഴിവാക്കുന്നതാണ് നല്ലത്.

മഷി - പരാജയത്തിന്റെ അടയാളം

ശനിയാഴ്ച മഷി വാങ്ങുന്നത് വിദ്യാര്‍ത്ഥികളുടെ പഠനത്തിലും കരിയറിലും വളരെ ദോഷകരമാകും. പ്രത്യേകിച്ചും പരീക്ഷയ്ക്ക് തയ്യാറെടുക്കുന്ന വിദ്യാര്‍ത്ഥികള്‍ ശനിയാഴ്ച മഷി വാങ്ങുന്നതോ ഉപയോഗിക്കുന്നതോ പൂര്‍ണ്ണമായും ഒഴിവാക്കുക. പുസ്തകങ്ങളോ മറ്റേതെങ്കിലും പഠന സാമഗ്രികളോ വാങ്ങുന്നത് നല്ലതാണ്. ശനിയാഴ്ച ദിവസം മഷി വാങ്ങുന്നത് പരാജയത്തിന്റെയും നിര്‍ഭാഗ്യത്തിന്റെയും അടയാളമാണ്.

പ്രതിവിധി

പ്രത്യേകിച്ചും നീല നിറത്തിലുള്ള മഷി ഉപയോഗിക്കുന്നത് ശനിദേവനെ നിരാശനാക്കുന്നുവെന്നും പരീക്ഷകളില്‍ നിങ്ങള്‍ പരാജയപ്പെടാനുള്ള സാധ്യതയുണ്ടെന്നും പറയപ്പെടുന്നു. മാത്രമല്ല, നീല നിറമുള്ള മഷി ഉപയോഗിച്ച് ഏതെങ്കിലും പ്രധാനപ്പെട്ട ഫോമോ കരാറോ പൂരിപ്പിക്കാനും ശ്രമിക്കരുത്.

കറുത്ത ഷൂസ് - വളര്‍ച്ച തടയുന്നു

കറുത്ത ഷൂസ് എല്ലാവര്‍ക്കും പ്രിയപ്പെട്ടതാണ്. എന്നാല്‍ ശനിയാഴ്ചകളില്‍ അവ ധരിക്കുകയോ വാങ്ങുകയോ ചെയ്യുന്നത് ദൗര്‍ഭാഗ്യത്തിന്റെ അടയാളമാണ്. കറുത്ത ലെതര്‍ ഷൂ ധരിക്കുന്നത് ജോലിസ്ഥലത്ത് നിങ്ങളുടെ പ്രമോഷന്‍ തടയുമെന്നും ജോലിനഷ്ടം സംഭവിക്കുമെന്നും പറയപ്പെടുന്നു. കറുത്ത ഷൂസ് നിങ്ങളുടെ ജോലിസ്ഥലത്ത് പരാജയങ്ങളും പൊരുത്തക്കേടുകളും കൊണ്ടുവരും.

പ്രതിവിധി

ഹിന്ദു പുരാണമനുസരിച്ച്, ശനിയാഴ്ച കറുത്ത ചെരുപ്പ് ധരിക്കുന്നത് ശനിദേവനെ നിരാശനാക്കുന്നു. ഇത് ജോലിയില്‍ പരാജയം സൃഷ്ടിക്കുകയും തടസ്സങ്ങള്‍ സൃഷ്ടിക്കുകയും ചെയ്യും. അതിനാല്‍, ശനിയാഴ്ച കറുത്ത ഷൂ ധരിക്കുന്നത് ഒഴിവാക്കുന്നത് നല്ലതായിരിക്കും.