Solar & Lunar Eclipses 2022: 2022ലെ സൂര്യ, ചന്ദ്ര ഗ്രഹണങ്ങള്‍; അറിയാം തീയതിയും സമയവും

2022ലെ സൂര്യഗ്രഹണം

2022-ലെ ആദ്യത്തെ സൂര്യഗ്രഹണം ഏപ്രില്‍ 30 ശനിയാഴ്ച സംഭവിക്കും. ഉച്ചയ്ക്ക് 12:15 മുതല്‍ വൈകിട്ട് 04:07 വരെയാണ് സമയം. ഇത് ഭാഗിക ഗ്രഹണമായിരിക്കും, ഇതിന്റെ ഫലം തെക്ക്, പടിഞ്ഞാറന്‍ അമേരിക്ക, പസഫിക് അറ്റ്‌ലാന്റിക്, അന്റാര്‍ട്ടിക്ക എന്നിവിടങ്ങളില്‍ ദൃശ്യമാകും.

രണ്ടാമത്തെ സൂര്യഗ്രഹണം

2022 ലെ രണ്ടാമത്തെ സൂര്യഗ്രഹണം ഒക്ടോബര്‍ 25 ചൊവ്വാഴ്ച സംഭവിക്കും. ഇതും ഒരു ഭാഗിക ഗ്രഹണം ആയിരിക്കും. ഒക്ടോബര്‍ 25 ചൊവ്വാഴ്ച 16:29:10 ന് ആരംഭിച്ച് 17:42:01 വരെ യൂറോപ്പ്, തെക്ക്,പടിഞ്ഞാറന്‍ ഏഷ്യ, ആഫ്രിക്ക, അറ്റ്ലാന്റിക്ക എന്നിവിടങ്ങളില്‍ ദൃശ്യമാകും. ഈ ഗ്രഹണം ഇന്ത്യയില്‍ കാണില്ല.

2022-ലെ ചന്ദ്രഗ്രഹണം

2022-ലെ ആദ്യ ചന്ദ്രഗ്രഹണം മെയ് 15, 16 തീയതികളില്‍ രാവിലെ 7.02 മുതല്‍ ആരംഭിച്ച് 12.20 വരെ നീണ്ടുനില്‍ക്കും. ഈ രണ്ട് ഗ്രഹണങ്ങളും പൂര്‍ണ ചന്ദ്രഗ്രഹണമായിരിക്കും. ഇന്ത്യയിലും കാണാവുന്ന ചന്ദ്രഗ്രഹണമായിരിക്കും ഇത്. തെക്കന്‍/പടിഞ്ഞാറന്‍ യൂറോപ്പ്, തെക്ക്/പടിഞ്ഞാറന്‍ ഏഷ്യ, ആഫ്രിക്ക, വടക്കേ അമേരിക്ക, തെക്ക് എന്നിവിടങ്ങളിലും ഇതിന്റെ പ്രഭാവം ദൃശ്യമാകും.

അവസാനത്തെ ചന്ദ്രഗ്രഹണം

2022-ലെ രണ്ടാമത്തെ അവസാനത്തെ ചന്ദ്രഗ്രഹണം നവംബര്‍ 8-ന് ഉച്ചയ്ക്ക് 1:32 മുതല്‍ രാത്രി 7.27 വരെ നീണ്ടുനില്‍ക്കും. ഇത് പൂര്‍ണ ചന്ദ്രഗ്രഹണമായിരിക്കും. ഈ സമയത്ത്, സൂതക് കാലഘട്ടം കൂടുതല്‍ ഫലപ്രദമാകും. ഇന്ത്യ ഉള്‍പ്പെടെ തെക്കന്‍/കിഴക്കന്‍ യൂറോപ്പ്, ഏഷ്യ, ഓസ്ട്രേലിയ, വടക്കേ അമേരിക്ക, തെക്കേ അമേരിക്ക, പസഫിക്, അറ്റ്ലാന്റിക്, ഇന്ത്യന്‍ മഹാസമുദ്രം എന്നിവിടങ്ങളിലും ഇതിന്റെ പ്രഭാവം ദൃശ്യമാകും.

സൂര്യഗ്രഹണം

ചന്ദ്രന്‍ സൂര്യനും ഭൂമിക്കും ഇടയില്‍ വരുമ്പോള്‍ സൂര്യന്‍ ഭാഗികമായോ പൂര്‍ണ്ണമായോ മറയുന്ന പ്രതിഭാസമാണ് സൂര്യഗ്രഹണം എന്ന് പറയുന്നത്. ഭൂമിയില്‍ നിന്ന് നോക്കുമ്പോള്‍ സൂര്യനും ചന്ദ്രനും കണ്‍ജങ്ഷനില്‍ ആവുന്ന കറുത്തവാവ് ദിവസമാണ് സൂര്യഗ്രഹണം നടക്കുക. ഓരോ വര്‍ഷവും രണ്ടു മുതല്‍ അഞ്ചു വരെ സൂര്യഗ്രഹണങ്ങള്‍ സംഭവിക്കാറുണ്ട്.

ചന്ദ്രഗ്രഹണം

സൂര്യനും ഭൂമിയും ചന്ദ്രനും നേര്‍രേഖയില്‍ വരുമ്പോഴാണ് ചന്ദ്രഗ്രഹണം സംഭവിക്കാറ്. ഈ സന്ദര്‍ഭത്തില്‍ ഭൂമി ചന്ദ്രനും സൂര്യനും ഇടയിലായിരിക്കും. മറ്റൊരു തരത്തില്‍ പറഞ്ഞാല്‍, ഭൂമിയെ പ്രദക്ഷിണം ചെയ്തുകൊണ്ടിരിക്കുന്ന ചന്ദ്രന്‍ ഭൂമിയുമായുള്ള ദിശയില്‍ സൂര്യനു നേരെ എതിര്‍ദിശയില്‍ വരുമ്പോഴാണ് ചന്ദ്രഗ്രഹണം സംഭവിക്കുക. വെളുത്തവാവ് ദിവസമായിരിക്കും ചന്ദ്രഗ്രഹണം. ഭാഗിക സൂര്യഗ്രഹണമെന്നപോലെ ഭാഗിക ചന്ദ്രഗ്രഹണവും സംഭവിക്കാറുണ്ട്.