വിരലിലെ മോതിരം ഫലം പറയും, അറിയൂ

തള്ളവിരലില്‍

തള്ളവിരലില്‍ മോതിരങ്ങള്‍ അണിയുന്നവരുണ്ട്. പലരും ഇതു ചെയ്യുന്നത് ഫാഷന്റെ ഭാഗമായാണ്. ഇടതു കയ്യിലെ തള്ള വിരലില്‍ മോതിരമണിയുന്നത് സ്‌ട്രെസ് കാരണമാകുന്നു. വലതു കയ്യിലെ തള്ള വിരലില്‍ മോതിരമണിഞ്ഞാല്‍ ആഗ്രഹം നടക്കും.

മോതിര വിരലില്‍

മോതിര വിരലാണ് പേരു സൂചിപ്പിയ്ക്കുന്ന പോലെ മോതിരം ധരിയ്ക്കാന്‍ ഉത്തമമായ ഒന്ന്. ഇത് സ്‌നേഹവും പ്രണയവുമെല്ലാം സൂചിപ്പിയ്ക്കുന്ന ഒന്നാണ്. വിവാഹത്തില്‍ മോതിര വിരലില്‍ മോതിരമണിയിക്കുന്നതിന്റെ പ്രാധാന്യവും ഇതാണ്. ഇതു ബന്ധത്തിന്റെ കരുത്തു വര്‍ദ്ധിപ്പിയ്ക്കുന്നു. പുരുഷന്മാര്‍ക്ക് വലതു കയ്യിലെ മോതിര വിരലും സ്ത്രീകള്‍ക്ക് ഇടതു കയ്യിലെ മോതിരവിരലുമാണ് പറയുന്നത്. മോതിര വിരലില്‍ നിന്നും ഹൃദയരേഖയുമായി ബന്ധമുണ്ടെന്നതും കാരണമായി പറയുന്നു.

നടുവിരലില്‍

നടുവിരലില്‍ മോതിരമണിയുന്നത് ആത്മാര്‍ത്ഥത, ചുമതലാബോധം എന്നിവ വര്‍ദ്ധിയ്ക്കുവാന്‍ നല്ലതാണ്. സൗന്ദര്യത്തെ സൂചിപ്പിയ്ക്കുന്ന ഒന്നു കൂടിയാണ് നടുവിരല്‍ മോതിരം.

ചൂണ്ടുവിരലിലും

ചൂണ്ടുവിരലിലാണ് മോതിരമണിയുന്നതെങ്കില്‍ ലീഡര്‍ ഷിപ്പ് ഗുണങ്ങള്‍ വര്‍ദ്ധിപ്പിയ്ക്കുവാന്‍ ഇത് ഏറെ നല്ലതാണ്. ആത്മവിശ്വാസം നല്‍കാനും ഇത് ഏറെ നല്ലതാണ്. കാര്യങ്ങള്‍ കൃത്യമായി ചെയ്യുവാനും ഇതേറെ ഗുണകരമാണ്. പുരുഷന്മാര്‍ വലതു ചൂണ്ടുവിരലിലും സ്ത്രീകള്‍ ഇടതു ചൂണ്ടു വിരലിലും മോതിരമണിയുന്നതാണ് കൂടുതല്‍ നല്ലത്.

ചെറുവിരലില്‍

ബുദ്ധി വര്‍ദ്ധിപ്പിയ്ക്കാനും ചിന്തിയ്ക്കാനുള്ള കഴിവിനുമെല്ലാം ചെറുവിരലില്‍ മോതിരമണിയുന്നത് ഏറെ നല്ലതാണ്. ഇത് സ്വര്‍ണമോതിരെങ്കില്‍ കൂടുതല്‍ നല്ലതാണെന്നു പറയാം.