ഓണം 2021: ഓണത്തിന് ഐശ്വര്യം വരാൻ ഈ അനുഷ്ഠാനങ്ങൾ

ഓണം ആരംഭിക്കുന്നത്

അത്തം മുതലുള്ള പത്ത് ദിവസമാണ് ഓണം ആരംഭിക്കുന്നത്. അത്തം ദിനത്തിൽ പൂക്കളമിട്ട് തുടങ്ങുന്നു. പിന്നീടങ്ങോട്ടുള്ള പത്ത് ദിവസവും പൂക്കളമിട്ട് ആഘോഷിക്കുന്നു നമ്മളെല്ലാവരും. മാവേലി മന്നനെ എതിരേൽക്കുന്നതിന് വേണ്ടി മുറ്റത്ത് ചാണകം മെഴുകി പൂക്കളമിടുന്നതിന് ആരംഭം കുറിക്കുന്നു. പൂക്കളം തയ്യാറാക്കുന്നതിലൂടെ വീട്ടിൽ ഐശ്വര്യം വരുന്നു എന്നാണ് വിശ്വാസം.

തൃക്കാക്കരയപ്പൻ

തൃക്കാക്കരയപ്പനെ വെക്കുന്ന ചടങ്ങും ഓണത്തിന്റെ പ്രധാന ചടങ്ങുകളിൽ ഒന്നാണ്. തെക്കൻ ജില്ലകളിലും മധ്യകേരളത്തിലും എല്ലാം ഈ ചടങ്ങിന് ഇന്നും മുടക്കം വരുന്നില്ല. ഉത്രാടം നാളിൽ തന്നെ ഈ പരിപാടി തുടങ്ങുന്നുണ്ട്. അതിന് വേണ്ടി കളിമണ്ണ് കൊണ്ട് തൃക്കാക്കരയപ്പനെ ഉണ്ടാക്കി അരിമാവ് കൊണ്ട് ഇതിന്റെ മുകളില്‍ കോലം വരക്കുന്നു. ഇതിനെ ഓണം കൊള്ളുക എന്നാണ് പറയുന്നത്.

ഓണക്കാഴ്ച

ഓണത്തിൻറെ ചടങ്ങുകളില്‍ പ്രധാനപ്പെട്ടത് തന്നെയാണ് ഓണക്കാഴ്ചയും. പണ്ട് കാലത്ത് ഇത് നിർബന്ധമായിരുന്നു. ഓണക്കാഴ്ച സമർപ്പണത്തിന്‍റെ ഭാഗമായി ജന്മിക്ക് കുടിയാൻമാരാണ് കാഴ്ചക്കുല സമർപ്പിച്ചിരുന്നത്. കാഴ്ചയർപ്പിക്കുന്ന ചടങ്ങ് ഇന്ന് പല ഭാഗത്തും ഉണ്ട്. ഇതും ഓണത്തിന്റെ ഭാഗമായി ഇന്നും അനുഷ്ഠിച്ച് വരുന്ന ഒരു ചടങ്ങ് തന്നെയാണ്.

ഉത്രാട ദിനം

ഉത്രാട ദിനമാണ് ഒന്നാം ഓണമായി കൊണ്ടാടുന്നത്. ഓണാഘോഷത്തിന്റെ അവസാന ദിവസമാണ് ഇത്. ഓണത്തിന് വേണ്ടി എല്ലാ വിധത്തിലുള്ള സാധനങ്ങളും വാങ്ങിക്കുന്നതിന് വേണ്ടി മലയാളികള്‍ നെട്ടോട്ടമോടുന്നത് കൊണ്ടാണ് ഉത്രാടപ്പാച്ചിൽ എന്ന് പറയുന്നത്. ഓണത്തിന് വേണ്ടി എല്ലാ വസ്തുക്കളും വാങ്ങിച്ച് കൂട്ടുന്ന ദിവസത്തെ ഉത്രാടപ്പാച്ചിൽ എന്നാണ് പറയുന്നത്.

ഓണ സദ്യ

ഓണസദ്യയാണ് മറ്റൊരു പ്രത്യേകത. എന്നാൽ സദ്യ വിളമ്പുന്നതിന് പിന്നിൽ ശ്രദ്ധിക്കേണ്ട ചിലതുണ്ട്. ഏത് വിഭവം ഇലയുടെ ഏത് അറ്റത്ത് വിളമ്പണം എന്നുള്ളത് ശ്രദ്ധിക്കേണ്ട ഒന്നാണ്. അത് വളരെയധികം ശ്രദ്ധിച്ചാണ് പണ്ടു മുതലുള്ളവർ ചെയ്യുന്നതും. തെക്കൻ ജില്ലകളിൽ പരിപ്പ് ആണ് ആദ്യം വിളമ്പുന്നത്. കോഴിക്കോട് പോലുള്ള ജില്ലകളിൽ ഓണദ്യക്ക് നോൺ വെജ് തയ്യാറാക്കുന്നു.