Just In
- 34 min ago വിവാഹ ശേഷം ഭര്ത്താവ് ഭാര്യയില് നിന്ന് ആഗ്രഹിക്കും പ്രധാനപ്പെട്ട 6 കാര്യങ്ങള്
- 1 hr ago കൂടുതല് അടുക്കാന് പിണക്കങ്ങള് നല്ലതാണ്; ബന്ധങ്ങള് തകരുന്നത് അത് പരിഹരിക്കാതിരിക്കുമ്പോഴാണ്
- 2 hrs ago Numerology Horoscope: ഭാഗ്യം, പണം, വിജയം: ഭാഗ്യഫലങ്ങള് ഏപ്രില് കാത്തിരിക്കുന്നവര്
- 4 hrs ago 'നശിച്ച നേരം'; ശരിയാണ് ഓരോ രാശിക്കാര്ക്കും ഉണ്ട് നാശോന്മുഖമായ സന്ദര്ഭം, നിങ്ങളുടേത് ഏതാണെന്ന് നോക്കൂ
Don't Miss
- Automobiles ടിക്കറ്റില്ലാത്തവര് റിസര്വ്ഡ് സീറ്റ് കൈയ്യേറിയോ? ഇക്കാര്യങ്ങള് ചെയ്താല് മതിയെന്ന് റെയില്വേ
- Movies 'പ്രണവ് ഒരു ഡ്രിങ്ക് ഓഫര് ചെയ്തു... അങ്ങനെ വർഷങ്ങൾക്ക് ശേഷം അവനൊപ്പം ഒരു പെഗ്ഗടിച്ചു'; ധ്യാൻ ശ്രീനിവാസൻ
- Travel ഇതല്ലേ സ്വർഗ്ഗം! ഈ ജീവിതത്തില് ഇതൊക്കെയല്ലേ കാണേണ്ടത്; ജന്നത്ത്- ഇ- കശ്മീര് യാത്രയുമായി ഐആര്സിടിസി
- News വിജയിച്ചാല് ജനങ്ങള്ക്കൊപ്പമുണ്ടാവും, രാഹുല് വന്യജീവി വിഷയം പോലും ഉന്നയിച്ചിട്ടില്ല: ആനി രാജ
- Sports IPL 2024: ജയ്സ്വാളും ഗില്ലും കോലിയുമല്ല, ഓറഞ്ച് ക്യാപ്പ് സഞ്ജു നേടും! ഈ കാരണങ്ങള്
- Finance മൾട്ടിബാഗർ പെന്നി ഓഹരി, ഇന്ന് കൂടിയത് 1.30 രൂപ, കുതിപ്പ് വരും ദിവസങ്ങളിലും തുടരും, കൂടെക്കൂട്ടുന്നോ...
- Technology ആധാർ അപ്ഡേഷൻ: സർക്കാർ സമയം നീട്ടിനൽകി; സൗജന്യമായി എന്തൊക്കെ അപ്ഡേറ്റ് ചെയ്യാമെന്ന് ഇതാ
Republic Day Wishes In Malayalam: റിപ്പബ്ലിക് ദിനം 2024; റിപ്പബ്ലിക് ദിന സന്ദേശങ്ങള്
republic day 2024: 2024 ജനുവരി 26ന് രാജ്യം 75-ാം റിപ്പബ്ലിക് ദിനം ആഘോഷിക്കുന്നു. ഈ ദിവസം ന്യൂഡല്ഹിയില് പ്രൗഢഗംഭീരമായ റിപ്പബ്ലിക് ദിന പരേഡ് നടത്തുന്നു. ഭരണഘടന നിലവില് വന്നതിന്റെ ഓര്മ്മയ്ക്കായാണ് ഈ ദിനം ആചരിക്കുന്നത്. 1947 ആഗസ്റ്റ് 15ന് ബ്രിട്ടീഷുകാരുടെ അടിമത്തത്തില് നിന്ന് മോചനം നേടിയെങ്കിലും പൂര്ണാര്ഥത്തില് ഇന്ത്യ സ്വതന്ത്രരാജ്യമായത് 1950 ജനവരി 26ന് പുതിയ ഭരണഘടന നിലവില് വന്നതോടെയാണ്. ഇന്ത്യന് ഭരണഘടനയുടെ നിര്മ്മാണത്തിനായി ഏകദേശം 2 വര്ഷവും 11 മാസവും 18 ദിവസവും എടുത്തു. റിപ്പബ്ലിക് ദിനാഘോഷത്തിന്റെ ഭാഗമായി ഡല്ഹിയിലെ ഇന്ത്യാഗേറ്റില് വ്യോമസേനയും കരസേനയും നാവികസേനയും പരേഡ് നടത്തുന്നു.
ഭരണഘടന തയ്യാറാക്കിയ നമ്മുടെ മഹാനായ അംബേദ്കറെയും ഈ ദിവസം ഓര്മ്മിക്കപ്പെടുന്നു. റിപ്പബ്ലിക് ദിനം രാജ്യമെങ്ങും വിവിധ ആഘോഷങ്ങളോടെ വര്ണാഭമായി കൊണ്ടാടുന്നു. ഈ ആഘോഷവേളയില് നിങ്ങളുടെ പ്രിയപ്പെട്ടവര്ക്കായി റിപ്പബ്ലിക് ദിന സന്ദേശങ്ങള് കൈമാറാം. നിങ്ങളുടെ സുഹൃത്തുക്കളുമായും കുടുംബാംഗങ്ങളുമായും ഷെയര് ചെയ്യാവുന്ന ചില വാട്സാപ്പ്, ഫെയ്സ്ബുക്ക് സന്ദേശങ്ങളും ആശംസകളും ഇതാ.
റിപ്പബ്ലിക് ദിനം 2023
ഇന്ത്യയിലെ ഓരോ പൗരന്മാര്ക്കും വേര്തിരിവുകളും വിവേചനങ്ങളുമില്ലാതെ ജീവിക്കാനും സ്വതന്ത്രമായി പ്രവര്ത്തിക്കാനും അവരവരുടെ സാമൂഹിക, സാംസ്കാരിക, മതമൂല്യങ്ങള് മുറുകെ പിടിക്കാനും അവകാശം നല്കുന്നതാണ് ഇന്ത്യന് ഭരണഘടന. ഈ പരമോന്നത നിയമസംഹിതയോടാണ് ഒരുസ്വതന്ത്ര പരമാധികാര രാഷ്ട്രമായി നിലനില്ക്കുന്നതില് രാജ്യം കടപ്പെട്ടിരിക്കുന്നത്. അതിനെ സംരക്ഷിക്കേണ്ട കടമകള് വിളിച്ചോതിയാണ് ഓരോ റിപ്പബ്ലിക് ദിനവും ആഘോഷിക്കപ്പെടുന്നത്.
റിപ്പബ്ലിക് ദിനം 2023
1947 ഓഗസ്റ്റ് 29ന് സ്ഥിരമായ ഒരു ഭരണഘടന തയ്യാറാക്കാന് കരട് സമിതിയെ നിയോഗിച്ചു. ഈ സമിതിക്ക് ഡോ. ബി.ആര്. അംബേദ്കറായിരുന്നു നേതൃത്വം നല്കിയത്. ഒരു കരട് ഭരണഘടന തയ്യാറാക്കി 1947 നവംബര് 4ന് പാര്ലമെന്റില് സമര്പ്പിച്ചു. നിരവധി പരിഗണനകള്ക്കും ചില പരിഷ്കാരങ്ങള്ക്കും ശേഷം 1950 ജനുവരി 24ന് നിയമസഭയിലെ 308 അംഗങ്ങള് ഭരണഘടനയുടെ രണ്ട് കൈയ്യെഴുത്ത് പകര്പ്പുകളില് ഒപ്പിട്ടു. രണ്ട് ദിവസത്തിന് ശേഷം ഭരണഘടന പ്രാബല്യത്തില് വന്നു.
റിപ്പബ്ലിക് ദിനം 2023
1947 ഓഗസ്റ്റ് 15ന് ഇന്ത്യക്ക് സ്വാതന്ത്ര്യം ലഭിച്ചുവെങ്കിലും ഇന്ത്യന് ഭരണഘടന നിലവില് വരാന് മൂന്നു വര്ഷത്തോളം വീണ്ടുമെടുത്തു. 1947 മുതല് 1950 വരെ ജോര്ജ്ജ് ആറാമന് രാജാവാണ് ഇന്ത്യയുടെ പരമോന്നത സ്ഥാനം വഹിച്ചിരുന്നത്. ഇന്ത്യയുടെ ഭരണ ചുമതല ഗവര്ണ്ണര് ജനറല് പദവി നല്കി സി. രാജഗോപാലാചാരിക്കായിരുന്നു. 1950 ജനുവരി 26ന് ഡോ. രാജേന്ദ്രപ്രസാദ് ഇന്ത്യയുടെ തെരഞ്ഞെടുക്കപ്പെട്ട ആദ്യ പ്രസിഡന്റായി നിയോഗിക്കപ്പെട്ടു.
റിപ്പബ്ലിക് ദിനം 2023
ഇന്ത്യാക്കാരെ സംബന്ധിച്ചിടത്തോളം ജനുവരി 26 സവിശേഷ ദിനമാണ്. 1950 ജനുവരി 26നാണ് ബ്രീട്ടീഷ് ആധിപത്യത്തില് നിന്നും മാറി ഇന്ത്യ ഒരു ജനാധിപത്യ രാജ്യമായത്. ഭരണഘടന അംഗീകരിക്കപ്പെട്ടതും ഈ ദിനത്തിലാണ്.
റിപ്പബ്ലിക് ദിനം 2023
എന്തുകൊണ്ട് ജനുവരി 26 എന്ന ദിവസം തിരഞ്ഞെടുത്തു എന്നതിന് ഉത്തരമായി വീണ്ടും പുറകോട്ടു സഞ്ചരിക്കേണ്ടതായുണ്ട്. 1930 ജനുവരി 30 നാണ് ബ്രിട്ടനില് നിന്ന് ഇന്ത്യ പൂര്ണ്ണമായും സ്വതന്ത്രമാകണമെന്ന് കോണ്ഗ്രസ് ആവശ്യമുന്നയിച്ചത്. പൂര്ണ സ്വരാജ് പ്രമേയം കോണ്ഗ്രസ് സമ്മേളനം പാസ്സാക്കിയതും അന്നാണ്.
റിപ്പബ്ലിക് ദിനം 2023
റിപ്പബ്ലിക് ദിനത്തില് ഇന്ത്യന് രാഷ്ട്രപതിയാണ് ചെങ്കോട്ടയില് ദേശീയപതാക ഉയര്ത്തുന്നത്. എന്നാല് സ്വാതന്ത്ര്യദിനാഘോഷത്തില് പതാക ഉയര്ത്തുന്നത് പ്രധാനമന്ത്രിയും. ഒരു പതാക ഒരു സ്വതന്ത്ര രാജ്യത്തിന്റെ പ്രതീകമാണ്. ദേശീയ പതാക ഇന്ത്യക്കായി ഡിസൈന് ചെയ്തത് ആന്ധ്രയില് നിന്നുള്ള പിംഗലി വെങ്കയ്യയാണ്.
റിപ്പബ്ലിക് ദിനം 2023
റിപ്പബ്ലിക് ദിനാഘോഷത്തിന്റെ ഭാഗമായി രാജ്യതലസ്ഥാനമായ ഡല്ഹിയില് വര്ഷാവര്ഷം വര്ണ്ണ ശബളമായ ആഘോഷ പരിപാടികള് നടത്തുന്നു. രാഷ്ട്രപതി ഭവന് സമീപമുള്ള റെയ്സിന ഹില്സില് നിന്ന് ഇന്ത്യാ ഗേറ്റ് വഴി ചെങ്കോട്ടയിലേക്ക് ഘോഷയാത്ര നടത്തുന്നു.
റിപ്പബ്ലിക് ദിനം 2023
കര, നാവിക,വ്യോമ സേനാംഗങ്ങളുടെ മാര്ച്ച് പാസ്റ്റും ഇതിന് അകമ്പടിയായുണ്ടാവും. ഇന്ത്യന് സേനയുടെ പരമോന്നത കമാണ്ടറായ ഇന്ത്യന് പ്രസിഡന്റ് പരേഡില് സല്യൂട്ട് സ്വീകരിക്കും. ഓരോ സംസ്ഥാനത്തിന്റെയും നിരവധി ഫ്ളോട്ടുകളും മറ്റും ഘോഷയാത്രയില് അണിനിരക്കും.
റിപ്പബ്ലിക് ദിനം 2023
എല്ലാ സംസ്ഥാന തലസ്ഥാനങ്ങളിലും റിപ്പബ്ലിക് ദിനാഘോഷങ്ങള് ഔദ്യോഗികമായി നടക്കുന്നു. സംസ്ഥാന ഗവര്ണ്ണര്മാരാണ് പതാക ഉയര്ത്താറ്. ഗവര്ണ്ണറുടെ അസാന്നിധ്യത്തില് സംസ്ഥാന മുഖ്യമന്ത്രിയാവും പതാക ഉയര്ത്തുക. ജില്ലാ ആസ്ഥാനം, സബ് ഡിവിഷനുകള്, താലൂക്കുകള്, പഞ്ചായത്തുകള് എന്നിവിടങ്ങളിലും സമാനമായ ആഘോഷങ്ങള് നടക്കുന്നു.
റിപ്പബ്ലിക് ദിനം 2023
റിപ്പബ്ലിക്ക് ആഘോഷങ്ങള്ക്ക് ഓരോവര്ഷവും തിരശീല വീഴുന്നത് ബീറ്റിംഗ് റിട്രീറ്റ് എന്ന് വിളിക്കുന്ന സൈനിക പരിപാടിയുടെ അകമ്പടിയോടെയാണ്. റിപ്പബ്ലിക്ക് ദിനം ജനുവരി 26ന് ആണെങ്കിലും ബീറ്റിംഗ് റിട്രീറ്റ് പിന്നെയും മൂന്നുദിവസം കഴിഞ്ഞ് 29നാണ് അരങ്ങേറുക. ഇന്ത്യന് പട്ടാളത്തിന്റെ മൂന്നുവിഭാഗങ്ങളും അണിനിരന്ന് റെയ്സിന ഹില്ലില് നടത്തുന്ന വാദ്യമേളമാണ് ബീറ്റിംഗ് റിട്രീറ്റിന്റെ ആകര്ഷണീയത.