ഗ്ലാസിലെ വെള്ളത്തിലിട്ട നാരങ്ങ ധന വഴി

നാരങ്ങ വശ്യമാണ്

നാരങ്ങ വശ്യമാണ് എന്നു പറയും. കടകളില്‍ ഇതു വയ്ക്കുന്നത് നെഗറ്റീവ് ഊര്‍ജം ഒഴിവാക്കാനും ആളുകളെ ആകര്‍ഷിയ്ക്കാനുമാണ്. അതായത് കസ്റ്റമര്‍ വരാന്‍. കച്ചവടം നടക്കാന്‍. ചുരുക്കിപ്പറഞ്ഞാല്‍ ധനാഗമ മാര്‍ഗം. ഇതിനൊപ്പം നെഗറ്റീവ് ഊര്‍ജം ഒഴിവാക്കുക, പൊസറ്റീവ് ഊര്‍ജം നിറയ്ക്കുക എന്നൊരു വഴി കൂടിയുണ്ട്. നാരങ്ങാ കെട്ടിത്തൂക്കിയിടുന്നതിനും കാരണം ഇതാണ്.

നാരങ്ങ, വെറ്റില, രുദ്രാക്ഷം, ശംഖ്, കരിങ്ങാലി

നാരങ്ങ, വെറ്റില, രുദ്രാക്ഷം, ശംഖ്, കരിങ്ങാലി എന്നിവയെല്ലാം വശ്യം ചെയ്യുവാന്‍ നല്ലതാണ്. ജനവശ്യം, പതി വശ്യം തുടങ്ങിയ പലതുമുണ്ട്. ജന വശ്യമാണ് നാരങ്ങ. ആളുകളെ ആകര്‍ഷിയ്ക്കാന്‍. ഇതുവഴി പണം നേടാന്‍.

വിഷാംശം

വിഷാംശം നീക്കുന്ന ഒന്നാണ് നാരങ്ങ. ആന്റിഓക്‌സിഡന്റുകള്‍ അടങ്ങിയ ഇത് ഈ ഗുണം കൊണ്ടാണ് വിഷം കളയാന്‍ ഉപയോഗിയ്ക്കുന്നത്. വേല്‍മുരുകന് പോലും ഏറ്റവും പ്രിയപ്പെട്ട ഒന്നാണ് നാരങ്ങ. ശൂലം കുത്തിയാല്‍ നാരങ്ങയും ഭസ്മവുും ഇട്ടാല്‍ വേദനയറിയില്ലെന്നാണ് വിശ്വാസം. ഭക്ഷണ ശേഷം, പ്രത്യേകിച്ചു സദ്യകള്‍ക്കു ശേഷം നാരങ്ങ തരുന്ന വിധിയ്ക്കു പുറകിലും ഇതു തന്നെയാണ്.

വെള്ളത്തില്‍ വെറുതേ നാരങ്ങ

വെള്ളത്തില്‍ വെറുതേ നാരങ്ങ ഇട്ടു വച്ചാല്‍ മാത്രം പോരാ. ഇതിനു ചില ചിട്ടകളുണ്ട്. ദിവസവും വെള്ളം മാറ്റണം. ദിവസവും നാരങ്ങയും മാറണമെന്നു പറയുന്നു. ദിവസവും വെള്ളവും നാരങ്ങയും മാറി മാറി വയ്ക്കുന്നതാണ് കൂടുതല്‍ നല്ലത്. ഇത് നെഗറ്റീവ് ഊര്‍ജം നീക്കാനും പണം വരാനുള്ള നല്ല വഴിയാണ്. ധനത്തെ ആകര്‍ഷിയ്ക്കുന്ന ഒരു രീതിയാണിത്. നക്ഷത്ര പ്രകാരം ചിലര്‍ ഇതിട്ടു വയ്ക്കാറുണ്ട്, ചില പ്രത്യേക രീതിയില്‍.

നാരങ്ങ

നാരങ്ങ ഇട്ടു വയ്ക്കുന്നത് കിണര്‍ വെള്ളത്തിലായാല്‍ ഏറെ ഗുണകരമാണ്. ധനാഗമം മാത്രമല്ല, വീട്ടിലെ നെഗറ്റീവ് ഊര്‍ജത്തെ ഒഴിവാക്കാന്‍ ഏറെ നല്ലതാണ് വെള്ളത്തില്‍ ചെറുനാരങ്ങ ഇട്ടു വയ്ക്കുന്നത്. കടയില്‍ മാത്രമല്ല, വീട്ടിലും ഇതിങ്ങനെ ചെയ്യുന്നതു ഗുണം നല്‍കും എന്നു വേണം, പറയുവാന്‍.